Matiu 5:20 - Ibani New Testament

²⁰ Ḅẹẹ a dugho ọ pịrịm ọmịna karakárá ibiamịẹnyẹ Farisiiapụ ma na ólóghó nyẹ́dieapụ ma nganyẹ nẹngịgha nẹ́ngịgha ọ jẹ́ éné jẹ́ éné so ama ásẹ́mẹ́kiri ma sọbịgha.

Matiu 5:20 ပူးပေါင်းရင်းမြစ်များ

Matiu 16:12

Anịsáa anị n ḅo akanyaḅo nyẹ ḅẹẹ ori ḅẹgha ḅẹẹ nnị nna ḅụẹbị nnị pa fịtúrú mịẹarị yisti ma pịrị, kụ́ma n ḅụẹbị Farisiiapụ na Sadusiiapụ dienyẹ ma pịrị.

Matiu 18:5

<

Matiu 3:10

Ḅẹẹ mị́sa kumḅu ma nnị pá sị ma kune ḅụ wárịmam, ibi sịmgbọ́lụ suagha sịmgbọ́lụ gonyẹ́ gonyẹ́ nnị anị pẹlẹgbibẹm si anị gbi kọrịfịnị bie sua.

Matiu 7:21

<< pa i sịapụ mamgbagha ásẹ́mẹ́kiri ma sọbẹm, kụ́ma ị́yẹ́ Daá sobie fịnịḅọ ma binyẹ mịẹḅọ gonyẹ́ gonyẹ́.

Ibi Oku Ma Mak Anị Gịẹ Ḅara 10:15

A karakárányẹ ma dugho ọ pịrịm, ḅẹ́ Tamuno Ásẹ́mẹ́kiri ma daákịghaḅọ kálátụwọ ḅara ine jẹ́ éné jẹ́ éné anị bie sọbịgha.>>

Ibi Oku Ma Mak Anị Gịẹ Ḅara 10:25

Anị ḅụdaḅaa ngọ nyánáḅọ pịrịm sị ọ Tamuno Ásẹ́mẹ́kiri ma sọọ, anịmanakaragha anị sárásáráḅa kameli pa sị nama ma pịrịm si anị alaga tọ́rụ́ ḅụ ḅọ́rọ́.>>

Ibi Oku Ma Luk Anị Gịẹ Ḅara 11:44

Anị siḅaá ọ pịrịbẹm, ilíghíma suagha dupu fịnị ḅara anịị ọ fịnị ḅara túminị́ nimigha pa nánga ḅọ́rọ́arị.>>

Ibi Oku Ma Luk Anị Gịẹ Ḅara 12:1

Anịsáa ma ḅụ, tọgha túminị́ ḅó kobirịarị sị pịghị jụghọ jụghọ nángáarị anịị Jizọs parị dugho ori ọḅụduaapụ pịrị nyẹ́ ḅẹẹ, <<Ọmịnị ọ́ḅụ ẹḅịị Farisiiapụ ma fịtúrú sughumaarị mịẹnyẹ ḅụ anịị dughonyẹ kịrị mịẹnyẹ kịrị.

Ibi Oku Ma Luk Anị Gịẹ Ḅara 18:17

A karakárányẹ ma dugho ọ pịrịm, káláawọ ḅara pa Tamuno Ásẹ́mẹ́kiri ma ákịghaḅọ ine anị bie sọbịgha.>>

2 Kọrịntịapụ 3:9

Ḅọ́rọ́ fịị ḅẹ́rẹ́pẹ́lẹ́ akuoarị nyẹ ma ipine nyanam, anịsa mịẹsị Tamuno wa daákịarị ọḅọọ ma anị ipine tọrọ́ fịnị bẹ?

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

Filipaiapụ 3:9

A ḅo ịḅụ dọghụḅọ sáá ọ ḅụ, a mịnị i ḅárákúu karakárá ibiamịẹnyẹ nyanagha túminị́ ólóghó ma koko ḅụ nyánáarị nyẹ́maghaa. Mị́sa a nyáná karakárá ibiamịẹnyẹ anị n pịrịarịnyẹ ma tumḅọ minini Krais ḅụ ḅọ́rọ́, Tamuno ḅara saghị ḅoarị karakárá ibiamịẹnyẹ ma minini ḅụ anịị anị saghị ḅoarị nyẹ.

Hiburuapụ 12:14

Ḅụ́kọ́rọ́ma diin pa kị́nị́mamgba na fịnị pịghị ḅụ́kọ́rọ́ma tọ́ntọ́ duma kọọ mịma ofori, gbẹ́rẹ́ḅọ sọ ine Kị́nị́nyánáḅọ arịbịgha.

Puu Findi 21:27

Kụ́ma gbẹ́rẹ́ ịlọ́lị nyẹ sọ anị bie sọbịgha anịgha ḅụ́gịrịrịma nyẹ mịẹarịḅọ anịgha iruonyẹ dughoarịḅo, kụ́ma nnị nna ẹ́rẹ́ gịẹapụ gonyẹ́ gonyẹ́ Ánáná Tụwọ ma duma diri bie anịị opu ámá ma sọ bẹnyẹ.