Matiu 6:33 - Ibani New Testament

³³ Kụ́ma Tamuno ásẹ́mẹ́kiri ma dọghụ na pịghị ọ dọghụnyẹ, anịsáa nnị mịnanyẹ mamgba pa ọ pịrịbẹm.

Matiu 6:33 ပူးပေါင်းရင်းမြစ်များ

Matiu 19:28

Jizọs dugho n pịrịm, <

Matiu 19:29

Pịghị warị warịsomáaḅọ gonyẹ́ gonyẹ́ anịgha mịná owiapụ anịgha ẹ́rẹ́mịnaapụ anịgha daapụ anịgha nyingiapụ anịgha awọ anịgha duakiri i sịbị gosi, sọ́nọ́a si kiri pa anị nẹ́ngị nyẹ nyánábẹm sị pịghị gbámásó duma nyánáḅobẹm.

Matiu 3:2

<<Ọ sii ḅụ pịghị tegó so ama ásẹ́mẹ́kiri ma kikiamam.>>

Matiu 4:17

Anịsáa ma ḅụ saghị bịpị muu Jizọs saghị ibi oku ma dugho wásámám ḅẹẹ, <<Ọ sii ḅụ pịghị tegó so ama ásẹ́mẹ́kiri ma kikiamam.>>

Matiu 5:6

Karịiḅi fịnị n pịrị nna tẹ́mẹ́ gbọrụ pa dọghụarịapụ ḅẹ́ nnị Tamuno dọghụnyẹ mịẹ, Tamuno n binyẹ ma mịẹ muu sịḅịlamabẹm!

Ibi Oku Ma Luk Anị Gịẹ Ḅara 1:6

Nnị mmẹapụ karakárá ibiamịẹnyẹ nyánam Tamuno tórúku, pịghị Kị́nị́nyánáḅọ ólóghó mamgba kokom.

Ibi Oku Ma Luk Anị Gịẹ Ḅara 12:31

Anịị go parị Tamuno Ásẹ́mẹ́kiri ma dọghụ, anịsáa mịnanyẹ mamgba ọmịna nyẹ soobẹm.

Ibi Oku Ma Jọn Anị Gịẹ Ḅara 5:4

Ḅẹẹ gbẹ́rẹ́ sookumuḅọ dappa ma kóróḅo kóróḅom sa ḅụ akị mú sáá láa, ine parị dosi dappa ma ḅụ sọ ḅo gonyẹ́ gonyẹ́ sookumuḅọ ma mingi ma píirima sa n ḅo ḅụ fịnị obi gonyẹ́ gonyẹ́ gwọbẹm.

Ibi Oku Ma Jọn Anị Gịẹ Ḅara 6:27

Fịrịnwangị síi bẹ fị́nyẹ ma pịrịma kụ́ma fịrịnwangị fịnị muu gbámásó duma láa bẹnyẹ pịrị, Tumḅọ yii Tụwọ ma pa ọ pịrịbẹnyẹ, tegó ori ma anịị Tamuno Daḅọ ma ḅara pụnụ pịrịmaá ḅọ pa die ḅẹ́ ori anịị kụ́rọ pa ọ pịrịḅọ.>>

Fịrị Ḅara 20:25

<<Ọmịnị kị́nị́mamgba a bie ikelekelé Tamuno amadakiri oku ma dugho wásáma pịrịmáapụ mịnị jẹ́ pa i tórúku arịbịghaa.

Fịrị Ḅara 28:31

Ọ Tamuno so amadakiri gbolomanyẹ dugho pághámam, pịghị Jizọs Krais gbolomanyẹ pa túminị́ die, pịghị ḅáláfaghaa ḅara na kikigha ḅara pa ẹ́gẹ́rẹ́kọọm.

Romapụ 1:17

Tegó ibi oku ma die pághámaarị Tamuno túminị́ akuo karakárá ibiamịẹnyẹ ḅụ su ori na nnị na, mịma anịị minini ḅụ ḅọ́rọ́ parị ákị mú kunema láa, tọ́ndiri ma dugho ḅara, <>

Romapụ 10:3

Nnị Tamuno ḅara saghị ḅo karakárá ibiamịẹnyẹ ma nimigha sa warị asọ dọghụ nna nganyẹ pụ́úpágháma ḅo, anị ḅara ma nnị mịnị sịbị tughú Tamuno ma karakárá ibiamịẹnyẹ pịrịgha.

Romapụ 14:17

Tamuno ma kọnsịn ma fị na ḅụ na ḅụghaa, kụ́ma karakárá ibiamịẹnyẹ ḅụ, diin ḅụ, na bieḅẹlẹ ḅụ Tọ́ntọ́ Tẹ́mẹ́ ma pịrịarịnyẹ.

Romapụ 8:31

Anị nwọfịnị sa, wa tẹ́ dugho bẹ? Ḅọ́rọ́ Tamuno ma sẹ wa pịrị nḅẹḅẹ́, tụ́wọ asọ mgbẹsẹ wa pịrịbẹ?

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

1 Kọrịntịapụ 3:22

Ḅọ́rọ́ Pọl, Apọlọs, Pita, mị tuminikiri, duma na fịị na, mị́sa biri nyẹ na pịghị tórúku ju nyẹ mịnanyẹ mamgba ọmịna nyẹẹ.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Filipaiapụ 3:9

A ḅo ịḅụ dọghụḅọ sáá ọ ḅụ, a mịnị i ḅárákúu karakárá ibiamịẹnyẹ nyanagha túminị́ ólóghó ma koko ḅụ nyánáarị nyẹ́maghaa. Mị́sa a nyáná karakárá ibiamịẹnyẹ anị n pịrịarịnyẹ ma tumḅọ minini Krais ḅụ ḅọ́rọ́, Tamuno ḅara saghị ḅoarị karakárá ibiamịẹnyẹ ma minini ḅụ anịị anị saghị ḅoarị nyẹ.

2 Tẹsalonaikaapụ 1:5

Mị mamgba diepághámam ḅẹ Tamuno ḅẹ́rẹ́kọ karakáram, anịgo ọmịnị ori ásẹ́mẹ́kiri ma sọọ na gbẹ́apụ sọmam, o goo tọ́rụ́siarị ma arịị nyẹ.

1 Timoti 4:8

Oju jighema ti ma sọnyẹ nyánam, kụ́ma tẹ́mẹ́ju fịrịnwangị ma sọnyẹ sọ́ḅám asọ kịrịkị́rị́ ḅụ tegó anị duma pa wa pịrịbẹm, mị́sa na pịghị ḅoarị sáá.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

2 Pita 1:11

Mị ḅara ma, nnị kụrọ gonyẹ́ gonyẹ́ pa ọ pịrịbẹm sị ọmịnị ine wámịna Nyánáḅọ na wámịna Ḅọ́rọ́máḅọ Jizọs Krais gbámásó amadakiri ma sọ.