Ibi Oku Ma Luk Anị Gịẹ Ḅara 8:35 - Ibani New Testament

³⁵ Túminị́ pághá mú pághá maá nyẹ ma arịm, n Jizọs damaḅo sáá, nnị oju bie sitẹ́mẹ́ soo owitụ́wọ ma arịm kpọrọfịnịarị ngá Jizọs ḅụọ anga, ọ bịtẹ suam pịghị ori karakárá tẹ́mẹ́ ḅụ imi, ḅáláfa warị ḅo nnị kị́nị́mamgba bie sọọ.

Ibi Oku Ma Luk Anị Gịẹ Ḅara 8:35 ပူးပေါင်းရင်းမြစ်များ

Matiu 4:24

Ọ gboloma dughonyẹ warị kama Siriya gbọrụ ikelema, túminị́ warị obi tọ́rụ́kịrịkị́rị́ kuuapụ pa ọ fịnịngaa ḅoo, opu oju ákụ obi kọọapụ, sitẹ́mẹ́ ḅụ fịnịapụ, nụ́nụ́obi ọ́lọ́apụ, na oju fịị obi kọọapụ, ọ warị n gwọọ.

Ibi Oku Ma Mak Anị Gịẹ Ḅara 5:15

Nnị Jizọs damaḅo sáá, n ḅo mánámana sitẹ́mẹ́ parị ḅụ fịnị owitụ́wọ ma arịm ọ bịtẹ sua sị kpọrọọfịnịarị ori karakárá sịbị bie ḅu, ḅáláfa warị ḅo nnị kị́nị́mamgba oju bie sọọ.

Ibi Oku Ma Luk Anị Gịẹ Ḅara 10:39

A gbẹ́rẹ́ mị́naḅọ ọ́rụ́ḅọ nyánam Meri pa sịḅọ, Jizọs ḅụọ angaá kpọrọfịnị sị ọrẹ dienyẹ pughuarịḅọ.

Ibi Oku Ma Luk Anị Gịẹ Ḅara 15:17

<

Ibi Oku Ma Luk Anị Gịẹ Ḅara 2:46

Tẹ́rẹ́ kárámá éné, n ḅo ori arịm Tamunoopuwarị ma bie ori na Juu nyẹ́dieapụ na kpọrọfịnị sị nnị pughu, pịghị nyẹ́ pa n gbilaarị.

Ibi Oku Ma Luk Anị Gịẹ Ḅara 8:27

Jizọs árụ́ ma bie koro ḅo sáá, gbẹ́rẹ́ owitụ́wọ ámá ma bie ḅo ori na donam, sitẹ́mẹ́ ḅụ fịnịḅọ, mị owitụ́wọ ma ḅọlọmaa sa mịnị bịtẹ sua suagha, ọ pịghị wárị fịnịbịgha, kụ́ma dupu yọ ḅụ anịị ọ fịnịarị nyẹ.

Ibi Oku Ma Luk Anị Gịẹ Ḅara 8:34

Oporopo ma didighiarịapụ ma árị sáá pághányẹ nnị mangị pághá opu ama bie ma múm na pịghị anị ikelema káláama mamgba mú sị pághányẹ ma dugho wásáma.

Fịrị Ḅara 22:3

<<Ịrị Juuḅọ, Tasọs, Silisiya bie fịnịnyẹ ḅụ anịị nnị ị yii angaá. Jerusalem ḅụ anịị nnị ị dighi pághámaḅo nyẹ, Gamalel ḅụọ sughu anịị a pịghị nyẹ dáwọnyẹ. Nnị ibiḅara pa wámịna tádọ́apụ ólóghó ma pa i diem, a pịghị ibiḅara pa Tamuno ma tẹ́ghẹ̄arị, ọmịnị mịnga fịnịapụ ma mịmgba ọ tẹ́ghẹ̄arị ḅara.

1 Jọn 3:8

Sámámgba ḅụ fịnị sị siiamịẹnyẹ mịẹarịḅọ gonyẹ́ gonyẹ́ fịnị ẹ́kpẹ́dua pịrịm, tegó ẹ́kpẹ́dua ma Sughu saghị sa éné éné siinyẹ mịẹarị. Mịma go anịị Tamuno Tụwọ ma go ḅo nyẹ sị ori ẹ́kpẹ́dua ma fịrị mamgba sima bẹ ḅara.