Puu Findi 1:5 - Ibani New Testament

⁵ Na pịghị Jizọs Krais ḅara, karakárá onyésẹ̄ḅọ ma, parị fịị ḅụ saghị ḅọ ori anịị pịghị tuminikiri ámányánáapụ ma táarịḅọ. Ọ wa ḅẹ́lẹ́mam, ori ọrẹ ọmbịnyẹ́ pa wa dụaḅọ́rọ́māmám wámịna sii ḅụ.

Puu Findi 1:5 ပူးပေါင်းရင်းမြစ်များ

Matiu 20:28

Anị gbẹ́rẹ́ ḅara ma Tumḅọ yii Tụ́wọ ma ḅogha ḅẹ nnị fịrịnwangị ọ pịrị, kụ́ma ori fịrịnwangị kị́nị́ pịrị sị ori duma pa tọghaapụ sịbị sáá gbẹm.>>

Matiu 28:18

Anịsáa Jizọs warị n damaḅo si ḅẹẹ, <

Ibi Oku Ma Jọn Anị Gịẹ Ḅara 13:1

Éné ḅa anịị Sáḅáḅọ́rọ́ Álálị ma. Jizọs nimim ḅẹ́ sáá ma láamam ọ mịị tuminikiri ma wáriso sị Daḅọ ma dámámuu. Ori ọrẹ a túminị́, tuminikiri fịnịapụ ma ḅẹ́lẹ́mamaá ḅara ma, ori n ḅẹlẹma muu kunema lam.

Ibi Oku Ma Jọn Anị Gịẹ Ḅara 13:34

<<Ịwọ ologho anịị a pa ọ pịrịnyẹ: ọ jụghọ jụghọ ḅẹlẹma. A ọ ḅẹlẹma maá ḅara ma, ọmịnị sọ pịghị ọkọ pa jụghọ jụghọ ḅẹlẹma.

Ibi Oku Ma Jọn Anị Gịẹ Ḅara 15:9

<

Ibi Oku Ma Jọn Anị Gịẹ Ḅara 18:37

Paileti warị ọ gbíla, <> Jizọs pagharam, <<Ị karakáram dughoarị ḅẹ́ irị ámányánáḅọ anịgo nnị i yiim, anịgo a tuminikiri ma ḅom sị a karakáráma dugho págháma. Karakáráma ḅụ sẹapụ gonyẹ́ gonyẹ́ i pughu pughum.>>

Ibi Oku Ma Jọn Anị Gịẹ Ḅara 3:11

A karakárányẹ ma dugho ị pịrịm, wa níminyẹ ma anịị wa dughoarị nyẹ, wamịnị árịmaa nyẹ ma anịị wa dugho pághámaarị nyẹ kụ́ma ọmịnị wámịna dugho págháma nyẹ ma daákịgha.

Ibi Oku Ma Jọn Anị Gịẹ Ḅara 3:16

<

Ibi Oku Ma Jọn Anị Gịẹ Ḅara 3:32

Ọ tọ́rụ pa árị pịghị biri namaa nyẹ ma gbólómanyẹ anịị o dugho pághámaarị nyẹ, kụ́ma gbẹ́rẹ́ḅọ sọ ori dugho págháma nyẹ ma daákịgha.

Fịrị Ḅara 20:28

Ọ tọ́rụ́ pa kiri lama ọmịna ḅụ pịrị, na pịghị Tọ́ntọ́ Tẹ́mẹ́ ma saghị ọ ḅarabie sua ánáná awọ ma pịrị. Ọmịnị ánánákúrúapụ dighi Tamuno sọsị ma pịrị, ori ọ tụwọ ọmbịnyẹ́ pa fẹ nyẹ.

Fịrị Ḅara 26:23

ḅẹẹ, Krais ma opuma tọ́rụ́siarịbẹm pịghị parị ḅọ fịị ḅụ saghị bẹḅọ, sị dụaḅọ́rọ́ma baá ma dugho págháma Juuapụ na Juughaapụ pịrị.>>

Romapụ 3:25

Tamuno ọ saghị pịrịm, ḅẹ́ ori ọ sụụ ọmbịnyẹ́ ma ḅụ ḅọ́rọ́, na pịghị túminị́ ọ ḅụ nyáná minini ḅụ ḅọ́rọ́, n siiḅụḅarasi nyáná bẹ ḅara. Tamuno mịma mịẹm pa die ḅẹ́ ori karakárá ibiamịẹnyẹḅọ. Ḅọ́rọ́maa sa ori inema nyánam sị nna sii dighi tọ́rụ́si; kụ́ma mị́sa ma ḅụ mịnị nna sii dighi tọ́rụ́sigha sị ori karakárá ibiamịẹnyẹ ma diepágháma.

Romapụ 8:37

Ofori, mịnanyẹ mamgba ḅụ wa sọḅaapụ nẹngịm wa ḅẹlẹma ḅọ ma ḅụ ḅọ́rọ́.

1 Kọrịntịapụ 6:11

Ọmịna ḅụ jẹ́apụ anịị ọ fịnị ḅara; kụ́ma nnị ọ mịẹ fiáfiámamám sii ḅụ; nnị o fóofóo ma Tamuno pịrịmam; Kị́nị́nyánáḅọ Jizọs Krais ma ẹ́rẹ ḅụ nnị o mịẹ karakárámamam; na pịghị wamịna Tamuno ma Tẹ́mẹ́ pa.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Ẹ́fịsọsapụ 2:4

Kụ́ma Tamuno lolomakúkúbie dụḅam ọ pịghị opuma ḅẹlẹma nyáná wa pịrịm,

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Kolosiapụ 1:18

Ori anịị oju ḅụ sịbịdáḅọ, anịị Tamuno kubiri ogbo ma, ori anịị sughu saghị ma, n pịghị tarị fịịapụ mamgba ḅụ saghịma ḅọ, sị nyẹ́ gonyẹ́ gonyẹ́ ḅụ ori sịbịdaa bẹ ḅara.

1 Timoti 6:13

Tamuno ma tórúku, duma pa nyẹ gonyẹ́ gonyẹ́ pịrịarị ḅo na pịghị Krais Jizọs tórúku, ori sẹ sị ori minini dugho pághámaḅo Pọntiyọs Paileti tórúku, a tọ́ọ ị pịrịm

1 Timoti 6:15

Tamuno mịẹbẹnyẹ anị ḅoo kiriakị ori sáá ma láa sáá n boma ḅọ pịghị Táarịḅọ ma ngéré, ámányánáapụ mamgba ḅụ Ámányánáḅọ, kị́nị́nyánáapụ mamgba ḅụ Kị́nị́nyánáḅọ,

Hiburuapụ 10:29

Anị tọ́rọ fịnị n pịrịbẹ, Tamuno Tụ́wọ ma dighisima ḅọ? Si ori ọmbịnyẹ́ ọḅọọ ma pa papanyẹ mịẹ, sii ḅụ n siri pághámaḅo nyẹ, tọ́rụ́kụrụkụ́rụ́ Tẹ́mẹ́ ma wiri ḅọ. Sịbịbie kịẹ anị pịrị n ḅo árị bẹ tọ́rụ́siarị la bẹ ḅara.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

1 Pita 1:19

Krais nyẹ́la ọmbịnyẹ́ ma anịị ị sịbị igbii n gbẹ́ẹ̄ si pa ị dụaḅọ́rọ́ma nyẹ. Krais anịị agbaa mịẹ ánáná ma, pilegha pịghị ikúlágha ánáná.

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.

1 Jọn 4:10

Mịma anịị ḅẹlẹma sẹ́pịrịnyẹ: ḅẹgha ḅẹ́ wa Tamuno ma ḅẹ́lẹ́mamam, kụ́ma ori wa ḅẹ́lẹ́mam, warị ọ Tụwọ fịrịma sị ọ ḅụ ḅọ́rọ́ wa siiḅụḅarasi nyáná bẹ ḅara.

Puu Findi 11:15

Anịsáa sọ́nọ́ma kárámá sookumuḅọ ma ori ọdụ ofurom, sobie tọgha opu pụghọ warị sághị ẹ́gẹ́rẹ́ ḅẹẹ, <

Puu Findi 11:3

A ị́yẹ́ mmẹẹ́ onyésẹapụ fịrịmabẹm duadubịtẹ sua bẹapụ, nnị Tamuno oku ma dugho wásámabẹm dii tẹ́rẹ́ a ndẹ́ẹ na tẹ́rẹ́ a si (1,260).>>

Puu Findi 17:14

Nnị owu pa Ánáná Tụwọ ma pághámabẹm, kụ́ma Ánáná Tụwọ ma na ori osiiapụ ma na ọ sẹlẹakịapụ na sẹ́kụrọ ọ pịrị asọduaapụ n sọḅábẹm tegó ori anịị kị́nị́nyánáapụ ma Kị́nị́nyánáḅọ na pịghị ámányánáapụ ma ḅụ Ámányánáḅọ.

Puu Findi 19:11

A so arịm findi sị pị́napị́na ásụ árịị, n pa anị dọghụarịḅọ ma sịịnyẹ anịị Karakárá na Sẹ́kụrọ. Ọ ḅẹ́rẹ́kọarị pịghị ọ́mụ́gbiarị karakárá asọ ḅụ.

Puu Findi 19:16

Ori koro bịtẹ ma ḅụ na pịghị ọ ḅụ́ọ́ẹlẹẹ ḅụ nnị ẹ́rẹ́ ma gịẹm, ámányánáapụ ámányánáḅọ na kị́nị́nyánáapụ kị́nị́nyánáḅọ.

Puu Findi 2:13

A nimim ọmịnị ngaa angaá, anịị Satanị ma ori imine nyáná ngaa. Anịsọ ọ pa sẹ́kụrọ ị́yẹ́ ẹrẹ ma pịrịm ọ pa ịḅụ mininim nnị Antipasi ị́yẹ́ karakárá onyésẹ̄ḅọ ma ḅá sa ọmịna opu ama bie anịị Satanị ma ngaa angaá.

Puu Findi 3:14

<

Puu Findi 7:14

A pagharam ḅẹẹ, <> Ọ warị i ḅẹẹ, <