Puu Findi 11:3 - Ibani New Testament

³ A ị́yẹ́ mmẹẹ́ onyésẹapụ fịrịmabẹm duadubịtẹ sua bẹapụ, nnị Tamuno oku ma dugho wásámabẹm dii tẹ́rẹ́ a ndẹ́ẹ na tẹ́rẹ́ a si (1,260).>>

Puu Findi 11:3 ပူးပေါင်းရင်းမြစ်များ

Matiu 11:21

Jizọs warị ḅẹ́, <

Matiu 18:16

Kụ́ma ḅọ́rọ́ o mini ị puughugha gbẹ́rẹ́ḅọ na mmẹapụ akị ịḅụ sua, sị túminị́ ine ḅẹ́rẹ́ ma karakárá nimi ḅẹ́ ḅara mmẹapụ na tẹ́rẹ́apụ na dugho págháma bẹnyẹ ḅụ.

Ibi Oku Ma Luk Anị Gịẹ Ḅara 10:13

<

Ibi Oku Ma Luk Anị Gịẹ Ḅara 24:48

Ọmịnị so pịghị onyẹ́sẹ mịnanyẹ mamgba pịrịm.

Ibi Oku Ma Jọn Anị Gịẹ Ḅara 15:27

Ọmịnị sọ i gbolomanyẹ dugho pághámabẹm tegó ọmịnị ma ịrị na imi sughu saghị éné.

Ibi Oku Ma Jọn Anị Gịẹ Ḅara 3:27

Jọn warị mịma pagharaa ḅẹẹ, <

Fịrị Ḅara 1:8

Kụ́ma Tọ́ntọ́ Tẹ́mẹ́ ma ọmịna ḅụ ḅomaẹrẹ nnị kụrọ pa ọmịna ḅụ suabẹm, sị ọmịnị ị́yẹ́ onyésẹapụ sọọbẹm Jerusalem ḅụ, Judiya gbọ́rụ́ na Sameriya na pịghị tuminikiri kunema anga mamgba.>>

Fịrị Ḅara 13:31

tọgha éné ọ pịghị ọ ḅụ pa ọ nana Galili ḅụ ḅọ́rọ́ Jerusalem muuarịapụ diem. Nnị mị́sa onyẹsẹ́ ọ pịrị Izirẹlịapụ ma pịrịm.

Fịrị Ḅara 2:32

<

Fịrị Ḅara 3:15

Ọ duma nyánáḅọ ma ḅám, kụ́ma Tamuno ọ sị saghịm fịị ḅụ, wamịnị sọ onyẹsẹ́ mịma pịrịm.

1 Kọrịntịapụ 12:28

Sọsị ma bie Tamuno túminị́ tọọmam, párị nfịrịmaapụ, mmẹẹ́ kárámáapụ ikiakoroapụ, tẹ́rẹ́ kárámáapụ nyẹ́dieapụ; anịsáa ḅụ́gbérépuma fịrịnwangịapụ, mịnaapụ ma duaapụ anịị n kị́nị́ gwọọ kụrọ pa pịrịapụ anịgha ḅárásua jẹapụ pịrịapụ, túminị́ daatụ́ghụ́ma, tọ́rụ́kịrịkị́rị́ ḅẹ́lẹ pa ẹ́gẹ́rẹ́kọariapụ.

2 Kọrịntịapụ 13:1

Mịị ị́yẹ́ tẹ́rẹ́ kárámá sa, a ḅo o dighinyẹ. Tọ́ndiri ma bie n gịẹ kórómam ḅẹẹ, <<Ḅẹ́rẹ́ pa jụghọ sịbị sẹarịḅọ gonyẹ́ gonyẹ́ mmẹẹ́ anịgha tẹ́rẹ́ onyésẹ̄ḅọ nyánábẹm, anịsa, anịị anị kundu nyáná bẹnyẹ.>>

Ẹ́fịsọsapụ 4:11

Ori anị <> jẹ́apụ ori nnị tọọm ḅẹ́ nnị nfịrịmaapụ sọ; jẹ́apụ ikiakoroapụ, jẹ́apụ ibi oku ma dugho wásámáarịapụ jẹ́apụ Tamuno kubiri ogbo sịbịdaapụ na pịghị nyẹ́dieapụ.

Puu Findi 1:5

Na pịghị Jizọs Krais ḅara, karakárá onyésẹ̄ḅọ ma, parị fịị ḅụ saghị ḅọ ori anịị pịghị tuminikiri ámányánáapụ ma táarịḅọ. Ọ wa ḅẹ́lẹ́mam, ori ọrẹ ọmbịnyẹ́ pa wa dụaḅọ́rọ́māmám wámịna sii ḅụ.

Puu Findi 11:2

Kụ́ma ẹpẹlẹ́ ma tọ́ọ ma, tegó nnị anị pa Juughaapụ ma pịrịmam, akalụ́ a mmẹẹ́ si na mmẹẹ́ akalụ́ pa ḅụọ pa tọ́ntọ́ opuámá ma nánga bẹapụ.

Puu Findi 11:6

Nnị kụrọ nyanam sị ine so ma gbẹpalị ḅẹẹ iti kóróma, n mịị Tamuno ẹ́gẹ́rẹ ma dugho pághámaarị sáá. Nnị pịghị kụrọ nyanam si mingi fịnịanga gonyẹ́ gonyẹ́ pịghị si anị ọmbịnyẹ́ sọọ; n pịghị kụrọ nyanam sị tọ́rụ́kịrịkị́rị́ tọ́rụ́siarị díghíarị ḅụḅáláḅálá pa tuminikiri ma gbii, n dọghụ sáá gonyẹ́ gonyẹ́.

Puu Findi 12:6

Ọ́rụ́ḅọ ma mangị elesiri múm, Tamuno tẹ́lẹ́ma warị a pịrịmaá angaá nnị a táa kubiri bẹ angaá dii tẹ́rẹ́ ndẹ́ẹ na tẹ́rẹ́ si.

Puu Findi 13:5

Nnị ḅáláfama nama ma warisom sị anị Tamuno dughosima, opuamịẹnyẹ ẹ́gẹ́rẹ́kọọ, n pịghị anị warisom sị anị akalụ́ a mmẹẹ́ si na mmẹẹ́ akalụ́ pa kụrọ nyáná.

Puu Findi 19:10

A ọ ḅụọ sughu sóórókórom ḅẹẹ a susi ọ pịrị, kụ́ma ori i ḅẹm, <<Ọkọ mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, Jizọs diepágháma karakárá ma ọlọapụ. Susi Tamuno pịrị!>> Jizọs diepágháma karakárá ma anịị ịnyọ pa ikiakoroapụ ma pịrịarịnyẹ.

Puu Findi 20:4

Anịsáa a tọgha imine arịm, anị ọ́gọ́nọ kpọrọfịnịapụ nnị kụrọ pa n pịrịm ḅẹẹ nnị ḅẹ́rẹ́kọọ. A pịghị n sịbị pẹ́lẹ́apụ ma biebẹ duma arịm ḅẹẹ nnị Jizọs diepágháma karakárá ma na Tamuno ẹ́gẹ́rẹ́ ma dugho wásámam. Na nnị susi ḅáláfama nama ma pịrịgha anịgha n tẹ́mẹ́ sị pa anị pa biekóróma bẹnyẹ, anịgha anị ilíghíma nyáná nna fụ́ḅára ogbo anịgha nna ḅara. Nnị pịghị ḅoo dumam sị Krais na taa ámányánáapụ ḅara kụ́rá a mmẹẹ́ ndẹ́ẹ oyia si findi.