Kolosiapụ 4:18 - Ibani New Testament

¹⁸ Ịrị, Pọl, i ḅara na mịị sịbịpị ma gịẹ pa ọ fịrịmam. O biekóróma ḅẹẹ a ịkóli bie imii. Tọ́rụ́kụrụkụ́rụ́ ọmịnị na fịnịị.

Kolosiapụ 4:18 ပူးပေါင်းရင်းမြစ်များ

Romapụ 16:20

Tamuno, wámịna diin ḅara saghị ḅoḅọ, ḅọlọgha sa Satanị nánga kọsịmabẹm ọmịna ḅụọ sughu. Wámịna Nyánáḅọ Jizọs Krais tọ́rụ́kụrụkụ́rụ́ ọ nana fịnịị.

Romapụ 16:22

Ịrị, Tẹtius, Pọl dughonyẹ ma gịẹ diri bie suaḅọ o biim Kị́nị́nyánáḅọ ma bie.

Romapụ 16:23

Gayọs, a ọ wárị ngáarị ḅo, sọsị ma sọ ọ wárịbie donaarị ḅọ fịrịmam ḅẹ́ a o bii. Ẹratọs, ama igbii koko ḅọ na pịghị wámịna mị́naḅọ owitụ́wọ Kuatọs fịrịmam ḅẹ́ a o bii. [

1 Kọrịntịapụ 16:21

Irịị Pọl i ḅara na mịná sịbịpị ma gịẹm.

2 Kọrịntịapụ 13:14

Wámịna Nyánáḅọ Jizọs Krais tọ́rụ́kụrụkụ́rụ́, Tamuno ḅẹlẹma, na Tọ́ntọ́ Tẹ́mẹ́ ma mịẹgbólóma, ọmịnị kị́nị́mamgba na fịnịị.

Filipaiapụ 1:7

Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Kolosiapụ 4:3

Pịghị tẹ́ghẹ̄ wa pịrịị ḅẹ́ Tamuno oku ma dugho wásáma ḅụ́pọ́ findi wa pịrị, sịị wa ine Krais ḅụ fịnị ḅụ́gbérépuma nyẹ ma dugho págháma mị́sa a goo ikólibie fịnịnyẹ.

2 Tẹsalonaikaapụ 3:17

Ịrị Pọl i ḅara pa mịị sịbịpị ma gịẹm. Mịị a ḅara pụnụ a gịẹ diri gonyẹ́ gonyẹ́ pịrị pịrị ḅara; mịị a gịẹ gịẹ ḅara.

1 Timoti 6:21

Jẹ́apụ bịpịkpọman ḅẹẹ nnị mịị níminyẹ ma nyánam anị ḅụ ḅọ́rọ́ nnị minini asọ ma ḅụ irimamam. Tamuno tọ́rụ́kụrụkụ́rụ́ ọmịnịkịnị mamgba na fịnị.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

2 Timoti 4:22

Kị́nị́nyánáḅọ ị tẹ́mẹ́ na fịnịị. Tamuno tọ́rụ́kụrụkụ́rụ́ ọmịnị kị́nị́mamgba na fịnịị.

Taitọs 3:15

I nana mịnga fịnịapụ mamgba fịrịmam ḅẹ́ a o bii, pịghị wámịna nángwọ́apụ minini ma ḅụ fịnịapụ ma bii. Tamuno tọ́rụ́kụrụkụ́rụ́ ọmịnị kị́nị́mamgba na fịnịị.

Hiburuapụ 13:25

Tamuno tọ́rụ́kụrụkụ́rụ́ ọmịnị mamgba na fịnị.

Hiburuapụ 13:3

Ikólibie fịnịapụ pa biekóróma, sọ́ḅọ́rọ́ ọmịnị na nnị na ikólibie ma ḅụ imii, ọ tọ́rụ́siarịarịapụ ma pa biekóróma sọ́ḅọ́rọ́ ọmịnị na nnị na tọ́rụ́siarị ma árịarị.