Puu Findi 2:2 - Ibani New Testament

² A ị́yẹ́ mịẹ́nyẹ nimim i kọmaá duma; a nimim ịrị ịnyọsua fịrịnwangịmaá ḅara ị pịghị ngịrịma nyanamaá ḅara. A nimim ḅẹẹ ịrị ine sii túminị́ dighi tọ́rụ́sibịgha, ị pịghị nfịrịmaapụ pa nna ḅụ sịịapụ ma dáadighiman, kụ́ma nnị ọkọ fịnịgha, sị warị dọghụ pághámaḅom ḅẹẹ nnị iruonyẹ dughoapụ.

Puu Findi 2:2 ပူးပေါင်းရင်းမြစ်များ

Matiu 7:23

Anịsáa a dughofindi n pịrịbẹm,

Ibi Oku Ma Jọn Anị Gịẹ Ḅara 6:6

Ọ mịma gbilam pa ọ daá dighi, ọ nimiwarịmam ọ tẹ́mẹ́bie ọ mịẹbẹnyẹ.

Galesiaapụ 1:7

Jẹ́ ibi oku ofori, a mịma dughoarị tegó jẹ́apụ imi ḅụḅáláḅálá pa ọ pịrịarịapụ n pịghị asọ dọghụ Krais ibi oku ma dima dọ́ghụm.

Ẹ́fịsọsapụ 4:14

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 5:21

Nyẹ gonyẹ́ gonyẹ́ daádighi, ibinyẹ ma ọlọ kụ́rọ́maá.

2 Timoti 2:19

Tamuno kụrọ sughu isé ma ḅẹnyẹ ḅẹnyẹ anị jighe jighemabịgha; anị ọgọnọ anịị n mị ẹ́gẹ́rẹ́ ma gịẹnyẹ: <>

Hiburuapụ 6:10

Tamuno ori anịị karakárá ḅo ma. Ori ọmịna fịrị pa bieḅáramabịgha anịgha ọ nyána ọ pịrị ḅẹlẹma, ọ pịghị nyáná, pịghị pa nyánáarị ḅárásua pa Krais asọ duaarịapụ ma pịrịarị.

1 Jọn 4:1

Ị́yẹ́ ibi nangwọapụ, ọ tẹ́mẹ́ gonyẹ́ gonyẹ́ minini ma, kụ́ma tẹ́mẹ́ mamgba daádighi pa nimi ḅọ́rọ́ nnị Tamuno ḅara saghị ḅo, tegó tọgha tọgha epele ikiakoroapụ tuminikiri ma sọmam.

Puu Findi 2:5

Biekóróma ọ bịghị kóró lama ḅara! Ọmịnị ọmịna sii ḅụ pịghị sị parị ọ mịẹmịẹnyẹ ma mịẹ. Ọ sii ḅụ pịghịgha pịghịgha, a ọ dámáḅobẹm sị ọmịna tọndọ gbananyẹ ma ákị anị fịnịkiri.

Puu Findi 2:6

Kụ́ma mịma anịị a pa ọ túminí bẹnyẹ; ḅẹẹ ọ Nikolasị duarịapụ ma mịẹarịnyẹ ḅẹlẹmagha.

Puu Findi 2:9

A ọmịna ḅụḅáláḅálá nimim; a pịghị ọmịna ịgónyí nimim anịsọ ọ pa ngọ nyánam! A nimim nnị ọ ḅụ ḅụ dugho síí ẹ́gẹ́rẹ́, ḅẹ́eapụ ḅẹẹ nnị Juuapụ kụ́ma nnị Juuapụgha; nnị anịị Satanị kubiri ogbo!

Puu Findi 3:1

<

Puu Findi 3:15

A ọmịna mịẹnyẹ nimim, a nimim ḅẹẹ ọmịnị oḅúghúgha anịgha ọfịrịịgha! A bibẹm ọ ḅọ́rọ́ ọfịrịị anịgha oḅughu.

Puu Findi 3:8

A ọ ọmịna mịẹnyẹ nimim, a ḅụ́pọ́ findi ọ pịrịmam gbẹ́rẹ́ḅọ sọ ine ikásịbịgha nyẹ. A nimim ḅẹẹ ọ kálá ịnyọ nyánam; ọmịnị ị́yẹ́ dienyẹ ma duamam, ọ pịghị sẹ kụrọ ị́yẹ́ ẹrẹ ma pịrịmam.