Kolosiapụ 3:4 - Ibani New Testament

⁴ Krais ọmịna duma ma, ọ ḅụ diepágháma sáá, ọmịnị sọ ọmịna ḅụ diepághámabẹm ipine ḅụ.

Kolosiapụ 3:4 ပူးပေါင်းရင်းမြစ်များ

Matiu 13:43

Anịsáa karakárá ibiamịẹnyẹapụ ma warị ịrụa bia ḅara pa biabẹm nna Daá ásẹ́mẹ́kiri ma ḅụ. Biri nyanaḅọ gonyẹ́ gonyẹ́ náa.

Ibi Oku Ma Luk Anị Gịẹ Ḅara 17:30

<

Ibi Oku Ma Jọn Anị Gịẹ Ḅara 11:25

Jizọs dugho a pịrịm, <

Ibi Oku Ma Jọn Anị Gịẹ Ḅara 14:3

A ḅọ́rọ́ mú muu sị yọ tẹ́lẹ́ma ọ pịrị, a pịghịma ḅobẹm sị ọmịnị akị ịḅụ pịrị, ọmịnị a fịnịnga fịnị bẹ ḅara.

Ibi Oku Ma Jọn Anị Gịẹ Ḅara 14:6

Jizọs pagharam, <

Ibi Oku Ma Jọn Anị Gịẹ Ḅara 17:24

<

Ibi Oku Ma Jọn Anị Gịẹ Ḅara 20:31

Kụ́ma mịná angaá nyẹ nnị anị gịẹm o minini bẹ ḅara ḅẹẹ, Jizọs ori anịị Krais ma Tamuno Tụwọ ḅẹ́ i minini minini ine duma nyánábẹm ori ẹ́rẹ́ ḅụ.

Fịrị Ḅara 3:15

Ọ duma nyánáḅọ ma ḅám, kụ́ma Tamuno ọ sị saghịm fịị ḅụ, wamịnị sọ onyẹsẹ́ mịma pịrịm.

Romapụ 8:18

A arịḅom ḅẹ́ wa mị́sa árịarị tọ́rụ́siarị ma, nnị pa ine toruku n pa wa die bẹ ipine ma na tọ́mábịgha.

Romapụ 8:19

Tuminikiri n tẹ́mẹ́nyẹ mamgba tọ́rụ́ asọ ḅụ fịnị ḅara pa kúruarị Tamuno ori awọ ma diepágháma bẹ sa.

1 Kọrịntịapụ 1:7

Ḅẹẹ ókụ́rụ́arị sáá ḅẹẹ Krais Jizọs ḅoo ọ ḅụ die, Tamuno Tẹ́mẹ́ pịrị dienyẹ gbẹ́rẹ́nyẹ sọ ọ gbarịghaa.

1 Kọrịntịapụ 15:43

Nnị anị dipi sáá kuu nyanagha, nnị anị saghịmam ipine ḅụ, ịnyọ ḅụ ofori ḅụ nnị anị dipim, ịnyọ ḅụ nnị anị saghịmam.

2 Kọrịntịapụ 4:17

Ḅẹ́ mị kálá sáátụọ ḅụ wámịnị arịarị tọ́rụ́siarị ma, dụḅa wásáma gbámásó boma akuoo wa pịrịbẹm wamịnị árị ḅụḅáláḅálá ma nẹ́ngịbẹm.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Filipaiapụ 3:21

Ori wámịna ịnyọ ḅụ faámaa ojumẹnị ma dimabẹm sị anị pa ori angaá ipine ojumẹnị ma kịka, sị pịghị nyẹ gonyẹ́ gonyẹ́ pa ori ḅẹrẹtọ ḅụ sua bẹ kụrọ ma pa fịrịnwangịị.

1 Tẹsalonaikaapụ 4:17

Wamịnị dumafịnịapụ ma, anịsáa ma ḅụ n wamịnị na n nana kobirịbẹm so tọ́rụ́, sị wa mú Kị́nị́nyánáḅọ ma na dona fọ́rụ ma bie. Anịị wa Kị́nị́nyánáḅọ ma na fịnị bẹ ḅara mú gbámásó láa.

1 Timoti 6:14

ḅẹẹ ị mịị ologho ma warị, fu ịḅụ gbologha anịgha bịpị ịḅụ laagha pa, akị mú wámịna Nyanaḅọ Jizọs Krais ọ ḅụ die sáá láa,

2 Timoti 1:1

Ịrị Pọl, Krais Jizọs fịrịmaḅọ, Tamuno tọ warị ḅara ḅụ, ḅẹ́ a ḅo Tamuno mini wa pịrị duma wa Krais Jizọs ḅụ minini sáá dugho wásámáa.

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

1 Pita 1:13

Ọmịnị ọmịna kúkúbie karakáráma warị fịrị pịrị, ọ tẹ́lẹ́ma, pịghị ọmịna tọ́rụ́ dighinyẹ pa n pa ọ pịrịbẹ boma ma ḅụ gbánā, n Jizọs Krais diepágháma bẹ sa.

1 Pita 5:4

Sị sịbịda Ánánákúrúḅọ ma ḅo sa ọmịnị ipine ogunu nyáná bẹ ḅara anị baá jẹ́ éné jẹ́ éné sịrịfabịgha nyẹ.

1 Jọn 2:28

Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.

1 Jọn 5:12

Tụwọ ma nyánáḅọ gonyẹ́ gonyẹ́ mịị duma ma nyánam; Tamuno Tụwọ ma nyánághaḅọ duma nyanagha.

Judu 1:24

Ori ma, ine ọ warịị sị ọ bịghịbịgha ḅọ ma, pịghị ọmịnị akuoo sii ḅụ ófórigha ḅụ, na pịghị opu bieḅẹlẹ ḅụ ọ tọ́rụ́kuu, ipine bii yọ,

Puu Findi 2:7

<

Puu Findi 22:1

Sookumuḅọ ma pịghị duma mingi pịrị tọ́rụ́ ma pa i diem, yóri yóriarị sọ́ḅọ́rọ́ mgbọ́lụ iti, Tamuno ma na Ánáná Tụwọ ma imine ḅụ saghị ḅo,

Puu Findi 22:14

Karịiḅi fịnị nna koro bịtẹ siri fiafiamamáapụ ma pịrị, nnị anịị kụrọnyanáapụ sị sịmgbọlụ ma fịị duma pịrị sị ma ḅụ, sị pịghị opu ḅụ́pọ́ ma ḅụ ḅọ́rọ́ opu ámá ma sọọ.