Puu Findi 12:7 - Ibani New Testament

⁷ Anịsáa owu warị ḅoo koro sobie, gbẹ́rẹ́ sookumuapụ sịbịdaḅọ Maikel pa sịḅọ na ori sookumuapụ warị owu pa ḅụọ nyáná ododó ma págháma, ḅụọ nyáná ododó ma na ori sookumuapụ warị pịghị sima owu pa n págháma.

Puu Findi 12:7 ပူးပေါင်းရင်းမြစ်များ

Matiu 13:41

Tumḅọ yii Tụwọ ma ori sookumuapụ fịrịma pághámabẹm, nnị pịghị ori ásẹ́mẹ́kiri ḅụ siinyẹ mịẹarịnyẹ gonyẹ́ gonyẹ́ na pịghị siinyẹ mịẹarịapụ gonyẹ́ gonyẹ́ isé si.

Matiu 16:27

Ḅẹẹ, Tumḅọ yii Tụwọ ma ọ ḅobẹm ọ Daa ma ipine ḅụ na ori sookumuapụ na, anịsáa ori ọ́rụ́ḅọ ọ́rụ́ḅọ gbẹ́bẹm n ḅo nwángịmáa fịrị láa ḅara ḅụ.

Matiu 24:31

Ori opuma fiearị ọdụ pa ori sookumuapụ na fịrịmabẹm, sị nnị ori n sẹlẹakịapụ ma kubiri tuminikiri ínia ọkọlọbị ḅụ, so ma kunema gbẹ́rẹ́ ngaa akị mú jẹ́ láa.

Matiu 25:41

<

Matiu 26:53

Ọ sị ḅẹ a ine i Daá sịbịgha sị ori anị gbẹ́rẹ́kiri sobie ọ́mụ́gbi sookumuapụ ogbo ogbo oyi mmẹẹ́ findi ogbo fị́rịmabịgha?

2 Kọrịntịapụ 12:7

I mịẹsị a opuma opuamịẹnyẹ mịẹbịgha ḅara, a árị tọgha ḅụ́gbérépuma nyẹ ma ḅụ. Nnị gbẹ́rẹ́ nangi pa i pịrịm ị́yẹ́ oju bie, Satanị oku muu ḅọ, ori i fom sị a mịnị opuamịẹnyẹ mịẹbịgha ḅara.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

2 Tẹsalonaikaapụ 1:7

ọ pịghị ịnyọ́sárá pa ọmịnị tọ́rụ́siarịarịapụ ma pịrịbẹm na pịghị wamịnị sọ. Ọ mịma mịẹbẹm Kị́nị́nyánáḅọ Jizọs sobie ọ ḅụ die bẹ sáá ori na ori opukuro sookumuapụ.

Hiburuapụ 2:10

Anị karakáram ḅẹẹ Tamuno nyẹ gonyẹ́ gonyẹ́ tẹ́mẹ́ sị pịghị anị kokoarịḅọ tọ́rụ́siarị ḅụ Jizọs mịẹ kpaima, sị tọghaapụ ḅo diekiri nyáná bẹ ḅara ori ipine ma bie, Tegó Jizọs anịị n daa pa dụaḅọ́rọ́ma bie suuarịḅọ.

2 Pita 2:4

Siinyẹ mịẹ sookumuapụ ma Tamuno nnị warisogha, ori nnị pa ẹ́kpẹ́duaama fịrịmam, ịkóli suanyẹ na n ḅara na pa kánákáná póghóló kiribie gbii ḅẹ́rẹ́kọọ éné ma kúruarị.

Judu 1:9

Maikel sookumuapụ ma sịbịdá oku muḅọ sọ mịma mịẹgha, ori ẹ́kpẹ́dua ma na nụ́nányẹ nyáná sáá ḅẹ tụọ Mosis dua akị bẹ, Maikel ẹ́kpẹ́dua ma dughosimagha kụ́ma dughom ḅẹẹ, <>

Puu Findi 12:8

Kụ́ma nnị ḅụọ nyáná ododó ma na ori sookumuapụ ma sọḅam, nnị warị n deepágháma si mịnị jẹ́ pa minigha si ori na ori sookumuapụ sobie fị́nị.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 13:7

Nnị anị warisom sị anị owu pa Tamuno túminị́ págháma sị n sọ́ḅa n pịghị kụrọ pa anị pịrịm túminị́ ọrụ ọrụ ọrụ ḅụ, sẹ́ sẹ́ sẹ́ ḅụ, ẹ́gẹ́rẹ́ ḅẹlẹ ḅụ na túminị́ tọ́rụ́kịrịkị́rị́.

Puu Findi 20:2

Ọ ḅụọ nyáná ódódó ma kuum, olom sáá ódódó ma anị́ị́ ẹ́kpẹ́dua ma anịgha Satanị. Warị ịkóli suanyẹ pa o sua, kụ́rá mmẹẹ́ a ndẹ́ẹ oyia si findi.