Kolosiapụ 3:5 - Ibani New Testament

⁵ Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

Kolosiapụ 3:5 ပူးပေါင်းရင်းမြစ်များ

Matiu 15:19

Ḅẹẹ tẹ́mẹ́ ma bie anịị sii kóróma, kị́nị́ḅáa, amadọghụ, yáakuu ḅụ ofori nwángị, fúrú, iruo onyẹ́sẹ, kị́nị́ dughosima.

Romapụ 1:26

Túminị́ mịma mịẹm gosi Tamuno nna ḅụ ḅárásim sị nnị nna oju ma tarịarị ḅụ́gịrịrịmanyẹ pịrịm. Ẹ́rẹ́ámáapụ ma sọ nna jẹa ẹ́rẹ́ámáapụ na múnoarị.

Romapụ 1:29

Tọ́rụ́kịrịkị́rị́ nyẹ pa kịnịlama, siiamịẹnyẹ, oputọrụ, kịnịtárigha, jughonyẹ mọnị, anịị nna duma bie bii nyẹ, kị́nị́ḅáa, owu soo, oḅori pa kị́nị́ sị, na jẹ́apụ sii dọghụ. Nnị jụghọ jụghọ pa bịpị ḅẹ́lẹ́maarị,

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

Romapụ 6:6

Wa nimim ḅẹ́ wámịna olom ojumẹnị ma nnị anị na Krais ḅaupálịm mgbẹsẹ sị́ ọ́gọ́nọ, sị n siiamịẹnyẹ ojumẹnị ma guluguluma bẹ ḅara, sị anị ḅụ ḅọ́rọ́ wamịnị jẹ́ pa siiamịẹnyẹ ómóniapụ sọbịgha ḅara

Romapụ 7:23

Kụ́ma a jẹ́ ólóghó arịm fịrịnwangịarị nyẹ ị́yẹ́ oju bie, owu pa ikúkúbie miniakị ólóghó ma pághámaarị nyẹ. Anị i mịẹm a ikólinaḅọ sọ pa sii ólóghó ma pịrịm, ị́yẹ́ oju bie fịrịnwangịarị nyẹ.

Romapụ 7:5

Wamịnị ojumẹnị ḅụ duma kọ sa, ojumẹnị ma tarịarị siinyẹ, ólóghó ma timi saghị nyẹ, fịrịnwangịarị wámịna oju bie, fịị anị mịnanyẹ mamgba dighiḅọ nyẹ.

Romapụ 8:13

Ḅẹẹ ọ duma kọ ọmịna ojumẹnị ma dọghụarị ḅara, ọ fị́ị́bẹm; kụ́ma ḅọ́rọ́ ọ Tẹ́mẹ́ ḅụ ọmịnị ojumẹnị siiamịẹnyẹ ma ḅa nḅẹḅẹ́ o dumabẹm.

1 Kọrịntịapụ 5:1

Mị́sa nnị opuma anị dughoarị ḅẹẹ yáakuu ḅụ ofori nwángị kọọma opuma kiriakịarị ọmịna ogboku bie, ọmịnị sọsị bie fịnịapụ, anị si láa ḅara, Tamuno nímighaapụ ma sọ ine ọkọfịnị nyẹ miẹbịẹghaa. Nnị dugho i pịrịm ḅẹẹ jẹa owiapụ nna daa taa na múnoarị!

1 Kọrịntịapụ 6:11

Ọmịna ḅụ jẹ́apụ anịị ọ fịnị ḅara; kụ́ma nnị ọ mịẹ fiáfiámamám sii ḅụ; nnị o fóofóo ma Tamuno pịrịmam; Kị́nị́nyánáḅọ Jizọs Krais ma ẹ́rẹ ḅụ nnị o mịẹ karakárámamam; na pịghị wamịna Tamuno ma Tẹ́mẹ́ pa.

1 Kọrịntịapụ 6:13

Gbẹ́rẹ́ḅọ ḅẹẹbẹm ḅẹẹ, <> Kụ́ma Tamuno mịná mmẹẹ́ ma gulugulumabẹm, ojumẹnị ma anịị tumḅọ pa yáakuu ḅụ ofori nwángị kọọ bẹ nyẹ́gha, kụ́ma nnị anị pa fịrịnwangị Tamuno pịrịị. Tamuno anịị pịghị oju ma siḅearị ḅọ

1 Kọrịntịapụ 6:18

Mangịị soo yáakuu ḅụ ofori nwángị ḅụ. Tumḅọ mịẹarị sii mamgba nna oju na mịẹnyẹ nyanagha, kụ́ma yáakuu ḅụ ofori nwángị kọḅọ siinyẹ pa amịna oju mịẹm.

2 Kọrịntịapụ 12:21

Ḅáláfa ịḅụ imii ḅẹẹ, a aningáa la bẹ sa parị sáá mịẹnyẹ, pịghị sima mịẹbẹm Tamuno i siminimabẹm ọmịna toruku. Ḅáláfa ịḅụ imi ḅẹ́ a owubẹm parị sa pa ịlọ́lị duma kọ́arịapụ gosi, na pịghị ḅụ́gịrịrịma duma kọ́arịapụ gosi.

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Ẹ́fịsọsapụ 4:19

Bugịrịrị kálányẹ sọ nna tọ́rụ ofori, nnị sẹfị duma kọọarị, nnị tọ́rụ́ kirikiri ịlọlịnyẹ mịẹarị ḅụ ọlọgha ḅara pa.

Kolosiapụ 2:11

Ori na gbẹ́rẹ́ ḅụ ḅụ fịnị ḅụ anịị nnị ọmịnị tọ́ngọ̄ pẹ́lẹ́ nyẹ túminị́ ḅara pa pẹ́lẹ́ ngá nyẹ́gha, mịma anịị siiamịẹnyẹ duma ma pẹlẹsii, kụ́ma Krais ọ ḅara pa tọ́ngọ̄ ma pẹ́lẹm.

1 Tẹsalonaikaapụ 4:3

Ḅẹẹ mịị Tamuno binyẹ, ḅẹẹ ọ tọ́ntọ́ ḅụ fịnị ḅẹ́, gbẹ́rẹ́ḅọ sọ yáakuu ḅụ ófórigha nwángị kọma, ọkọfịnị nyẹ ḅụ ọ gbẹ́rẹ́ sáá ọ ḅụ fóofóo ma.

1 Tẹsalonaikaapụ 4:5

Yáakuu ḅụ ofori nwángị ḅụghaa, Juughaapụ ḅara Tamuno nímighaapụ.

1 Timoti 6:10

Ḅẹẹ, igbii ḅẹlẹma anịị tọ́rụ́kịrịkị́rị́ siinyẹ mamgba dighiḅoarị nyẹ. Jẹ́apụ igbii pụghọ tarị ma mịẹmam nnị asọ ịrị minini ma ḅụ, n warị pịghị tọgha tọgha tẹ́mẹ́ sima nyẹ pa nna kúkúbie fom kaamam.

Hiburuapụ 12:16

Gbẹ́rẹ́ḅọ so sẹ́fịma, anịgha Tamuno nimighaḅọ dighi Esọ o kiri dẹ́rịḅọ parị tụwọ ḅara gbẹ́rẹ́ fị́nyẹ bọlị gosi.

Hiburuapụ 13:4

Ẹ́rẹ́yáa anị kị́nị́mamgba opu osigha pa pịrị na ibinyẹ, deeapụ na taapụ na jụghọ jụghọ ḅụ minini na ibim, Tamuno ḅẹ́rẹ́kọbẹm ama dọghụapụ ma sịbị na pịghị yáakuu ḅụ ofori nwángị kọ́arịapụ ma sịbị.

Hiburuapụ 13:5

Ọ mịnị ọmịna duma fófóoma igbii ḅẹlẹma ḅụ, ọnyana nyẹ ọ tọ́rụ́ bi, Tamuno kọkọ ḅẹ́, <>

Jems 4:1

Ọ tẹ́ go jụghọ jụghọ na owusọarị pịghị ḅẹ́rẹ́fángálámáarị? Ọmịna ojumẹnị ḅẹlẹma nyẹ anịị sámámgba owusọarị nyẹ́gha ọmịna bie?

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

Puu Findi 22:15

Kụ́ma nụ́ngọbie anịị obiri na pịghị tọ́rụ́kịrịkị́rị́ egberi ikiakoroapụ, yáakuu ḅụ ofori nwángị kọọapụ, susi n kárányẹ pịrịarịapụ na pịghị iruonyẹ ḅẹlẹmaapụ ẹ́gẹ́rẹ́ ḅụ na pịghị mịẹnyẹ ḅụ.