Puu Findi 17:3 - Ibani New Testament

³ Tẹ́mẹ́ ma warị ikoro, sookumuḅọ ma warị i dighiákị pa elesiri mú. Anị ngaa a gbẹ́rẹ́ ọ́rụ́ḅọ arịm áwụ áwụ biarị ḅáláfáma nama ọgọnọ kpọrọfịnịarị, Tamuno ẹ́rẹ́ dughosima nyẹ anịị n gịẹnyẹ anị oju gbọrụ ḅụ, ḅáláfama nama ma sọ́nọ́ma sịbị nyanam na pịghị oyia ikpangi.

Puu Findi 17:3 ပူးပေါင်းရင်းမြစ်များ

Matiu 27:28

Nnị ori áláápụ́ koro bịtẹ siim sị áwụ bia ḅara bia opu bịtẹ pa ọ sua.

Fịrị Ḅara 8:39

Nnị iwóo kiri ḅo sáá, Tọ́ntọ́ Tẹ́mẹ́ ma warị Filipụ sị akị, opu tumḅọ ma mịnị Filipụ arịgha kụ́ma ọ pa o muarị angaá muum opu bieḅẹlẹ na ori na.

2 Tẹsalonaikaapụ 2:4

Túminị́ pa tamuno mịẹsị susi pịrịarịnyẹ gonyẹ́ gonyẹ́ o sa nyáná pịrịbịgha mịị tumḅọ oḅu árịbẹm ḅẹ́ ọ dụḅa n nẹ́ngifámam, ọ pịghị Tamunowarị ma sọ́bẹm kpọrọfịnị sị dugho págháma ḅẹẹ ori anị Tamuno.

Puu Findi 1:10

Kị́nị́nyánáḅọ éné ma ḅụ, a tẹ́mẹ́ju imi, a warị ọdụ fịnị ḅara fịnị opu pụghọ náa ị́yẹ́ ọḅụju.

Puu Findi 12:14

Nnị mmẹẹ́ opu ogbólílo pamba pa a pịrịm sị a fiighi n tẹ́lẹ́ma warị a pịrị ngaa muu elesiri ḅụ, nnị a siḅe bẹ angaá tẹ́rẹ́ a kụ́rá na mpara, ḅụọ nyáná ododó ma ine ḅara pa a gbọbịgha angaá.

Puu Findi 12:3

Jẹ́ ḅụ́gbérépuma ilíghíma anị ḅụ diem sobie gbẹ́rẹ́ opuma dụḅa áwụ bia sị ḅụọ nyáná ododó imii, anị sọ́nọ́ma sịbị nyánam na oyia ikpangi na pịghị sọ́nọ́ma ogunu nyánam anị sịbị ọ́gọ́nọ.

Puu Findi 12:6

Ọ́rụ́ḅọ ma mangị elesiri múm, Tamuno tẹ́lẹ́ma warị a pịrịmaá angaá nnị a táa kubiri bẹ angaá dii tẹ́rẹ́ ndẹ́ẹ na tẹ́rẹ́ si.

Puu Findi 17:18

<<Ị́yẹ́ árị ọ́rụ́ḅọ ma anịị tuminikiri ámányánáapụ ma táarị opu ama ma.>>

Puu Findi 17:4

Ọ́rụ́ḅọ ma tọrụsọgha áwụ bịtẹ na áwụ bịtẹ suam warị odoḅala na kiri sághị ḅoo nyẹ láa dapịrị na mingi bie saghị ḅoo nyẹ́laa dapịrị pa a ḅụ́birima. A ḅárabie árị odoḅala ọmọngọ ọlọm pile nyẹ na pịghị túminị́ tọ́ọ nyẹ anịị bie biim, árị amadọghụ dighiḅọ nyẹ.

Puu Findi 18:12

Gbẹ́rẹ́ḅọ sọ mịnị nna odoḅala, pị́naḅala, kiri sághị ḅoo nyẹ́laa dapịrị, na mingi bie sághị ḅoo nyẹ́la dapịrị fẹghaa, nna asamịna alo tọrụsọgha áwụ́bite, silik na, áwụ sánị bia ḅara bia áwụ́bite, tọ́rụ́kịrịkị́rị́ kụ́nụ́ sị, nnị ọdụ pa kara tọ́rụ́kịrịkị́rị́ nyẹ na pịghị nyẹ láa si, áwụ́ ḅala; ikúlélu na mabulu;

Puu Findi 18:16

si ḅẹẹ: mịị tọ́rọ́fịnị ḅáláfama nyẹ! <<

Puu Findi 21:10

Tẹ́mẹ́ i korom, sookumuḅọ ma warị i dighiákị pa opuma sóghóló tụ́ndụ ọgọnọ gbánā. O Jerusalem Tọ́ntọ́ Opu ama ma pa i diem, sobie Tamuno ḅụ sághị kóróḅoarị.

Puu Findi 4:2

Anị gbẹ́rẹ́kiri Tẹ́mẹ́ i korom. Anị ngaa sobie, a imine arịm sị kị́nị́ árịị anị ọ́gọ́nọ kpọrọfịnịarị.