Kolosiapụ 3:17 - Ibani New Testament

¹⁷ Ọ mịẹnyẹ gonyẹ́ gonyẹ́, ḅọ́rọ́ ẹ́gẹ́rẹ́ ḅụ anịgha mịẹnyẹ ḅụ, nyẹ gonyẹ́ gonyẹ́ mịẹ Kị́nị́nyánáḅọ Jizọs ẹrẹ ḅụ, ịmịẹḅam pa Tamuno Daḅọ ma pịrịarị ori ẹrẹ ḅụ ḅọ́rọ́.

Kolosiapụ 3:17 ပူးပေါင်းရင်းမြစ်များ

Matiu 28:19

Anịgosi ọ sẹ gonyẹ́ gonyẹ́ muu sị nnị pa ị́yẹ́ ọḅụduaapụ mịẹ, mingi pa n saraarị Daḅọ ma ẹ́rẹẹ́ ḅụ, na pịghị Tụwọ ma ẹ́rẹ́ ḅụ na pịghị Tọ́ntọ́ Tẹ́mẹ́ ma ẹ́rẹ́ ḅụ.

Fịrị Ḅara 19:17

Juuapụ mamgba na pịghị Juughaapụ mamgba Ẹ́fịsọs ḅụ ngaapụ mịma náa sáá, opu ḅáláfa ḅo nna oju bie sọm, anị warị mịẹsị nnị opu kuu nyáná Jizọs ẹrẹ ma pịrị.

Fịrị Ḅara 4:30

Ị ḅara sụ́ghụ́ma sị obi gwọọ, pịghị mịẹsị ḅụ́gbérépuma fịrị kiriakị ị́yẹ́ tọ́ntọ́ fịrịnwangịḅọ Jizọs ẹ́rẹ́ ḅụ.>>

Romapụ 1:8

Parị a ịmịẹḅam pa ị Tamuno ma ḅẹm, Jizọs Krais ma ẹrẹ ḅụ ọmịnị kị́nị́mamgba sịbị go, tegó tuminikiri gbọrụ ọmịna minini gbolomanyẹ naarị.

1 Kọrịntịapụ 10:31

Anịgosi ọ mịẹnyẹ gonyẹ́ gonyẹ́, ḅọ́rọ́ ọ nyẹ́fị anịgha ọ nyẹ ḅụụ, nyẹ gonyẹ́ gonyẹ́ mịẹ Tamuno boma ḅụ.

Ẹ́fịsọsapụ 1:17

wámịna Nyánáḅọ Jizọs Krais Tamuno ḅara biiarị, ipine nyáná Daḅọ, ḅẹẹ ọ Tẹ́mẹ́ ma pa ọ pịrị, níminyẹ pa ọ pịrịbẹḅọ, sị Tamuno ma pa o die, sị ọmịnị ibima ọ nimi bẹ ḅara.

Ẹ́fịsọsapụ 5:20

Sámámgba ịmịẹḅam pa Tamuno Daḅọ ma ḅẹẹ nyẹ gonyẹ́ gonyẹ́ ḅụ Wányánáḅọ Jizọs Krais ma ẹrẹ ḅụ.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 2:11

kị́nị́mamgba warị dugho wásámabẹm ḅẹ́ Jizọs Krais ori anịị Kị́nị́nyánáḅọ ma, sị pa Tamuno Daḅọ ma boma.

Kolosiapụ 1:12

Bieḅẹlẹ ḅụ ịmịẹḅam pa Daḅọ ma pịrị mịẹḅọ sị o diekiri nyána Tamuno kokowarị ori tọ́ntọ́apụ pịrị ilanyẹ, baá amadakiri ma ḅụ.

Kolosiapụ 2:7

Ọmịna kune ọ ḅụ sọtẹ́lẹ́máa, ọmịnị ọ ḅụ duma kọọ, sị sẹ kụ́rọ tẹ́lẹ́ma ọmịna minini ḅụ, nnị anị pa ọ die ḅárá. Si bieḅẹlẹ imiẹḅa ọmịna bie bii fụ́fụ́.

Kolosiapụ 3:15

Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ.

Kolosiapụ 3:23

Ọ mịẹarịnyẹ gonyẹ́ gonyẹ́ ọmịnị ọmịna tẹ́mẹ́ mamgba pa anị mịẹ, sọ́ḅọ́rọ́ ọ fịrịnwangị Kị́nị́nyánáḅọ ma pịrịarị ọ nwángị tumḅọ pịrịgha.

1 Tẹsalonaikaapụ 1:1

Irị Pọl ḅara anịị mị diri ma saghị ḅo nyẹ, Sailas na Timoti sọ bịpị suam, mị diri ma anị ḅo Tẹ́salonaika ḅụ fịnị sọsị ma pịrịm. Tamuno Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na ori diin fịnị ọ pịrị.

1 Tẹsalonaikaapụ 5:18

Nyẹ gonyẹ́ gonyẹ́ ḅụ ịmịẹḅam pa Tamuno ḅẹẹ. Mịị anị Tamuno i ḅara binyẹ Krais Jizọs bie.

2 Tẹsalonaikaapụ 2:17

Ọmịna kúkúbie mịẹ kụ́rọ́ma sị pịghị ịnyọ pa ọ pịrịị ọ mịẹarị ibifịrị gonyẹ́ gonyẹ́ ḅụ na pịghị ọmịna ibi ẹ́gẹ́rẹ gonyẹ́ gonyẹ́ ḅụ.

Hiburuapụ 1:5

Tamuno na jẹ́ éné sookumuapụ ma ḅụ gbẹ́rẹ́ḅọ ḅẹgha ḅẹ́, <<Ịrị i Tụwọ; mịmgba a Daa sọ ị pịrịmam.>> Anị gbẹ́rẹ́ ḅara ma Tamuno na jẹ́ éné jẹ́ éné sookumuapụ ma gboloma ḅara ḅụ, gbẹ́rẹ́ḅọ so ḅẹgha ḅẹ́, <>?

Hiburuapụ 13:15

Anịgo wa sámámgba túminí igwagwaá pa Tamuno pịrị Jizọs ẹrẹ ḅụ. Mịma anịị wa dugho págháma igwaa ḅẹẹ Jizọs anịị Kị́nị́nyánáḅọ.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.

1 Jọn 2:23

Tụwọ ma sịghịapụ gonyẹ́ gonyẹ́ Daḅọ ma sọ sịghịm; Tụwọ ma daakịapụ gonyẹ́ gonyẹ́ Daḅọ ma nyánam.

1 Jọn 3:18

Ị́yẹ́ ibi awọ, wámịna ḅẹlẹma anị ẹ́gẹ́rẹ́ ḅụ na ḅẹ́lẹ̄ ḅụ kunema ma, kụ́ma wámịna ḅẹlẹma anị ḅụ die mịẹnyẹ ḅụ na pịghị karakárá ḅụ.