Puu Findi 13:16 - Ibani New Testament

¹⁶ Ḅáláfáma nama ma kụrọ pa mịẹm sị túminị́ gonyẹ́ gonyẹ́, káláapụ na opuapụ, áláápụ́ na siminiapụ ómóniapụ na furoawọ ilíghíma nyáná nna amaḅara anịgha nna fụ́ḅára ogbo ḅụ.

Puu Findi 13:16 ပူးပေါင်းရင်းမြစ်များ

Fịrị Ḅara 26:22

Kụ́ma akị ḅo mịmgba éné ma láa a Tamuno ḅárásua nyánaḅom, anịgo a mịngáá sẹ sị onyẹsẹ́ kị́nị́mamgba pịrị, káláapụ na opuapụ na. A dughonyẹ ma anịị ikiakoroapụ ma na Mosis dughonyẹ ḅẹ́ pághábẹm:

1 Kọrịntịapụ 12:13

Anị gbẹ́rẹ́ ḅara ma, wamịnị kị́nị́mamgba ḅọ́rọ́ Juuapụ anịgha Juughaapụ, ómóniapụ anịgha ḅara na nna sịbị nyánáapụ, mị gbẹ́rẹ́ Tẹ́mẹ́ ma mingi pa wa sara mị gbẹ́rẹ́ oju ma ḅụ suumam, Tamuno anị gbẹ́rẹ́ Tẹ́mẹ́ ma pa wamịnị kị́nị́mamgba tẹ́mẹ́bie suamam.

Galesiaapụ 3:28

Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ.

Galesiaapụ 6:17

Mị́sa saghị bịpịmú, gbẹ́rẹ́ḅọ sọ mịnị ḅụḅáláḅálá pa i pịrịma tegó ị́yẹ́ oju a dighi ilíghíma ma diearị ḅẹ́ ịrị Jizọs Krais ómóniḅọ.

Ẹ́fịsọsapụ 6:8

tegó o nimim ḅẹ́ Kị́nị́nyánáḅọ gbẹ́nyẹ pa ọ́rụ́ḅọ ọ́rụ́ḅọ gbẹ́bẹm, ómóniḅọ anịgha furotụ́wọ, n ḅọ nwángị ibifịrị ḅụ.

Kolosiapụ 3:11

Mịnga Girikiḅọ anịgha Juuḅọ ofori tọ́ngọ̄ pẹ́lẹ́ anịgha tọ́ngọ̄ pẹ́lẹ́ghaḅọ, biaapụ, tọ́rụ́ findighaapụ, ómóniapụ anịgha furoawọ, kụ́ma Krais ori nyẹ́mámgba pịghị nyẹ mamgba ḅụ imii.

2 Timoti 3:8

Janesi na Jamberesi, Mosis na nụ́ná ḅara ma anịị mịnaapụ ma karakáráma nụná ḅara, nna tẹ́mẹ́bie mịnị karakárányẹ kórómagha, mịnaapụ anị minini ma gboloma ḅara ḅụ nnị n sịghịmam.

Puu Findi 11:18

Juughaapụ ma opu tẹ́mẹ́ ákụ ḅoo nna bie sọọm; tegó ị́yẹ́ igani sa ḅoo láamam. Nnị fịịapụ ma sịbị ḅẹ́rẹ́kọọ bẹ sáá láamam, Ị́ ịyẹa fịrịnwangịapụ, ikiakoroapụ ma gbẹ́nyẹ pa n gbẹ́ẹ̄ bẹ sa, na pịghị ị́yẹ́ túminị́ mamgba, na ị́yẹ́ ẹ́rẹ́ osiapụ mamgba opuapụ na káláapụ na. Sáá ma láamam ị tuminikiri ma gulugulumaapụ guluguluma bẹ sáá!>>

Puu Findi 15:2

Anịsáa a arịm gilasi gilasi kịka tọ́rụ́ sị n fịnị pa gwagboloma nyẹ. A pịghị ḅáláfáma nama ma na n tẹ́mẹ́ sị pa anị pa biekóróma bẹnyẹ ma sọḅamaapụ arịm, na pịghị sẹ ḅáláfáma nama ẹrẹ ma pịrị kịẹbịpị ma sọḅaapụ. Nnị gilasi gilasi tọ́rụ́ ma aka ḅụ sẹ́fịnịm, nnị Tamuno pa n pịrị hapụ ọlọm

Puu Findi 19:18

O ḅoo ámányánáapụ ojumẹnị pẹẹ́, ọ́mụ́gbi sịbịdáapụ na ọ́mụ́gbiapụ, ásụ na anị dọghụapụ ojumẹnị, túminị́ mamgba ojumẹnị ómóniapụ na furoawọ, duḅaapụ na káláapụ na!>>

Puu Findi 19:20

Ḅáláfáma nama ma nnị ikólinaḅọ ḅara ḅụ okuakịm ori na iruo ikiakoroḅọ, ḅụ́gbérépuma fịrị nwangimaaḅọ ọ tórúku. (Mịná ḅụ́gbérépuma fịrị ma anịị ọ pa ḅáláfáma nama ma ilíghíma nyánáapụ ma oḅori pa n sịị nyẹ, na pịghị susi n tẹ́mẹ́ sị anị pa biekóróma bẹnyẹ pịrịmáapụ) Ḅáláfáma nama ma na iruo ikiakoroapụ ma duma ḅụ anịị nnị n pa kọrịfịnị ésiḅe ma bie gbi suanyẹ ọpọlịḅuruma pa kọrịarị nyẹ.

Puu Findi 19:5

Anịsáa imine ma ḅụ pụghọ sághị korom dughoarị nyẹ ḅẹẹ, <>

Puu Findi 20:12

A pịghị fịịapụ ma arịm, duḅaapụ na káláapụ na sẹ́fịnịarị imine ma tórúku. Nnị tọgha diri findim anịsáa n pịghị jẹ́ diri findim, duma diri. Fịịapụ ma nnị n sịbị ḅẹ́rẹ́kọm n mịẹmáa nyẹ ḅụ ḅọ́rọ́ diri mamgbabie n gịẹ kóróma ḅara.

Puu Findi 20:4

Anịsáa a tọgha imine arịm, anị ọ́gọ́nọ kpọrọfịnịapụ nnị kụrọ pa n pịrịm ḅẹẹ nnị ḅẹ́rẹ́kọọ. A pịghị n sịbị pẹ́lẹ́apụ ma biebẹ duma arịm ḅẹẹ nnị Jizọs diepágháma karakárá ma na Tamuno ẹ́gẹ́rẹ́ ma dugho wásámam. Na nnị susi ḅáláfama nama ma pịrịgha anịgha n tẹ́mẹ́ sị pa anị pa biekóróma bẹnyẹ, anịgha anị ilíghíma nyáná nna fụ́ḅára ogbo anịgha nna ḅara. Nnị pịghị ḅoo dumam sị Krais na taa ámányánáapụ ḅara kụ́rá a mmẹẹ́ ndẹ́ẹ oyia si findi.

Puu Findi 6:15

Anịsáa tuminikiri ámányánáapụ, na táarịapụ, na ọ́mụ́gbi sịbịdaapụ, na igbii nyánáapụ na kụrọapụ na pịghị jẹ́apụ, omoniapụ na furoawọ nna ḅụ ḅọghum tụ́ndụ́ angaá sa fịnị olulu bie, okpo dapịrị sughu na opu tụ́ndụ ọ́gọ́nọ.

Puu Findi 7:3

Sookumuḅọ ma ḅẹm, <>