Kolosiapụ 3:12 - Ibani New Testament

¹² Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

Kolosiapụ 3:12 ပူးပေါင်းရင်းမြစ်များ

Matiu 24:22

Nnị ḅọ́rọ́ tọ́rụ́siarị sáá ma gbulumagha gbẹ́rẹ́ḅọ sọ dumabịgha, kụ́ma Tamuno anị gbulumabẹm ọ sẹlẹakịapụ ma gosi.

Matiu 24:24

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Matiu 24:31

Ori opuma fiearị ọdụ pa ori sookumuapụ na fịrịmabẹm, sị nnị ori n sẹlẹakịapụ ma kubiri tuminikiri ínia ọkọlọbị ḅụ, so ma kunema gbẹ́rẹ́ ngaa akị mú jẹ́ láa.

Ibi Oku Ma Mak Anị Gịẹ Ḅara 13:20

Kụ́ma Kị́nị́nyánáḅọ anị éné ma mịẹ gbulumamam, ọ ḅọ́rọ́ ọkọ mịẹgha, gbẹ́rẹ́ḅọ so dụaḅọ́rọ́ma nyánábịgha, ọ sẹ́lẹ́ ọ ḅụ pịrịapụ ma gosi anị fịnị ḅara fịnị ḅara ori éné ma mịẹ gbulumamam.

Ibi Oku Ma Mak Anị Gịẹ Ḅara 13:22

Tegó iruo Messaya na iruo ikiakoroapụ págháḅobẹm. Nnị tọgha ḅụ́gbérépuma fịrị nwángịbẹm sị n pa oḅori pa Tamuno sẹlẹakịapụ ma sị ḅọ́rọ́ nnị ine inee.

Ibi Oku Ma Mak Anị Gịẹ Ḅara 13:27

Ori sookumuapụ ma fịrịma tuminikiri ínia ọkọlọbị ma muubẹm, sị n muu Tamuno sẹlẹakịapụ ma kobiri tuminikiri ma gbẹ́rẹ́ kunema ngaa akị mú jẹ́ kunema ngaa láa.

Ibi Oku Ma Luk Anị Gịẹ Ḅara 1:78

Wamịna Tamuno ori lolomakúkúbie ḅụ ḅọ́rọ́ dụaḅọ́rọ́maḅọ pa wa pịrịbẹm, sọ́ḅọ́rọ́ sobie sághị kóróḅo baá, wamịna ọ́gọ́nọ biarị

Ibi Oku Ma Luk Anị Gịẹ Ḅara 18:7

Ḅẹẹ mịma, Tamuno ọ ḅẹ́rẹ́kọ ibima oria túminị́ pịrịbịgha, owu ọ pịrịarịapụ dii na ḅá na, ḅẹ́ ọ ḅárásua n pịrị? Ọ sáá ngúmá bẹ ḅárásua n pịrị ḅụ?

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

Romapụ 13:14

Tụ́ma bịtẹ sua ḅara Kị́nị́nyánáḅọ Jizọs Krais ma sua si mịnị sịbịbie kiẹma ị ḅara warị ojumẹnị ma biiarị siinyẹ pa anị pịrịbẹ ḅara.

Romapụ 9:11

Kụ́ma mmẹẹ́ awọ ma na kiri laagha sáá ḅụ anịgha ḅẹnyẹ ḅẹnyẹ mịẹ ibinyẹ anịgha siinyẹ mịẹ, a warị Tamuno ḅara oku nyánáḅọ. Mịị oku ma diearị ḅẹ́ Tamuno túminị́ sẹlẹakiarị, ori tọ warị ḅara ḅụ;

1 Kọrịntịapụ 13:4

Ḅẹlẹma nyánáḅọ ngịrịma nyánam, anị pịghị kị́nị́ balam, anị kị́nị́ nyẹ mọnịghaa, anịgha ḅụ sághị sóghólóma anịgha bịpịkpọ.

2 Kọrịntịapụ 6:6

Wa wámịna ḅụ fiafiama ḅụ ḅọ́rọ́ wámịna níminyẹ, ngịrịma na ibiamịẹnyẹ wa wámịna ḅụ diemam ḅẹẹ wamịnị Tamuno fịrịnwangịapụ Tamuno Tọ́ntọ́ Tẹ́mẹ́ ma ḅụ ḅọ́rọ́ pịghị wámịna karakárá ḅẹlẹma,

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 4:2

Sámámgba ḅụ sitéréma, ḅụ diin tẹ́mẹ́ nyáná, inema nyáná, ọmịnị inema nyáná jụghọ jụghọ pịrị ḅẹlẹma ḅụ.

Ẹ́fịsọsapụ 4:24

ọmịnị ịwọ ḅụ ma suabẹm n Tamuno kịkama sị tẹ́mẹ́nyẹ, anị ḅụ diearịnyẹ karakárá duma ḅụ ibiamịẹnyẹ ḅụ na pịghị tọ́ntọ́ ḅụ.

Ẹ́fịsọsapụ 4:32

Anịmanakaragha ọmịnị ibitẹ́mẹ́ na lolomakúkúbie nyáná jụghọ jụghọ pịrị, o sii wáriso jụghọ jụghọ pịrị, Tamuno Krais ḅụ ḅọ́rọ́ sii wáriso ọ pịrị ḅara.

Filipaiapụ 1:8

Tamuno anịị ị́yẹ́ onyésẹ̄ḅọ ḅẹẹ a karakárányẹ ma dughoarị ḅẹ́ tẹ́mẹ́bie a nyáná ọ pịrị opu ḅẹlẹma ma Krais Jizọs ọḅụ gbọrụ tẹ́mẹ́bie anịị anị saghị ḅo nyẹ́ẹ́.

Kolosiapụ 3:10

ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.

1 Tẹsalonaikaapụ 5:15

Arịị ḅẹ́ gbẹ́rẹ́ḅọ sọ siinyẹ pa siinyẹ gbẹ́gha, kụ́ma sámámgba pa ọmịna mịẹmịẹnyẹ mịẹsị ibi mịẹ jụghọ jụghọ pịrị na pịghị kị́nị́mamgba pịrị.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

Taitọs 1:1

Mịị diri ma ịrị Pọl ḅara saghịḅom, ịrị anịị Tamuno ma ómóniḅọ pịghị Jizọs Krais fịrịmaḅọ, ori i tọọm ḅẹ́ a mú Tamuno sẹlẹakịapụ ma daa karakáráma sị n minini nyáná bẹ ḅara sị pịghị karakárá ma nimi mịẹsị nnị ine ibima Tamuno ma dua,

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

2 Pita 1:10

Anịgo ị́yẹ́ ibi mịnaapụ, ọmịnị ibima ḅụ́kọ́rọ́ma árị ḅẹ́, Tamuno pa ọ sị́ sị ma, na pịghị ọ pa ọ sẹ́lẹ́akị sẹ́lẹ́ ma, anị ọ nana fịnị gbámásom. Ọ ḅọ́rọ́ ọkọ mịẹmịẹ, jẹ́ éné jẹ́ éné ọmịnị ọmịna minini pa ọḅụ gbibịgha.

1 Jọn 4:19

Wa ḅẹlẹma nyanam tegó Tamuno parị wa ḅẹ́lẹ́mam.

2 Jọn 1:13

Ọmịna ibi mị́naḅọ ọ́rụ́ḅọ, Tamuno sẹ́lẹ́akị ḅọ ma awọ fịrịmam ḅẹ́ a obíí.

Puu Findi 17:14

Nnị owu pa Ánáná Tụwọ ma pághámabẹm, kụ́ma Ánáná Tụwọ ma na ori osiiapụ ma na ọ sẹlẹakịapụ na sẹ́kụrọ ọ pịrị asọduaapụ n sọḅábẹm tegó ori anịị kị́nị́nyánáapụ ma Kị́nị́nyánáḅọ na pịghị ámányánáapụ ma ḅụ Ámányánáḅọ.