Puu Findi 16:14 - Ibani New Testament

¹⁴ Nnị anịị ḅụ́gbérépuma fịrị nwángịarị ẹ́kpẹ́dua tẹ́mẹ́. Mị tẹ́rẹ́ a tẹ́mẹ́ ma tuminikiri ámányánáapụ mamgba damamum, sị n kobiri pa ọ́mụ́gbi ma pịrị kiriakị bẹnyẹ Kụrọmamgba Nyáná Tamuno ma opu éné.

Puu Findi 16:14 ပူးပေါင်းရင်းမြစ်များ

Matiu 24:14

Ḅẹẹ mị ásẹ́mẹ́kiri ma ibi oku ma nnị anị dugho wásámabẹm tuminikiri gonyẹ́ gonyẹ́ ḅụ sị anị onyẹ́sẹ sẹ gonyẹ́ gonyẹ́ pịrị, anịsáa kunema ma ḅobẹm.

Matiu 24:24

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Ibi Oku Ma Mak Anị Gịẹ Ḅara 13:22

Tegó iruo Messaya na iruo ikiakoroapụ págháḅobẹm. Nnị tọgha ḅụ́gbérépuma fịrị nwángịbẹm sị n pa oḅori pa Tamuno sẹlẹakịapụ ma sị ḅọ́rọ́ nnị ine inee.

Ibi Oku Ma Luk Anị Gịẹ Ḅara 2:1

Anịsáa ma ḅụ, Siza ma, Ọgọstọs ólóghó pịrịm ḅẹẹ nnị kị́nị́mamgba ẹ́rẹ́ pa diri bie sua, anịị Rom sughubie fịnị sẹ mamgba.

Ibi Oku Ma Jọn Anị Gịẹ Ḅara 8:44

Ọmịnị anịị ọmịna daá ẹ́kpẹ́dua awọ, ọ pịghị ọmịna daa binyẹ mịẹ dọ́ghụm. Parị sáá éné éné ori anịị kị́nị́ ḅá ḅáḅọ, karakárá ma ọlọgha pa, gbẹ́rẹ́ karakárá sọ ọ ḅụbie ofori. Ori iruonyẹ dughoarị sáá ori ọrẹ ama bịpị fiearị, ori anịị iruonyẹ dugho dugho ḅọ pịghị iruonyẹ ma daḅọ.

Romapụ 1:8

Parị a ịmịẹḅam pa ị Tamuno ma ḅẹm, Jizọs Krais ma ẹrẹ ḅụ ọmịnị kị́nị́mamgba sịbị go, tegó tuminikiri gbọrụ ọmịna minini gbolomanyẹ naarị.

2 Tẹsalonaikaapụ 2:9

Siisịbịbieḅo ma ẹ́kpẹ́dua kụ́rọ pa ḅobẹm sị tọ́rụ́kịrịkị́rị́ epele ḅụ́gbérépuma fịrị mamgba nwángịbẹm.

1 Timoti 4:1

Tọ́ntọ́ Tẹ́mẹ́ ma ḅọghugha ḅara pa dugho pághámam ḅẹ́ kunema sáá biri ma ḅụ jẹ́apụ minini ma wárịsóbẹm; si epele ti tẹ́mẹ́ ma pughu sị pịghị sitẹ́mẹ́ diearịnyẹ ma dua.

Jems 3:15

Ọkọ fịnị opu nyẹ́nimi ma sobie saghị ḅogha, ọ́ mị tuminikiri nyẹ, ojumẹnị nyẹ pịghị sitẹ́mẹ́ nyẹ.

1 Jọn 5:19

Wa nimim ḅẹ́ wamịnị Tamuno awọ, tuminikiri gbọrụ ma sọ sii tumḅọ ma sughubie imi.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 13:3

Ḅáláfáma nama ma, sọ́ḅọ́rọ́ nyẹ opuma anị gbẹ́rẹ́ sịbị laam, kụ́ma anị ḅo gwọmam. Tuminikiri gbọrụ tọ́rụ́ ḅo bulubulum sị n warị ḅáláfama nama ma dua.

Puu Findi 16:16

Tẹ́mẹ́ ma warị ámányánáapụ ma táa kubiri gboloma nnị Hiburu ḅẹlẹ ḅụ nnị pa Amagidon sị angaá ḅoo.

Puu Findi 16:7

Anịsáa a ẹ́bẹ ọ́gọ́nọ sághị pụghọ naam dughoarị nyẹ ḅẹẹ, <>

Puu Findi 17:14

Nnị owu pa Ánáná Tụwọ ma pághámabẹm, kụ́ma Ánáná Tụwọ ma na ori osiiapụ ma na ọ sẹlẹakịapụ na sẹ́kụrọ ọ pịrị asọduaapụ n sọḅábẹm tegó ori anịị kị́nị́nyánáapụ ma Kị́nị́nyánáḅọ na pịghị ámányánáapụ ma ḅụ Ámányánáḅọ.

Puu Findi 20:8

ọ pịghị pághábẹm sị muu oḅori pa tuminikiri gbọrụ ḅụ n gálágáláma sẹ ma sịị, mịná sẹ ma anịị Gọgu na Magọgu. Satanị nnị kị́nị́mamgba akuoo kobiri pa ọ́mụ́gbi ḅoobẹm. Nna kịẹbịpị sọ́ḅọ́rọ́ posie aka fịnị onwo.

Puu Findi 3:10

Ọmịnị a sua ọ pịrị ólóghó ma kokomam gosi sị ngịrịma nyáná, irịsọ pịghị ọ koko warịbẹm tuminikiri ḅoarị ḅụḅáláḅálá sáá ma ḅụ, ḅoo tuminikiri fịnịapụ ma daádighi bẹnyẹ.

Puu Findi 6:17

Ḅẹẹ nna igani ma opu éné ḅoomam, tụọ ine sẹ bẹ?>>