Kolosiapụ 4:12 - Ibani New Testament

¹² Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

Kolosiapụ 4:12 ပူးပေါင်းရင်းမြစ်များ

Matiu 5:48

Anịgosi kpain fịnị, ị́yẹ́ Daá sobie fịnịḅọ kpain fịnị ḅara.

Ibi Oku Ma Luk Anị Gịẹ Ḅara 1:1

Ị́yẹ́ opu Tiofilọs, kuu ḅụgbẹḅọ, tọghaapụ nna ịnyọ la ḅara mịẹmam sị nyẹ gịẹ diri bie sua, mịẹmáa nyẹ wámịna ogboku bie.

Ibi Oku Ma Luk Anị Gịẹ Ḅara 22:44

Opu akụ ḅụ ori ọ tẹ́mẹ́ gbọrụ pa tẹ́ghẹ̄m; ọ ḅụ págharị imoo warị kpọ koroarị ọmbịnyẹ́ ḅara.

Ibi Oku Ma Jọn Anị Gịẹ Ḅara 12:26

Fịrịnwangị i pịrịarịḅọ gonyẹ́ gonyẹ́ i dua nyánam; a fịnị angaá anịị ị́yẹ́ fịrịnwangịḅọ fịnị ḅẹ́ angaá. I Daá ma kuu pa fịrịnwangị i pịrịarịḅọ ma suabẹm.

Romapụ 15:14

I jẹa minini mịnaapụ, ịrị ịḅụgḅọrụ mininim ḅẹ́ ọmịnị opuma ibim, ọ pịghị níminyẹ gonyẹ́ gonyẹ́ nyanam, ọ pịghị ine nyẹ pa jụghọ jụghọ diebẹm.

Romapụ 15:30

Mịnaapụ, a wámịna Nyánáḅọ Jizọs Krais ẹ́rẹ́ na pịghị Tẹ́mẹ́ ma pịrịarị ḅẹlẹma pa ọ tẹ́ghẹm: ḅẹ́ ọ ḅárásua sị Tamuno tẹ́ghẹ̄ kụrọma i sịbị go.

1 Kọrịntịapụ 14:20

Ị jẹa mininiapụ ọmịnị awọamaapụ kịkama ọmịna kóróma ḅụ, siinyẹ gbolomanyẹ ḅụ ọmịnị awọamaapụ kịka, kụ́ma ọmịna kóróma ḅụ ọ sẹnịapụ dighi.

1 Kọrịntịapụ 2:6

Wa opu nyẹ́nimi oku ma dugho wásáma minini ḅụ sẹ́nịmaapụ ma pịrịm. Kụ́ma mị opu níminyẹ ma anị mị tuminikiri opu niminyẹgha anịgha mị tuminikiri táarịapụ opu níminyẹ nna kụ́rọ ḅoo papanyẹ soarị nyẹ.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

Galesiaapụ 1:10

Mịma anị die ḅẹ́ a túminị́ ḅẹlẹma bẹnyẹ mịẹarị? Ọkọ fịnịgha, a binyẹ anịị Tamuno ḅẹlẹma bẹnyẹ. Ḅọ́rọ́ ḅẹ́ a túminị́ go pa iḅẹlẹma bẹnyẹ mịẹarị, anịsáa a ine Krais fịrịnwangịḅọ ẹrẹ fịbịghaa.

Galesiaapụ 4:19

A ḅẹlẹma ibi awọ, yii ọlọ ọ́rụ́ḅọ naarị ákụ ma anị mị́sa a nyáná ọ pịrị jẹ́ ákụ akị mú ọ sẹ́nị ḅo tumḅọ sọ sáá láa Krais bie.

Kolosiapụ 1:22

Kụ́ma mị́sa Krais ojumẹnị fịị ma ḅụ ḅọ́rọ́ ọ nangwọapụ pa omiẹmam sị ọ tọ́ntọ́ ḅara pa ọmịnị akuoo ọ tórúku fu na túminị́ bịpị oju laagha ḅụ.

Kolosiapụ 1:28

Wamịnị o dugho wásámam, opu níminyẹ ḅụ nyẹ pa kị́nị́mamgba diearị pịghị nna biri nụ́nụ́arị, sị wa kị́nị́mamgba akuoo bẹ ḅara Krais toruku kpain ḅara ḅụ.

Kolosiapụ 1:29

Mịma go, anịị a go ịnyọ pa fịrịnwangịarị nyẹ, Krais pa i pịrị ịnyọ mị́sa ịḅụ opuma kụ́rọ fịrị nwángịarị.

Kolosiapụ 1:7

Ọ Tamuno tọ́rụ́kụrụkụ́rụ́ ma gbolomanyẹ dáwọ ḅom Epafras ḅara, wámịna ibifịrị nwángị ḅụ gbẹ́rẹ́ḅọ, Krais ḅụ sẹ́kụrọ fịrịnwangịḅọ wámịna sịbị gosi.

Kolosiapụ 1:9

Mịma gosi, wa sághị o gbolomanyẹ náa sa éné éné wamịnị ịnyọsáragha ḅara pa tẹ́ghẹ̄ ọ pịrịarị pịghị Tamuno ḅara biiarị ḅẹ́ Tamuno ori níminyẹ ọ tọ́ọ ḅará pa ọ pịrị bimáa na pịghị ọ Tẹ́mẹ́ sághị ḅoo opúniminyẹ mamgba na akanyaḅo pa ọ pị́rị́.

Kolosiapụ 4:9

Ori Onisimọs na ḅoarị, wa ḅẹlẹma numboru owitụ́wọ pịghị sẹ́kụrọ ḅo, ori ma pịghị ọmịna ḅụ́gbẹrẹḅọ. Nnị mịnga págháarị nyẹ mamgba dugho ọ pịrịbẹm.

1 Tẹsalonaikaapụ 5:23

Diin pa wa pịrịarị Tamuno ma, mịẹsị ọ tọ́ntọ́ ḅụ fịnị asọ mamgba ḅụ, sị pịghị ọmịna duma gbọrụ, tẹ́mẹ́ na biebẹ duma na oju ma wárii, bịpị anị ḅụ labịgha ḅara ḅụ, wámịna Nyánáḅọ Jizọs Krais ma ḅo ḅụ.

Fịlẹmọn 1:23

Epafras i jẹa ikólinaḅọ Jizọs Krais fịrị ma go ḅẹm a obifama.

Hiburuapụ 5:14

Tụ́ma mbgọlụ fị́nyẹ fịnị sẹ́nịapụ pịrịm, nnị sámámgba anị fịarị sa, nnị ine ibinyẹ na siinyẹ na nimim.

Hiburuapụ 5:7

Jizọs mị tuminikiri fịnị sáá ọ kụ́rọ owu pụghọ pa ọrẹ tẹ́ghẹ̄ na obiarị nyẹ bim, ine o dụapághámaḅo bẹḅọ fịị ḅarabie, ori ọḅụ siteremam gosi Tamuno sughubie Tamuno o naam.

Jems 1:1

Mịị diri ma, Tamuno ómóniḅọ na pịghị Jizọs Krais ómóniḅọ Jems ḅara anịị anị sághị ḅo nyẹ. A sịbịpị pa Tamuno túminị́ mamgba sịarị nnị gálágálámáapụ tuminikiri gbọrụ.

Jems 1:4

Ọmịnị árị ḅẹ́ ọmịna ngịrịma ọ dighi mú kunema lam, si, nyẹ gonyẹ́ gonyẹ́ ḅụ ọ́ káarábẹḅara, ibima sẹ, pịghị gbẹ́rẹ́nyẹ sọ bibịẹgha ḅara.

Jems 5:16

Anịgo ọmịnị ọmịna sii kịẹ jụghọ jụghọ pịrị pịghị tẹ́ghẹ̄ jụghọ jụghọ pịrị, ọmịna obi gwọbẹ ḅara, karakárá ibiamịẹnyẹ tumḅọ kọọ tẹ́ghẹ̄ opuma kụrọfịrị nwángịarị.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

Judu 1:24

Ori ma, ine ọ warịị sị ọ bịghịbịgha ḅọ ma, pịghị ọmịnị akuoo sii ḅụ ófórigha ḅụ, na pịghị opu bieḅẹlẹ ḅụ ọ tọ́rụ́kuu, ipine bii yọ,