Puu Findi 13:12 - Ibani New Testament

¹² Anị parị ngá ḅáláfama nama ma mánámāná kụrọ pa fịrịnwangịm, parị ḅáláfama nama ma tórúku. Anị kụrọ ḅara pa mịẹm sị tuminikiri na anị bie fịnịapụ mamgba susi parị ḅáláfama nama ma pịrịị, fịịfịịḅara pa anị láanyẹ ma gwọmáa nyẹ.

Puu Findi 13:12 ပူးပေါင်းရင်းမြစ်များ

2 Tẹsalonaikaapụ 2:4

Túminị́ pa tamuno mịẹsị susi pịrịarịnyẹ gonyẹ́ gonyẹ́ o sa nyáná pịrịbịgha mịị tumḅọ oḅu árịbẹm ḅẹ́ ọ dụḅa n nẹ́ngifámam, ọ pịghị Tamunowarị ma sọ́bẹm kpọrọfịnị sị dugho págháma ḅẹẹ ori anị Tamuno.

Puu Findi 13:2

Mịị ḅáláfama nama ma anị sị́rị kịkam, anị ḅụọ bear pa si nama ḅụọ kịkam anị bịpị ọkụ nama bịpị kịkam. Ḅụọ nyáná ododó ma anị ịnyọ na anị imine na anị mánámāná kụrọ pa ḅáláfama nama ma pịrịm.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Puu Findi 14:11

Nnị pa nnị pa tọ́rụ́siarịmaarị fịnị ma onwi ma iwóo ákị mú ḅẹsá ḅẹsá lam. Susi ḅáláfáma nama ma pịrịapụ na n tẹ́mẹ́ sị pa anị pa biekóróma bẹnyẹ gonyẹ́ gonyẹ́, nnị ịnyọ́sárá nyánábịgha dii na ḅáa na, na pịghị anị ẹrẹ ma ilíghíma nyánáakịapụ.>>

Puu Findi 14:9

Tẹ́rẹ́ kárámá sookumuḅọ ma parị mmẹẹ́ ma duam sị kụrọ pụghọ pa dughoarị ḅẹẹ, <

Puu Findi 16:2

Parị sookumuḅọ ma múm sị ori bọlị ma ọ́sụ́sara tuminikiri ma ḅụ. Kịnịḅụfị sị opuma ákụ ịnọ ḅáláfama nama ma ilíghíma akịapụ ma ḅụ pághám na pịghị susi n tẹ́mẹ́ pa anị pa biekóróma nyẹ pịrịapụ.

Puu Findi 17:8

Ịrị arị ḅáláfama nama ma anị dumafịnị sáá imii, kụ́ma ḅọlọgha sáá ḅụ anị págháḅobẹm sughu nyanagha póghóló kiri ma ḅụ sị nnị anị guluguluma. Tuminikiri ngaapụ ma na nnị nna ẹrẹ gịẹghaapụ dumaapụ ma diri bie, anịị tuminikiri ma na saghịgha sa éné éné, n tọ́rụ́ bulubulubẹm nnị ḅáláfama nama ma arị sáá, tegó anị dumafịnị sáá imi: mị́sa anị mịnị dumagha kụ́ma anị pịghị sima págháḅobẹm.

Puu Findi 19:20

Ḅáláfáma nama ma nnị ikólinaḅọ ḅara ḅụ okuakịm ori na iruo ikiakoroḅọ, ḅụ́gbérépuma fịrị nwangimaaḅọ ọ tórúku. (Mịná ḅụ́gbérépuma fịrị ma anịị ọ pa ḅáláfáma nama ma ilíghíma nyánáapụ ma oḅori pa n sịị nyẹ, na pịghị susi n tẹ́mẹ́ sị anị pa biekóróma bẹnyẹ pịrịmáapụ) Ḅáláfáma nama ma na iruo ikiakoroapụ ma duma ḅụ anịị nnị n pa kọrịfịnị ésiḅe ma bie gbi suanyẹ ọpọlịḅuruma pa kọrịarị nyẹ.

Puu Findi 20:4

Anịsáa a tọgha imine arịm, anị ọ́gọ́nọ kpọrọfịnịapụ nnị kụrọ pa n pịrịm ḅẹẹ nnị ḅẹ́rẹ́kọọ. A pịghị n sịbị pẹ́lẹ́apụ ma biebẹ duma arịm ḅẹẹ nnị Jizọs diepágháma karakárá ma na Tamuno ẹ́gẹ́rẹ́ ma dugho wásámam. Na nnị susi ḅáláfama nama ma pịrịgha anịgha n tẹ́mẹ́ sị pa anị pa biekóróma bẹnyẹ, anịgha anị ilíghíma nyáná nna fụ́ḅára ogbo anịgha nna ḅara. Nnị pịghị ḅoo dumam sị Krais na taa ámányánáapụ ḅara kụ́rá a mmẹẹ́ ndẹ́ẹ oyia si findi.