Ibi Oku Ma Mak Anị Gịẹ Ḅara 10:30 - Ibani New Testament

³⁰ mịma nẹ́ngị nyẹ nyánábẹm, mịị tuminikiri ma ḅụ. Nnị sọ́nọ́ a si kiri nyánábẹm, warịị mịná owiapụ, mịná ẹ́rẹ́ámáapụ, nyingiapụ awọamaapụ na duakiri na pịghị tọ́rụ́siarị; mịị tuminikiri, pịghị ḅoarị tuminikiri nnị duma gbámásó nyánábẹm.

Ibi Oku Ma Mak Anị Gịẹ Ḅara 10:30 ပူးပေါင်းရင်းမြစ်များ

Matiu 12:32

Sii ẹ́gẹ́rẹ́kọ Tumḅọ yii Tụwọ ma pịrị ḅo gonyẹ́ gonyẹ́ nnị siiḅụḅarasi n ḅo pịrịbẹm, kụma sii ẹ́gẹ́rẹ́kọọ Tọ́ntọ́ Tẹ́mẹ́ ma pịrịḅọ nnị siḅụḅarasi n ḅọ pịrịbịgha, mị tuminikiri ma ḅụ na pịghị ḅọ bẹnyẹ ma ḅụ.

Matiu 13:8

Jẹa nyẹ pa ibikiri ḅụ sóóró kóróm, anị sọ́nọ́ a si kiri, tẹ́rẹ́ a si kiri anịgha sue kiri sua pághámaḅo ngaa n dipi nyẹ gonyẹ́ gonyẹ́ ḅụ.

Matiu 6:33

Kụ́ma Tamuno ásẹ́mẹ́kiri ma dọghụ na pịghị ọ dọghụnyẹ, anịsáa nnị mịnanyẹ mamgba pa ọ pịrịbẹm.

Ibi Oku Ma Luk Anị Gịẹ Ḅara 18:30

ḅẹẹ mịị tuminikiri ḅụ nnị anịma nẹ́ngịma nyẹ nyánábẹm, sị pịghị ḅoarị sáá ma ḅụ duma gbámásó.>>

Ibi Oku Ma Jọn Anị Gịẹ Ḅara 10:23

Jizọs pịghị Tamunoopuwárị ma párángáa nwángị ḅọ́rọ́arị Solomọn ẹ́bẹwarị pa sị ngá.

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Fịrị Ḅara 16:25

Dii ogbo Pọl na Sailas tẹ́ghẹ̄arị pịghị boma núme suu Tamuno pịrịarị ikólinaapụ ma sọ n pughuarị.

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

Romapụ 5:3

Anị ḅara ma ngéréghaa kụ́ma wa pịghị dụrụkụ tọ́rụ́siarị pịrịm, tegó wa nimim ḅẹ́ tọ́rụ́siarị mịẹm tumḅọ ngịrịma nyáná,

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

2 Kọrịntịapụ 6:10

Nnị wa biesimam, wa pa sámámgba bieḅẹlẹarị, wa igonyinapụ kịkam, kụ́ma wa tọgha tọghaapụ pa álásọ́maarị, wa ḅẹnyẹ ḅẹnyẹ nyánágháapụ kịkam, anịsọ wa nyẹ gonyẹ́ gonyẹ́ nyánam.

Filipaiapụ 3:8

Anịma ngéréghaa; a nyẹ gonyẹ́ gonyẹ́ kiẹm káara bi faá ḅara, a mịma mịẹm ịḅụ opuma nyẹ́la nyẹ ma gosi, anịị Inyanaḅọ Krais Jizọs nimi ma, ọ sịbị goo a nyẹ gonyẹ́ gonyẹ́ gbiḅuumamam, nyẹ gonyẹ́ gonyẹ́ ịḅụ opu ịlọ́lị kpọ dighimam. Sị a nyẹ gonyẹ́ gonyẹ́ nyáná ḅo bẹ ḅara Krais bie.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

1 Timoti 4:8

Oju jighema ti ma sọnyẹ nyánam, kụ́ma tẹ́mẹ́ju fịrịnwangị ma sọnyẹ sọ́ḅám asọ kịrịkị́rị́ ḅụ tegó anị duma pa wa pịrịbẹm, mị́sa na pịghị ḅoarị sáá.

1 Timoti 6:6

Tamuno nimi na tumḅọ nyánányẹ fúrōbi anịị opu sọnyẹ.

Jems 1:12

Daádighi ḅụ kụrọ sẹapụ, bieḅẹlẹ nna nyẹ sọọbẹm. Ọ daádighi ma sáḅá kórómaẹrẹ nḅọ Tamuno míníni ọ ḅẹlẹmaapụ ma pịrị duma nyánábẹm.

Jems 5:11

Wamịnị n karịibimaapụ pa n siim nnị ingịrịma nyánam gosi, ọ kọkọ Jobu ingịrịma gbolomanyẹ naamá, ọ kọkọ pịghị nimi Tamuno sua ọ pịrị ḅara kunema ma ḅụ. Ḅẹ́ Kị́nị́nyánáḅọ ma tọ́rụ́kụrụkụ́rụ́ na lolomakúkúbie ọ ḅụ bim.

1 Jọn 2:25

Mịma anị Krais minininyẹ ḅẹ́ ọ pa wa pịrịbẹm duma gbámásó.

1 Jọn 3:1

Dighii Daḅọ ma wa ḅẹlẹma láa ḅara! Ori ḅẹlẹma opuma dụḅam sị túminị́ wa sịarị Tamuno awọ wamịnị ma anị karakáráma Tamuno ma awọ! Tuminikiri ma wa nimigha nnị Tamuno ma nimigha gosi.

Puu Findi 2:9

A ọmịna ḅụḅáláḅálá nimim; a pịghị ọmịna ịgónyí nimim anịsọ ọ pa ngọ nyánam! A nimim nnị ọ ḅụ ḅụ dugho síí ẹ́gẹ́rẹ́, ḅẹ́eapụ ḅẹẹ nnị Juuapụ kụ́ma nnị Juuapụgha; nnị anịị Satanị kubiri ogbo!

Puu Findi 3:18

A ọmịnị againmam, ḅẹ́ ọmịnị i ḅara odoḅala fẹ́ẹ, n fịnịbie dọ́ghụ́ma yóri yóri odoḅala sị ọmịnị ála sọọ bẹ ḅara. Pịghị pị́na pị́na bịtẹ fẹ́ẹ sị pa ọmịna ḅụ sua sị ọmịna ḅụ́gịrịrịma papa ḅụ ma gbẹ́ẹ̄ bẹ ḅara. Pịghị pulo fẹ́ẹ sị pa ị tọ́rụ taa, si i ine nyẹ árị bẹ ḅara.