Ibi Oku Ma Mak Anị Gịẹ Ḅara 3:27 - Ibani New Testament

²⁷ Gbẹ́rẹ́ḅọ sọ ine kụrọ tumḅọ wárị ḅághúfindibịgha sị ọrẹ ngọ akị, tụ́ma ọ parị kụ́rọ tumḅọ ma kpọwarịbẹm; anịsáa ori ine o warị fọọbẹm.

Ibi Oku Ma Mak Anị Gịẹ Ḅara 3:27 ပူးပေါင်းရင်းမြစ်များ

Matiu 12:29

<

Ibi Oku Ma Jọn Anị Gịẹ Ḅara 12:31

Mị́sa anịị nnị mịị tuminikiri ḅụ ḅẹ́rẹ́kọ bẹnyẹ; mị́sa mịị tuminikiri táarịḅọ nnị o dee pághámabẹm.

Romapụ 16:20

Tamuno, wámịna diin ḅara saghị ḅoḅọ, ḅọlọgha sa Satanị nánga kọsịmabẹm ọmịna ḅụọ sughu. Wámịna Nyánáḅọ Jizọs Krais tọ́rụ́kụrụkụ́rụ́ ọ nana fịnịị.

Kolosiapụ 2:15

O táarịapụ na kụrọnyanáapụ ḅara nna ọ́mụ́gbinyẹ daákịfáma sáá, ọ mịẹm túminị́ n pa tọ́rụ́ pa nyẹdighinyẹ mịẹ, mgbẹsẹ sị́ ma pa n sọḅa.

Hiburuapụ 2:14

Awọamaapụ ma, mẹnị na ọmbịnyẹ́, sua ḅara ma, Jizọs ḅoo n fịnị ḅara fịnịm pịghị nnị ojumẹnị sua ḅo sọ, ọ go mịma mịẹnyẹ, ori ọrẹ fịị ḅụ ḅọ́rọ́, ọ fịị kụrọ ma nyánáḅọ ma guluguluma bẹ ḅara anịị, Ẹ́kpẹ́dua ma,

1 Jọn 3:8

Sámámgba ḅụ fịnị sị siiamịẹnyẹ mịẹarịḅọ gonyẹ́ gonyẹ́ fịnị ẹ́kpẹ́dua pịrịm, tegó ẹ́kpẹ́dua ma Sughu saghị sa éné éné siinyẹ mịẹarị. Mịma go anịị Tamuno Tụwọ ma go ḅo nyẹ sị ori ẹ́kpẹ́dua ma fịrị mamgba sima bẹ ḅara.

1 Jọn 4:4

Ọmịnị ị́yẹ́ ibi awọ, ọ Tamuno ju saghịḅom, ọ pịghị epele ikiakoroapụ ma sọḅamam, tegó ọmịna bie fịnị Tẹ́mẹ́ ma anị kụ́rọ tuminikiri ma bie fịnị túminị́ bie fịnị tẹ́mẹ́ ma nẹngịm.