Puu Findi 1:2 - Ibani New Testament

² Jọn warị ori árị nyẹ́ mamgba dugho págháma anịma anịị Tamuno ẹ́gẹ́rẹ́ ma na pịghị Jizọs Krais dugho págháma nyẹ.

Puu Findi 1:2 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 1:32

Jọn mịị dugho págháma nyẹ ma nyánam: <

Ibi Oku Ma Jọn Anị Gịẹ Ḅara 12:17

Mị́sa Jizọs na fịnị túminị́ kpo ma ọ Lazarọs sị sáá dupu ma bie sị fịị ḅụ ọ saghịma, pa pághányẹ ma dugho wásámaarị.

Ibi Oku Ma Jọn Anị Gịẹ Ḅara 19:35

Pághányẹ ma arị owitụ́wọ, ori árịnyẹ dugho pághámamam, ori dugho págháma nyẹ ma pịghị karakáram. O nimim ḅẹ́ ọ karakárányẹ ma dugho dughom, o dughom sị ịrị ma sọ minini bẹ ḅara.

Ibi Oku Ma Jọn Anị Gịẹ Ḅara 21:24

Mịị ọḅụduaḅọ ma anịị mịnanyẹ ma dugho págháma ḅọ, ori anịị pịghị anị gịẹ kóróma ḅọ. Wa nimim ḅẹẹ ori dugho págháma nyẹ ma karakárányẹ.

Ibi Oku Ma Jọn Anị Gịẹ Ḅara 3:11

A karakárányẹ ma dugho ị pịrịm, wa níminyẹ ma anịị wa dughoarị nyẹ, wamịnị árịmaa nyẹ ma anịị wa dugho pághámaarị nyẹ kụ́ma ọmịnị wámịna dugho págháma nyẹ ma daákịgha.

Fịrị Ḅara 22:15

Ḅẹẹ, irị onyẹ́sẹ ọ pịrịbẹm sị dugho kị́nị́mamgba pịrị iyẹ árịmaá pịghị naamaá nyẹ mamgba.

Fịrị Ḅara 26:16

Kụ́ma saghị sị ị ḅụọ ḅụ sẹ. A ịḅụ pa i diemam sị pịghị i tọ ḅẹ́ ịrị ị́yẹ́ ómóniḅọ sọọ. I dugho jẹapụ pịrịbẹm mịmgba ị́ ịḅụ arịmáa nyẹ, a pịghị tórúku ju pa i diebẹnyẹ.

Fịrị Ḅara 4:20

Ḅẹẹ wamịnị ine wa bịpị gbẹ́ẹ̄ wamịnị ḅara na árịnyẹ pịghị náanyẹ ma pịrịbịgha.>>

1 Kọrịntịapụ 1:6

Mịma diem ḅẹ́ ọ daakị Krais oku ma ọmịna bie kune nyanam.

1 Kọrịntịapụ 2:1

A ọ damaḅoo sáá ị́yẹ́ mịná owiapụ, si a ḅọghu Tamuno karakáráma dugho wásámáa, a kporo ẹ́gẹ́rẹ́ na opu nyẹ́nimi ẹ́gẹ́rẹ́ kọọgha.

1 Jọn 1:1

Súghú saghị sa fịnịnyẹ ma, wa pịghị namaa nyẹ ma, wa pịghị wamịna tọ́rụ́ pa arịmáa nyẹ ma, wa tọ́rụ́ pa dighim pịghị ḅara pa anị lama, mịma anịị duma ẹ́gẹ́rẹ́ ma wa gịẹ pa ọ fịrịma nyẹ.

1 Jọn 4:14

Wa pịghị árịmam, pịghị dugho págháma ḅẹ́ Daḅọ ma ọ Tụwọ fịrịmamam ḅẹ́ o ḅo tuminikiri Dụaḅọ́rọ́maḅọ sọ.

3 Jọn 1:12

Kị́nị́mamgba Demetirọs ibi dughoarị, karakárá ma so ọ ḅụ ibi dughoarị, wamịnị so ọ ḅụ ibi dughom, ọ pịghị nimim ḅẹ́ wámịna dugho págháma nyẹ ma karakárányẹ.

Puu Findi 1:11

Anị i ḅẹm, <<Ịrị árịnyẹ ma gịẹ kórómaa, sị diri ma fịrịma mịná opu ama bie fịnị sọsị mamgba pịrị: anịị Ẹ́fịsọs, Samaina, Pegamọm, Tiyatira, Sadis, Filadelfiya na Laodisiya>>.

Puu Findi 1:19

<

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.

Puu Findi 12:11

Ánáná tụ́wọ ma ọmbịnyẹ́ na, nna dugho págháma karakárá ẹ́gẹ́rẹ́ anịị n pa ọ sọ́ḅa nyẹ. Nnị tẹ́lẹ́ma sị nna duma kóróma fịị pịrịm.

Puu Findi 12:17

Ḅụọ nyáná ododó ma warị ḅoo opuma bieoḅu ọ́rụ́ḅọ ma pịrị warị pịghị sị sághị owu pa a furobie págháḅoapụ mamgba págháma, Tamuno ólóghó kokoarịapụ mamgba pịghị karakárá ma ḅụ sẹ kụrọ Jizọs dugho págháma nyẹ ma pịrịapụ.

Puu Findi 20:4

Anịsáa a tọgha imine arịm, anị ọ́gọ́nọ kpọrọfịnịapụ nnị kụrọ pa n pịrịm ḅẹẹ nnị ḅẹ́rẹ́kọọ. A pịghị n sịbị pẹ́lẹ́apụ ma biebẹ duma arịm ḅẹẹ nnị Jizọs diepágháma karakárá ma na Tamuno ẹ́gẹ́rẹ́ ma dugho wásámam. Na nnị susi ḅáláfama nama ma pịrịgha anịgha n tẹ́mẹ́ sị pa anị pa biekóróma bẹnyẹ, anịgha anị ilíghíma nyáná nna fụ́ḅára ogbo anịgha nna ḅara. Nnị pịghị ḅoo dumam sị Krais na taa ámányánáapụ ḅara kụ́rá a mmẹẹ́ ndẹ́ẹ oyia si findi.

Puu Findi 22:21

Kị́nị́nyánáḅọ Jizọs tọ́rụ́kụrụkụ́rụ́ kị́nị́mamgba na fịnịị. Anị ọkọ fịnịị.

Puu Findi 6:9

Ánáná tụ́wọ ma sọ́nọ́ kárámá agbā ma si sáá, a Tamuno ẹ́gẹ́rẹ́ ma na nna sẹ kụrọ dugho págháma nyẹ ma gosi n ḅá túminị́ ma biebẹ duma arịm ẹ́bẹ ma sughu.