Ibi Oku Ma Mak Anị Gịẹ Ḅara 14:6 - Ibani New Testament

⁶ Kụ́ma Jizọs ḅẹ́m ḅẹẹ, <<Ọmịnị a wáriso! O tẹ́ go ḅụḅáláḅálá pa a pịrịarị? A kpọma ibi na ḅụ́gbẹ́ nyẹ mịẹ i pịrịmam.

Ibi Oku Ma Mak Anị Gịẹ Ḅara 14:6 ပူးပေါင်းရင်းမြစ်များ

Matiu 26:10

Jizọs mịma nimitẹ́lẹ́ma ḅara ma, Jizọs warị n ḅẹẹ, <<Ọ tẹ́ go ḅụḅáláḅálá pa mị ọ́rụ́ḅọ ma pịrịarị? A fíafía nyẹ mịẹ i pịrịmam.

Ibi Oku Ma Mak Anị Gịẹ Ḅara 14:5

Nnị ine pa pị́naḅala igbii jie a si dẹrịbẹm sị igbii ma pa igonyiapụ pịrị!>> Nnị warị ḅụgbẹ́gha ḅara pa ẹ́gẹ́rẹ́kọọ ọ́rụ́ḅọ ma pịrị.

Ibi Oku Ma Mak Anị Gịẹ Ḅara 14:7

Igonyiapụ sámamgba ọmịnị na imii ọ pịghị ḅárásua n pịrị bi sá gonyẹ́ gonyẹ́ ọmịnị ine ḅárásua n pịrịbẹm kụ́ma irị ọmịnị inyanabịgha sámámgba.

Fịrị Ḅara 9:36

Jọpa ḅụ gbẹ́rẹ́ ọ́rụ́ḅọ imi, Tabita anịị árị ẹ́rẹ́, árị ọ́ mininiḅọ, árị ẹrẹ Giriki ḅụ anịị Dọkas (mịma dughoarị, tụ́ḅara kịka nama). A sáá ngúmá sámámgba ḅárásua igonyinapụ pịrịarị pịghị ibinyẹ mịẹarị.

2 Kọrịntịapụ 10:18

Ḅẹẹ, Tamuno ibi kóróma nyána pịrịapụ ma anịị ọ pịghị ḅọ́rọ́marịapụ, ibi kóróma nyáná nna ḅụ pịrịapụgha.

2 Kọrịntịapụ 9:8

Tamuno ma pịghị ine o bi ḅara nẹ́ngị nyẹ mịẹ ọ pịrịbẹm. Si o bii nyẹ gonyẹ́ gonyẹ́ sámámgba ọmịnị anị nyáná ọ ḅụ pịrịbẹ ḅara, pịghị anị nyáná wásáma sị pa ibifịrị gonyẹ́ gonyẹ́ nwángị.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

2 Tẹsalonaikaapụ 2:17

Ọmịna kúkúbie mịẹ kụ́rọ́ma sị pịghị ịnyọ pa ọ pịrịị ọ mịẹarị ibifịrị gonyẹ́ gonyẹ́ ḅụ na pịghị ọmịna ibi ẹ́gẹ́rẹ gonyẹ́ gonyẹ́ ḅụ.

1 Timoti 5:10

túminị́ pịghị ibima a nimim árị ibiamịẹnyẹ ḅụ, ibiḅara pa árị awọ didighi págháma ḅooḅọ, igonyiapụ datéréma ḅọ a wárịbie, ḅụ sitéréma fịrịnwangị jẹ́ mininiapụ pịrị, ḅárásua ḅụ́ḅáláḅálábie fịnịapụ pịrị, pịghị a ḅụ sághị ibifịrị nwángị pịrị.

1 Timoti 6:18

Kụ́rọ ḅara pa dugho n pịrị ḅẹ́ nnị ibi nyẹ mịẹ, nnị opuma ibifịrị nwángị, n ḅara findi wásáma, sámámgba n tẹ́lẹ́ma jẹ́apụ na nyẹ die ḅụ.

2 Timoti 2:21

Ọ ḅụ sịrịpághámaḅo ḅọ mịnanyẹ mamgbabie, anịḅọ ma nnị nḅọ pa sosighima fịrị nwángịbẹm, tegó anịḅọ ma nḅọ fịrị pa nyẹ́sim pịghị sọnyẹ sọọ nḅọ Nyánáḅọ pịrịm, pịghị tẹ́lẹ́ma ibifịrị gonyẹ́ gonyẹ́ kúruarị.

2 Timoti 3:17

Mịị ḅárá ma fịrịnwangị Tamuno pịrịarịḅọ gonyẹ́ gonyẹ́ nyẹ́dáwọ ḅụ karakárámabẹm sị ori ine ibifịrị gonyẹ́ gonyẹ́ nwángị bẹ ḅara.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Taitọs 2:7

Nyẹ́ gonyẹ́ gonyẹ́ ḅụ, ịḅụ die ḅẹ́ ị sẹ ibiamịẹnyẹ pa tọ́ma bẹnyẹ pịrịm, ị́yẹ́ dienyẹ ḅụ, sẹ karakárá pịrị, pịghị i diearịnyẹ ma pa nyẹ́sị.

Taitọs 3:14

Wámịna mịnaapụ Krete ḅụ fịnị mininiapụ ma ibifịrị nwángị ma pa nna mịẹmịẹnyẹ mịẹ, nnị ine éné éné ḅụ npalịma nyẹ nyáná nna ḅụ pịrịbẹ ḅara. Nnị sọ́nyẹ bie ofori duma kọọma.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.

Hiburuapụ 10:24

Wa jụghọ jụghọ bala pịghị ḅárásua jụghọ jụghọ pịrị, ḅẹlẹma diepágháma pịghị ibinyẹ mịẹ.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

1 Pita 2:12

O mịná mịẹnyẹ mininighaapụ ma tórúku gbụ́nụ́nụ́ na ibim, si, nnị ẹ́rẹ́ pa o sịarị sáá ḅẹ́ ọ siinyẹ mịẹm, nnị ọmịna ibifịrị lighilighiḅobẹm si Tamuno ma boma o ḅo bẹ éné.