Puu Findi 20:1 - Ibani New Testament

¹ Anịsáa a sookumuḅọ arịm sobie sághị kóróḅoarịḅọ, ọ ḅárabie ori sughu nyánágha póghóló kiri ma igodo findinyẹ ọlọm na pịghị iku ikólina nyẹ.

Puu Findi 20:1 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 8:31

Sitẹ́mẹ́ ma warị Jizọs tẹ́ghẹ̄ ḅẹ́ ori nde pa kunema nyanagha póghóló kiri bie suama.

2 Pita 2:4

Siinyẹ mịẹ sookumuapụ ma Tamuno nnị warisogha, ori nnị pa ẹ́kpẹ́duaama fịrịmam, ịkóli suanyẹ na n ḅara na pa kánákáná póghóló kiribie gbii ḅẹ́rẹ́kọọ éné ma kúruarị.

Judu 1:6

Ọmịnị sookumuapụ ma pa biekóróma, mịnị nna ḅụ pa nna kụrọ láa kunema angaá ḅụ warighaapụ, kụ́ma nna fịnị yọ warisom: n gbámásó ịkóli pa n suamam sughubie fịnị kánákáná ma bie, Tamuno n pa warị pa anị opu éné ma kúru nna ḅẹ́rẹ́kọ éné nnị n guluguluma bẹ sáá.

Puu Findi 1:18

Irịị anịị duma fịnịḅọ ma! A fịị sáá imii, kụ́ma mị́sa a duma muu ḅẹsá ḅẹsá lam. A kụ́rọ nyáná ḅo fịị pịrịm na fịịmaapụ ma tuminikiri.

Puu Findi 10:1

Anịsáa a warị jẹ́ opu sookumuḅọ arịị sobie sághị kóróḅoarịḅọ. Oḅuto ọ gbẹ́ẹ̄ ikélekélem so sọ́ḅọ́rọ́ suabịtẹ, ọdum warị ọ sịbị ikelekelema; o tórúku sọ́ḅọ́rọ́ ịrụa ma, ọ ḅụọ sọ́ḅọ́rọ́ n fịnị ḅụ fịnịkiri pie sị.

Puu Findi 18:1

Mịma ḅọ́rọ́fáma sáá a jẹ́ sookumuḅọ arịm sobie sághị kóróḅoarịḅọ. Ori opuma kụ́rọ nyánam ori ipine warị tuminikiri ma mịẹsị anị fíafía sị ibima bia.

Puu Findi 20:3

Sookumuḅọ ma o gbi pa sughu nyánágha póghóló kiri ma bie suam ori ikasii pịghị ọ gbẹpalị, sị ọmịnị ine jẹ́ pa oḅori pa sẹ ma sịbịgha ḅara; ákị muu kụ́rá mmẹẹ́ a ndẹ́ẹ oyia si findi ma kara sáá láa. Anịsáa nnị ọ fị́ma ḅẹm kálá satuo ḅụ.