Ibi Oku Ma Mak Anị Gịẹ Ḅara 8:38 - Ibani New Testament

³⁸ I ḅọ́rọ́ i dighi ḅụ́gịrịrị na pịghị ị́yẹ́ dienyẹ ma dighi ḅụ́gịrịrị, mị Tamuno nimigha na pịghị sisịbịbie éné ma ḅụ, anịsáa Tumḅọ yii Tụ́wọ ma sọ i dighi ḅụgịrịrịbẹm ọ ḅoo bẹ sáá ọ Daa ma ipine ḅụ ori na ori tọ́ntọ́ sookumuapụ.>>

Ibi Oku Ma Mak Anị Gịẹ Ḅara 8:38 ပူးပေါင်းရင်းမြစ်များ

Matiu 12:39

Ọ warị pagharam, <

Matiu 13:41

Tumḅọ yii Tụwọ ma ori sookumuapụ fịrịma pághámabẹm, nnị pịghị ori ásẹ́mẹ́kiri ḅụ siinyẹ mịẹarịnyẹ gonyẹ́ gonyẹ́ na pịghị siinyẹ mịẹarịapụ gonyẹ́ gonyẹ́ isé si.

Matiu 16:27

Ḅẹẹ, Tumḅọ yii Tụwọ ma ọ ḅobẹm ọ Daa ma ipine ḅụ na ori sookumuapụ na, anịsáa ori ọ́rụ́ḅọ ọ́rụ́ḅọ gbẹ́bẹm n ḅo nwángịmáa fịrị láa ḅara ḅụ.

Matiu 16:28

A karakárányẹ ma dugho ọ pịrịm, jẹapụ mịnga sẹ́fịnịarịapụ fịịbịgha akị muu n Tumḅọ yii Tụwọ ma árị ḅoarị ori ásẹ́mẹ́kiri ḅụ.>>

Matiu 16:4

Tamuno nimigha silálá sii tuminikiriapụ ḅụ́gbérépuma ilíghíma biiarị, kụ́ma n gbẹ́rẹ́nyẹ sọ pa n diebịgha Jona ilíghíma ma siima.>> Jizọs warị anịsáa n wárịso sị soo.

Matiu 24:30

<

Matiu 25:31

<

Matiu 26:64

Jizọs pagharam, <>

Matiu 8:20

Jizọs pagharam, <>

Ibi Oku Ma Mak Anị Gịẹ Ḅara 13:26

<

Ibi Oku Ma Mak Anị Gịẹ Ḅara 14:62

Jizọs pagharam, <>

Ibi Oku Ma Mak Anị Gịẹ Ḅara 8:37

Ị pa pịrịbẹnyẹ ofori sị pa ị́yẹ́ duma dima akị

Ibi Oku Ma Luk Anị Gịẹ Ḅara 19:26

<<Ọ warị n pagharaa ḅẹẹ,

Ibi Oku Ma Luk Anị Gịẹ Ḅara 9:26

Tumḅọ ḅọ́rọ́ ị dighi ḅụ́gịrịrị pịghị ị́yẹ́ dienyẹ ma dighi ḅụ́gịrịrị, anịsáa, irị Tumḅọ yii Tụwọ ma so n ḅo dighi ḅụgịrịrịbẹm, ọ ḅo sáá ori ipine ḅụ, na pịghị Daḅọ ma ipine, pịghị tọ́ntọ́ sookumuapụ ma ipine ḅụ.

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Ibi Oku Ma Jọn Anị Gịẹ Ḅara 1:51

Ọ warị jẹ́nyẹ dugho, <>

Ibi Oku Ma Jọn Anị Gịẹ Ḅara 12:34

Túminị́ kpo ma pagharam, <? Mịị ori tụọ?>>

Ibi Oku Ma Jọn Anị Gịẹ Ḅara 5:27

Ọ pịghị ḅẹ́rẹ́kọ kụ́rọ pa ọ pịrịmam tegó ori anịị Tumḅọ yii Tụwọ ma.

Fịrị Ḅara 10:22

Nnị warị págháraa ḅẹẹ, <>

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Galesiaapụ 6:14

Ịrị ọkụ́ma Tamuno minini ma ḅẹ́ a jẹ́nyẹ pa bịpịkpọ wámịna Nyánáḅọ Jizọs Krais mgbẹsẹ sị́ ma sima, anị ḅụ ḅọ́rọ́ tuminikiri ma fịịmam a fịnị angaá, a pịghị fịịmam tuminikiri ma fịnị angaá.

1 Tẹsalonaikaapụ 2:19

Ọmịnị ma, ọmịnị ma ngéré jẹ́apugha anịị wámịna tọ́rụ́ dighinyẹ, wámịna bieḅẹlẹ wa go pịghị bịpịkpọarị nyẹ Tamuno wa pa nwángị kárámá maá fịrị Wányánáḅọ Jizọs Krais tórúku o ḅo bẹ sáá.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

2 Timoti 1:12

Mịma goo anịị a go mịná tọ́rụ́siarị ma árịarị nyẹ kụ́ma a pa tẹ́mẹ́kụ́rọ nyanam, tegó a nimim a tẹ́mẹ́ pa ḅụ gbánáḅọ a pịghị nimim ḅẹ́ ọ pa i ḅárabie sua warị nyẹ ma ori ine anị koko warịbẹm akị muu anị ene ma láa.

2 Timoti 1:16

Tamuno lolomakúkúbie nyána Onesiforọs wárị pịrị, tegó tọgha sáá ori i tẹ́mẹ́ mịẹ saghịmam, anị pịghị ọ ḅụgịrịrịmagha ḅẹ́ a ikólibie imii.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

Hiburuapụ 11:16

Tụ́ma ibiḅaa ama anị n tọ́rụ́ pa dighiarị nyẹ sobie ama ma. Anịma go Tamuno ḅụgịrịrịgha ḅẹ́ nnị nna Tamuno pa osim, tegó ori ama tẹ́lẹ́ma n pịrịmam.

Hiburuapụ 11:26

O mininim ḅẹ́ wirinumo daa Mesaya ma ẹ́rẹ́, sọ́nyẹ so Ijipiti ḅụ fịnị ngọ mamgba nẹngịm. O tọ́rụ́ pa tórúku ḅoarị sọ́nyẹ ma dighiarị.

Hiburuapụ 13:13

Anịgo, wamịnị o dama mú nụ́ngọbie ma ḅụ sị ọ́ nana ḅụ́gịrịrị ma daa.

Jems 4:4

Ọmịnị ine Tamuno na sẹghaapụ, o nimigha ḅẹ́ tuminikiri ma na nangwọ sọọ anịị Tamuno na iruonaḅọ mịẹ? Dọghụḅọ gonyẹ́ gonyẹ́ ḅẹ́ n ḅọ tuminikiri na nangwọ sọọ, Tamuno iruonaḅọ sọmam.

1 Jọn 2:23

Tụwọ ma sịghịapụ gonyẹ́ gonyẹ́ Daḅọ ma sọ sịghịm; Tụwọ ma daakịapụ gonyẹ́ gonyẹ́ Daḅọ ma nyánam.

1 Jọn 2:28

Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.

Puu Findi 14:10

nnị Tamuno igani iru ma ḅuubẹm nnị pa ori igani ọmọngọ ma bie gwagha ḅara pa suabiimamáa nyẹ, nnị tọ́ntọ́ sookumuapụ ma tórúku na pịghị Ánáná Tụwọ ma tórúku nnị fịnị na dọghụarị ọpọlịḅuruma pa nnị pa tọ́rụ́siarịmabẹm.