Ibi Oku Ma Mak Anị Gịẹ Ḅara 4:20 - Ibani New Testament

²⁰ Kụ́ma jẹapụ fịnị ḅara anịị nnị ibikiri ḅụ dipi sịmgbọlụ. Nnị oku ma naam, anị daákịm warị mgbọ́lụ sua jẹa nyẹ sue, jẹa nyẹ tẹ́si, jẹa nyẹ sọ́nọ́ a si.>>

Ibi Oku Ma Mak Anị Gịẹ Ḅara 4:20 ပူးပေါင်းရင်းမြစ်များ

Matiu 13:23

Kụ́ma ibikiri ḅụ sóórókoro sịmgbọ́lụ ma anịị oku ma naapụ sị anị akanyaḅo: sịmgbọ́lụ sua, jẹa nyẹ sọ́nọ́ a si kiri, jẹa nyẹ tẹ́rẹ́ si kiri, jẹa nyẹ sue kiri.>>

Matiu 13:8

Jẹa nyẹ pa ibikiri ḅụ sóóró kóróm, anị sọ́nọ́ a si kiri, tẹ́rẹ́ a si kiri anịgha sue kiri sua pághámaḅo ngaa n dipi nyẹ gonyẹ́ gonyẹ́ ḅụ.

Ibi Oku Ma Mak Anị Gịẹ Ḅara 4:8

Kụ́ma jẹa sịmgbọlụ ibikiri ḅụ sóórókórom, mgbọ́lụ ma sópághá, sẹnị sịmgbọ́lụ sua: jẹa nyẹ sue sịmgbọlụ suam, jẹa nyẹ mgbọ́lụ tẹ́rẹ́ a si, jẹa nyẹ pịghị mgbọ́lụ sọ́nọ́ a si.>>

Ibi Oku Ma Luk Anị Gịẹ Ḅara 8:15

Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 15:2

Ịḅụ fịnị sịịmgbọ́lụ suagha sị ḅara gonyẹ́ gonyẹ́ ori anị pẹlẹsibẹm, sịịmgbọlụ sua sị ḅara gonyẹ́ gonyẹ́ ori anị pẹlẹ gbulumabẹm sị anị jẹ́ jẹ́ mgbọ́lụ sua bẹ ḅara.

Romapụ 7:4

Anịị anị pịghị ọ nana fịnị ḅara ị́yẹ́ amịnáapụ, anị ólóghó ma gboloma ḅara ḅụ ọmịnị so ọ fịịmam tegó ọmịnị ma anịị Krais ma oju bẹ gbẹ́rẹ́apụ; ọmịnị anị mị́sa n fịị ḅụ saghịma ḅọ ma nyẹẹ wa sọnyẹ sọ bẹ ḅara Tamuno ma fịrịkiri.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

2 Pita 1:8

Mịnanyẹ ma anịị o binyẹ ọmịna duma bie, ọ ḅọ́rọ́ nyáná bima ọmịna duma bie, anị mịẹbẹm ọ gárágárá pịghị sọọ nyẹ ḅụ sọ, ọmịna níminyẹ Jizọs Krais wámịna Nyánáḅọ ḅụ.