Puu Findi 11:2 - Ibani New Testament

² Kụ́ma ẹpẹlẹ́ ma tọ́ọ ma, tegó nnị anị pa Juughaapụ ma pịrịmam, akalụ́ a mmẹẹ́ si na mmẹẹ́ akalụ́ pa ḅụọ pa tọ́ntọ́ opuámá ma nánga bẹapụ.

Puu Findi 11:2 ပူးပေါင်းရင်းမြစ်များ

Matiu 27:53

N dupu bie sághị págháḅom, Jizọs fịị ḅụ saghị fama sáá nnị tọ́ntọ́ opu ama ma sọm sị n ḅụ pa tọghaapụ die.

Matiu 4:5

Anịsáa ẹ́kpẹ́dua ma warị ọ pa Jerusalem muu, tọ́ntọ́ opu ama ma, sị ọ pa sóghóloḅa angaá ma ḅụ gbánā Tamunoopuwarị ma ḅụ.

Matiu 5:13

<<Ọmịnị anịị tuminikiri fụụ ma, kụ́ma ḅọ́rọ́ fụụ anị ḅẹ́lẹ̄ ḅuumamam nnị tọ́rọ pa fụụ pa anị mịẹbẹ? Anị mịnị ḅẹ ibi, ḅẹ ibi ḅụ ofori, anịmanakaragha nnị anị ḅúuma sị túminị́ anị nánga.

Ibi Oku Ma Luk Anị Gịẹ Ḅara 21:24

Jẹ́apụ nnị afaragada pa n pẹlẹ ḅaabẹm. Jẹ́apụ nnị n pa jẹ́ sẹ ḅụ ikólibie suabẹm; Juughaapụ ma ḅụọ pa Jerusalem nánga wárii sị nna sáá kara sáá lábẹm.

Hiburuapụ 10:29

Anị tọ́rọ fịnị n pịrịbẹ, Tamuno Tụ́wọ ma dighisima ḅọ? Si ori ọmbịnyẹ́ ọḅọọ ma pa papanyẹ mịẹ, sii ḅụ n siri pághámaḅo nyẹ, tọ́rụ́kụrụkụ́rụ́ Tẹ́mẹ́ ma wiri ḅọ. Sịbịbie kịẹ anị pịrị n ḅo árị bẹ tọ́rụ́siarị la bẹ ḅara.

Puu Findi 11:11

Tẹ́rẹ́ a dii na mpara ḅo ḅọ́rọ́ sáá, duma pịrị fọ́rụ Tamuno ḅárábie sághị ḅoo nna ḅụ sọọm, n warị sághị sẹ; nna árịịapụ mamgba warị ḅáláfaa.

Puu Findi 11:3

A ị́yẹ́ mmẹẹ́ onyésẹapụ fịrịmabẹm duadubịtẹ sua bẹapụ, nnị Tamuno oku ma dugho wásámabẹm dii tẹ́rẹ́ a ndẹ́ẹ na tẹ́rẹ́ a si (1,260).>>

Puu Findi 12:6

Ọ́rụ́ḅọ ma mangị elesiri múm, Tamuno tẹ́lẹ́ma warị a pịrịmaá angaá nnị a táa kubiri bẹ angaá dii tẹ́rẹ́ ndẹ́ẹ na tẹ́rẹ́ si.

Puu Findi 21:10

Tẹ́mẹ́ i korom, sookumuḅọ ma warị i dighiákị pa opuma sóghóló tụ́ndụ ọgọnọ gbánā. O Jerusalem Tọ́ntọ́ Opu ama ma pa i diem, sobie Tamuno ḅụ sághị kóróḅoarị.

Puu Findi 21:2

A warị Tọ́ntọ́ Opu ámá ma arịị, ịwọ Jerusalem, sobie sághị Tamuno fịnị angaá ḅụ kóróḅoarị, yáá bi ọ́rụ́ḅọ ḅara nnị bịtẹ pa suaá sị a birima pịghị a tẹ́lẹ́ma warị sị a deeḅọ na dona bẹ ḅara.

Puu Findi 22:19

Ḅọ́rọ́ kị́nị́ nyẹ si ákị ákị mịẹ diri ma ikiakoro ẹ́gẹ́rẹ́ ma bie, Tamuno nna diekiri siakịịbẹm duma pịrị sịmgbọlụ sị ma ḅụ na pịghị Tọ́ntọ́ opu ámá ma ḅụ n gịẹ kórómanyẹ mịị diri ma bie.