Kolosiapụ 4:8 - Ibani New Testament

⁸ Mịị nyẹ gosi anịị a Tisikọs pa ọ fịrịmaarị nyẹ, o nimi bẹ ḅara nyẹ wamịnị na fịnị ḅara sị ọ pịghị ọmịna tẹ́mẹ́bie mịẹ kụ́rọ́maá.

Kolosiapụ 4:8 ပူးပေါင်းရင်းမြစ်များ

1 Kọrịntịapụ 4:17

Anịma gosi a Timoti pa ọ fịrịmaarị a ibima ḅẹlẹma tụwọ, ibima kụrọ sẹ ḅo Krais asọ ma ḅụ, ọ pa o biekórómabẹm ị́yẹ́ dumafịnị ḅara Krais Jizọs ḅụ mịma anịị a pịghị diearịnyẹ sọsị gbọrụ pịghị ngámámgba ḅụ.

2 Kọrịntịapụ 1:4

biedịịnma pa wa pịrịarịḅọ wámịna ḅụḅáláḅálá mamgba ḅụ, wamịnị sọ pịghị ine tọ́rụ́kịrịkị́rị́ ḅụḅáláḅálá bie fịnịapụ bie diinma bẹ ḅara, wa Tamuno ḅara nyáná ḅo biedịịnma ḅụ ḅọ́rọ́.

2 Kọrịntịapụ 12:18

A Taitọs tẹ́ghẹ̄m ḅẹẹ ori ọ damaḅo, a pịghị isi mị́naḅọ owitụ́wọ fịrịma ọ ḅụ suam. Anịsáa, o ḅẹ́ bẹ ḅẹẹ Taitọs ọ ḅarabie sọ́nyẹ mịẹm? Ịrị na ọ nana wa gbẹ́rẹ́ tẹ́mẹ́ pa nyẹ́ mịẹgha? Pịghị gbẹ́rẹ́ ḅara pa asọ nwángị.

2 Kọrịntịapụ 2:7

Ḅẹ́ mị́sa, o siiḅụḅárasi ọ pịrị sị ọ tẹ́mẹ́ mịẹ kụ́rọ́ma sị opu tẹ́mẹ́sii gbẹ́rẹ́sa o dighiákị so bigha ḅara.

Ẹ́fịsọsapụ 6:22

Mịma goo anịị a go ọ fịrịma ḅo ọ pịrịarịnyẹ, o dugho ọ pịrịbẹ ḅara wamịnị kị́nị́mamgba nwángị kọọarị ḅara sị ọ pịghị ọ tẹ́mẹ́bie mịẹ kụ́rọ́ma bẹ ḅara.

Filipaiapụ 2:28

Anịgosi anị opuma i tarịarị ḅẹ́ a ọ pa fịrịma sị ọ́ jẹ́ pa bieḅẹlẹ bẹ ḅara ọmịnị ori árị sáá, anịsáa ị́yẹ́ tẹ́mẹ́sii ma ẹmẹ faabẹm.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

1 Tẹsalonaikaapụ 2:11

Ọ kọkọ nimi ḅẹ́ wamịnị ọ́rụ́ḅọ ọ́rụ́ḅọ na mịẹm, nyingiapụ na daapụ nna awọ na mịẹ ḅara.

1 Tẹsalonaikaapụ 3:2

Wa wámịna numboru owitụ́wọ Timoti fịrịmam, wamịnị na Tamunofịrị ma nwangịarịḅọ Krais ibi oku ma dugho wásáma ḅụ. Wamịnị ọ fịrịmam ḅẹ́ ọ ḅo ịnyọ pa ọ ḅụ sua pịghị ḅárásua ọ pịrị ọmịna minini ḅụ,

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

1 Tẹsalonaikaapụ 4:18

Anịgo ọ mịị ẹ́gẹ́rẹ ma pa jụghọ jụghọ tẹ́mẹ́ kụ́rọ́ma.

1 Tẹsalonaikaapụ 5:11

Anịgo, ọ jụghọ jụghọ tẹ́mẹ́ kụrọma ọ pịghị ḅárásua jụghọ jụghọ pịrị, mị́sa ọ mịẹarị ḅara ma.

1 Tẹsalonaikaapụ 5:14

Wa pịghị ọ tẹ́ghẹ̄m, wámịna Daa awọ, ọ mini fịrịnwangịghaapụ ma birinụ́nụ́ ḅẹẹ, nnị ọkọ mịẹma, nnị ḅáláfáarịapụ ma kúkúbie kụrọma, ḅárásua ḅárásua biapụ pịrị, mgịrịma nyáná kị́nị́mamgba pịrị.

2 Tẹsalonaikaapụ 2:17

Ọmịna kúkúbie mịẹ kụ́rọ́ma sị pịghị ịnyọ pa ọ pịrịị ọ mịẹarị ibifịrị gonyẹ́ gonyẹ́ ḅụ na pịghị ọmịna ibi ẹ́gẹ́rẹ gonyẹ́ gonyẹ́ ḅụ.