Kolosiapụ 3:14 - Ibani New Testament

¹⁴ Mịná mịẹnyẹ mamgba ọgọnọ, ḅẹlẹma nyána, mịma anịị nyẹ mamgba kpọọ pa gbẹ́rẹ́nyẹ mịẹnyẹ anị kpain ḅara ḅụ.

Kolosiapụ 3:14 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 13:34

<<Ịwọ ologho anịị a pa ọ pịrịnyẹ: ọ jụghọ jụghọ ḅẹlẹma. A ọ ḅẹlẹma maá ḅara ma, ọmịnị sọ pịghị ọkọ pa jụghọ jụghọ ḅẹlẹma.

Ibi Oku Ma Jọn Anị Gịẹ Ḅara 15:12

Mịị anịị ị́yẹ́ ologho: ọ jụghọ jụghọ ḅẹlẹma a ọ ḅẹ́lẹ́mamaá ḅara.

Ibi Oku Ma Jọn Anị Gịẹ Ḅara 17:23

Ịrị ibie fịnị ḅara ịrị ma sọ nna bie fịnịbẹm. Mịẹsị nnị ḅoo káara ḅara ḅụ gbẹ́rẹ́ ḅụ ḅụ fịnị bẹ ḅara sị tuminikiri ma nimi bẹ ḅara bẹ ịrị i fịrịmam pịghị n ḅẹlẹmamam ịrị i ḅẹlẹmamaa ḅara.

Romapụ 13:8

Gbẹ́rẹ́ḅọ ḅara sọ sáá ọlọ ma, ọmịnị ọlọ sáá anịị jụghọ jụghọ ḅẹlẹma toruku mú. Jẹ́apụ ḅẹlẹmaapụ gonyẹ́ gonyẹ́ ólóghó ma dughonyẹ mịẹmam.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 4:3

Arịị ḅẹ́ Tẹ́mẹ́ ma pịrịarị ḅụ pa gbẹ́rẹ́nyẹ mịẹma ọmịnị anị kokowarịm ọmịnị ọlọ gboloma ma diin ḅụ.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

1 Tẹsalonaikaapụ 4:9

Mịnaapụ ma ḅẹlẹma gbolomanyẹ, o bigha gbẹ́rẹ́ḅọ sọ anị gbolomanyẹ gịẹ ọ pịrị Tamuno ọ ḅara na pa o diemam ọ jụghọ jụghọ ḅẹlẹma bẹ ḅara.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

Hiburuapụ 6:1

Anịgo o ḅoo wa tórúku mú sị kpọtẹ́lẹ́ma dáwọ́ nyẹ dawọ, mịnị sii ḅụ pịghị súghúise dawọ nyẹ ma dawọgha túminị́ dighi mú fịị bie suarị nyẹ na Tamuno ḅụ minini nyáná dáwọnyẹ.

1 Pita 4:8

Nyẹ mamgba nẹ́ngị nyẹ, ọmịnị ibiḅara pa jụghọ jụghọ ḅẹlẹma, tegó, ḅẹlẹma tọgha siinyẹ gbẹgbẹm gosi.

2 Pita 1:7

Tamuno dighi ḅáláfaa ḅụ, ibitẹ́mẹ́ nyáná mịnaapụ pịrịị, ibitẹ́mẹ́ nyáná mịnaapụ pịrị ḅụ ḅẹlẹma pa anị ḅụ sua.

1 Jọn 3:10

Mịị wa ḅọ́rọ́ Tamuno awọ na ẹ́kpẹ́dua awọ nimi bẹ ḅara: karakárányẹ ma mịẹghaapụ anịgha jẹ́apụ ḅẹ́lẹ́maghaapụ, nnị Tamuno awọgha.

1 Jọn 3:23

Mịị anịị ọ tọ́ọ wa pịrị ólóghó, ḅẹ́ wamịnị ọ tụwọ Jizọs Krais minini, sị jụghọ jụghọ ḅẹlẹma, Krais tọ́ọ wa pịrị ḅara ma.

1 Jọn 4:21

Mịị Krais tọ́ọ wa pịrị ólóghó ḅẹ́ Tamuno ḅẹlẹma ḅọ gonyẹ́ gonyẹ́ pịghị amịna mị́naḅọ ḅẹ́lẹ́mabẹm.