Ibi Oku Ma Luk Anị Gịẹ Ḅara 9:28 - Ibani New Testament

²⁸ Inine a dii ḅọ́rọ́fáma sáá ọ mịị nyẹ ma dughonyẹ, Jizọs warị Pita na Jọn na pịghị Jems si akị pa gbẹ́rẹ́ tụ́ndụ́ tándị sị ọ tẹ́ghẹ̄ bẹ ḅara.

Ibi Oku Ma Luk Anị Gịẹ Ḅara 9:28 ပူးပေါင်းရင်းမြစ်များ

Matiu 14:23

Ori n fịrịma so fama sáá, ori ọ ḅara na tụ́ndụ́ ọ́gọ́nọ tándịm sị ọ tẹ́ghẹ̄ bẹ ḅara. Éné ḅupiri sáá ori ngéré anịị anị ngaa fịnịnyẹ.

Matiu 5:1

Mị́sa Jizọs túminị́ kpo ma árị sáá, ọ tụ́ndụ́ angásá múm sị kpọrọfịnị. Ori ọḅụduaapụ ọ damaḅom,

Ibi Oku Ma Mak Anị Gịẹ Ḅara 1:35

Anị ḅụ éné baá, dedefụfụ ḅụ éné ma náa findi sọ findigha sáá, Jizọs warị saghị sị wárị ma wáriso. Ori ámá bie ma warisom sị kị́nị́ ófórigha angaá múm o muu tẹ́ghẹ̄ angaá.

Ibi Oku Ma Mak Anị Gịẹ Ḅara 6:46

Ori ibima muu pa túminị́ ma ḅẹ́ faá ma sa, ọ tụ́ndụ tándịm sị ọ tẹ́ghẹ̄ bẹ ḅara.

Ibi Oku Ma Luk Anị Gịẹ Ḅara 3:21

Túminị́ mamgba mingi sara so sa, Jizọs sọ mingi saram. Ọ tẹ́ghẹarị sa, so ma warị findi.

Ibi Oku Ma Luk Anị Gịẹ Ḅara 5:16

Kụ́ma tọgha sa ọ yaghúu angaá muubẹm sị mú tẹ́ghẹ̄.

Ibi Oku Ma Luk Anị Gịẹ Ḅara 6:12

Anịsáa ma ḅụ Jizọs gbẹ́rẹ́ kálá tụ́ndụ tándịm warị dii gbọrụ fámá tẹ́ghẹ̄ Tamuno pịrịarị.

Ibi Oku Ma Luk Anị Gịẹ Ḅara 8:51

O ḅo Jairọs warị ma láa sáá, o minigha gbẹ́rẹ́ḅọ sọ ọ nana wárị ma sọọ mú, kụ́ma Pita, Jọn na Jems na pịghị tụwọ ma daa na nyingiḅọ ngéré.

Ibi Oku Ma Luk Anị Gịẹ Ḅara 9:18

Gbẹ́rẹ́ éné Jizọs ngéré fịnị tẹ́ghẹ̄arị sáá, ori ọḅụduaapụ sọ ori na imi, ọ warị n gbíla ḅẹẹ, <>

Ibi Oku Ma Jọn Anị Gịẹ Ḅara 6:3

Jizọs warị tụ́ndụ tándị sị anị ngá ori ọḅụduaapụ na kpọrọfịnị.

2 Kọrịntịapụ 13:1

Mịị ị́yẹ́ tẹ́rẹ́ kárámá sa, a ḅo o dighinyẹ. Tọ́ndiri ma bie n gịẹ kórómam ḅẹẹ, <<Ḅẹ́rẹ́ pa jụghọ sịbị sẹarịḅọ gonyẹ́ gonyẹ́ mmẹẹ́ anịgha tẹ́rẹ́ onyésẹ̄ḅọ nyánábẹm, anịsa, anịị anị kundu nyáná bẹnyẹ.>>

Hiburuapụ 5:7

Jizọs mị tuminikiri fịnị sáá ọ kụ́rọ owu pụghọ pa ọrẹ tẹ́ghẹ̄ na obiarị nyẹ bim, ine o dụapághámaḅo bẹḅọ fịị ḅarabie, ori ọḅụ siteremam gosi Tamuno sughubie Tamuno o naam.

2 Pita 1:16

Wa Krais ma kụ́rọ na ori ḅoo gbolomanyẹ dugho ọ pịrị sa, wa túminị́ gbáa wa pịrị papa lụghụ gba ọ pịrịgha. Wamịnị wámịna tọ́rụ́ pa ori opu ma arịm.