Puu Findi 1:1 - Ibani New Testament

¹ Mịị diri ma bie fịnịnyẹ anịị Jizọs Krais diepágháma nyẹ́. Tamuno mịị diepágháma nyẹ ma pa ọ pịrịm sị ọ pa ori fịrịnwangịapụ die pághá bẹnyẹ ḅọlọghaa sáá ḅụ. Krais mịẹm sị ori a fịrịnwangịḅọ Jọn mịnanyẹ ma nimii ori ọrẹ sookumuḅọ fịrịma ọ pịrị ḅara.

Puu Findi 1:1 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 12:49

A ị́yẹ́ kụ́rọ pa ẹ́gẹ́rẹ́ kọgha, kụ́ma i fịrị ma Daḅọ ma tọ́ọ i pịrịmam a dugho bẹnyẹ na pịghị a dugho bẹ ḅara.

Ibi Oku Ma Jọn Anị Gịẹ Ḅara 15:15

A mịnị fịrịnwangịapụ pa ọ sịgha, tegó fịrịnwangịapụ nimigha amịna nyánáḅọ mịẹarịnyẹ. Anịmanakaragha a nángwọ́apụ pa ọ sịmam, tegó i Daá ma ḅara a dawọḅo nyẹ mangba a pa o diemam.

Ibi Oku Ma Jọn Anị Gịẹ Ḅara 17:8

I pa i pịrị ẹ́gẹ́rẹ ma a pa n pịrịm nnị pịghị anị daákịm. Nnị ibiḅara pa nimim ḅẹ́ a ị ḅara saghịḅom nnị pịghị mininim ḅẹẹ ịrị i fịrịmam.

Ibi Oku Ma Jọn Anị Gịẹ Ḅara 3:32

Ọ tọ́rụ pa árị pịghị biri namaa nyẹ ma gbólómanyẹ anịị o dugho pághámaarị nyẹ, kụ́ma gbẹ́rẹ́ḅọ sọ ori dugho págháma nyẹ ma daákịgha.

Ibi Oku Ma Jọn Anị Gịẹ Ḅara 8:26

A tọgha nyẹ nyánam a dugho bẹnyẹ sị pa ọ sịbị ḅẹ́rẹ́kọọ. Kụ́ma ọ karakáram i fịrịma ḅọ ma; a pịghị ọ bịpị náanyẹ anịị a dugho tuminikiri ma pịrịarịnyẹ.>>

Romapụ 16:25

O ḅo wa Tamuno ma saghị sóghólóma, ori ine ọ mịẹ bẹḅọ sị ọ kụrọ sẹ ọmịna minini ḅụ, Jizọs Krais gboloma sị a dugho wásáma ibi oku ḅụ ḅọ́rọ́, na pịghị nnị ḅọghuma karakáráma nnị ḅọghuma nyẹ ḅọlọ sáá ene ene, mị́sa nnị anị diepághámamam.

Galesiaapụ 1:12

A kị́nị́ ḅara anị nyánáḅoghaa, anịgha kị́nị́ anị pa i die, Jizọs Krais ọ ḅara na anị diefindi i pịrịm.

Ẹ́fịsọsapụ 3:3

Tamuno ọ tọ warị sị ḅọghunyẹ ma diefindi i pịrịm, pịghị mịẹsị a anị nimi a pịghị kálá ḅara pa parị anị gịẹ ọ fịrịmamam.

Taitọs 1:1

Mịị diri ma ịrị Pọl ḅara saghịḅom, ịrị anịị Tamuno ma ómóniḅọ pịghị Jizọs Krais fịrịmaḅọ, ori i tọọm ḅẹ́ a mú Tamuno sẹlẹakịapụ ma daa karakáráma sị n minini nyáná bẹ ḅara sị pịghị karakárá ma nimi mịẹsị nnị ine ibima Tamuno ma dua,

Puu Findi 1:19

<

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.

Puu Findi 17:1

Anịsáa sọ́nọ́ma sookumuḅọ ma ḅụ gbẹ́rẹ́ḅọ sọ́nọ́ma bọlị ma nyánáḅọ ma i damaḅom sị ḅẹẹ, <<Ḅoo, a pa ị diebẹm opu sẹfịḅọ ma árị bẹ tọ́rụ́siarị, anịị tọgha tọ́rụ́ aka ḅụ nnị nama opu ama.

Puu Findi 19:10

A ọ ḅụọ sughu sóórókórom ḅẹẹ a susi ọ pịrị, kụ́ma ori i ḅẹm, <<Ọkọ mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, Jizọs diepágháma karakárá ma ọlọapụ. Susi Tamuno pịrị!>> Jizọs diepágháma karakárá ma anịị ịnyọ pa ikiakoroapụ ma pịrịarịnyẹ.

Puu Findi 19:9

Anịsáa sookumuḅọ ma warị i ḅẹẹ, mịma gịẹ: <> Sookumuḅọ ma warị jẹ́ dugho, <>

Puu Findi 21:2

A warị Tọ́ntọ́ Opu ámá ma arịị, ịwọ Jerusalem, sobie sághị Tamuno fịnị angaá ḅụ kóróḅoarị, yáá bi ọ́rụ́ḅọ ḅara nnị bịtẹ pa suaá sị a birima pịghị a tẹ́lẹ́ma warị sị a deeḅọ na dona bẹ ḅara.

Puu Findi 21:9

Sọ́nọ́ma sookumuapụ ma bie, sọ́nọ́ma bọlị ma dighiarịapụ, kunema sọ́nọ́ma tọ́rụ́siarị dighiarị ḅụḅáláḅálá bie bii nyẹ, nna ḅụ́gbẹrẹḅọ damaḅom sị ḅẹ́, <<Ḅoo, a pịghị dee yaaḅọ ma pa ị diebẹm, Ánáná Tụwọ ma taa.>>

Puu Findi 22:1

Sookumuḅọ ma pịghị duma mingi pịrị tọ́rụ́ ma pa i diem, yóri yóriarị sọ́ḅọ́rọ́ mgbọ́lụ iti, Tamuno ma na Ánáná Tụwọ ma imine ḅụ saghị ḅo,

Puu Findi 22:16

<>

Puu Findi 22:6

Anịsáa sookumuḅọ ma warị i ḅẹ́, <>

Puu Findi 22:8

Irị Jọn anị mịnanyẹ mamgba naaḅọ pịghị anị arịị. A náa fama pịghị árị fama sáá, a mịná nyẹ ma pa i die sookumuḅọ ma ḅụọ angaá sóórókórom, kálányẹ kọọm a susi ọ pịrịị.

Puu Findi 22:9

Kụ́ma ori i ḅẹ́m, <>

Puu Findi 4:1

Mịma ḅọ́rọ́fáma sáá a tọ́rụ sághị dighim, a warị jẹ́ múnogha dáwọ kọọ, warị sobie findi ḅụ́pọ́ arị. A náa pụghọ ma sị ọdụ fieḅára pa fie sị parị ẹ́gẹ́rẹ́ i pịrịarịnyẹ ma ḅẹ́m, <>

Puu Findi 5:7

Ánáná Tụwọ ma muu nnị iko diri ma daákịm imine ọ́gọ́nọ kpọrọfị́nị́ḅọ ma amaḅara bie.