Kolosiapụ 3:11 - Ibani New Testament

¹¹ Mịnga Girikiḅọ anịgha Juuḅọ ofori tọ́ngọ̄ pẹ́lẹ́ anịgha tọ́ngọ̄ pẹ́lẹ́ghaḅọ, biaapụ, tọ́rụ́ findighaapụ, ómóniapụ anịgha furoawọ, kụ́ma Krais ori nyẹ́mámgba pịghị nyẹ mamgba ḅụ imii.

Kolosiapụ 3:11 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 14:23

Jizọs pagharam, <

Ibi Oku Ma Jọn Anị Gịẹ Ḅara 15:5

<

Ibi Oku Ma Jọn Anị Gịẹ Ḅara 17:23

Ịrị ibie fịnị ḅara ịrị ma sọ nna bie fịnịbẹm. Mịẹsị nnị ḅoo káara ḅara ḅụ gbẹ́rẹ́ ḅụ ḅụ fịnị bẹ ḅara sị tuminikiri ma nimi bẹ ḅara bẹ ịrị i fịrịmam pịghị n ḅẹlẹmamam ịrị i ḅẹlẹmamaa ḅara.

Fịrị Ḅara 15:17

Ḅẹẹ tuminikiri gbọrụ i dọghụbẹm na pịghị Juughaapụ mamgba, a sịapụ ḅẹ́ nnị ịyẹa túminị́ sọọ.

Fịrị Ḅara 28:2

Ánị ngá fịnị túminị́ ma opu ḅẹlẹma pa wa diem. Iti saghị kórómam, éné ma sọ́ pịghị oḅuum, nnị warị fịnị tọnọ wa pịrị sị wa timi.

Fịrị Ḅara 28:4

Anị ngá ngaapụ ma ododó ma arịm ọ ḅara ọgọ́nọ́ sololo fịnịarị, n warị jụghọ jụghọ ḅẹẹ, <>

Romapụ 1:14

A Kị́nị́nyánáḅọ ibi oku dugho wásáma sáá ọlọm kị́nị́mamgba ḅara, tọ́rụ́ findimaapụ ḅara na pịghị tọ́rụ́ findighaapụ ḅara, dirinimiapụ na pịghị diri nímighaapụ.

Romapụ 10:12

Ḅẹẹ kịrịnyẹ ofori Juuapụ na Juughaapụ bie Tamuno ori anịị kị́nị́mamgba Nyánáḅọ ọ pịghị ibiḅara pa ọ sịapụ mamgba boma bomam.

Romapụ 3:22

Tamuno túminị́ mịẹm nnị karakárá ibiamịẹnyẹapụ sọ, nna minini Jizọs Krais ḅụ ḅọ́rọ́. Tamuno mịma mịẹ Jizọs Krais ḅụ mininiapụ gonyẹ́ gonyẹ́ pịrịm, tegó kịrịnyẹ sọ ofori,

Romapụ 3:29

Tamuno ma ori Juuapụ ma ngéré Tamuno? Ori ma Juughaapụ ma sọ ori nna Tamunogha.

1 Kọrịntịapụ 12:13

Anị gbẹ́rẹ́ ḅara ma, wamịnị kị́nị́mamgba ḅọ́rọ́ Juuapụ anịgha Juughaapụ, ómóniapụ anịgha ḅara na nna sịbị nyánáapụ, mị gbẹ́rẹ́ Tẹ́mẹ́ ma mingi pa wa sara mị gbẹ́rẹ́ oju ma ḅụ suumam, Tamuno anị gbẹ́rẹ́ Tẹ́mẹ́ ma pa wamịnị kị́nị́mamgba tẹ́mẹ́bie suamam.

1 Kọrịntịapụ 14:11

Kụ́ma ḅọ́rọ́ a n fiearị ẹ́gẹ́rẹ́ ma nagha nagha anị ẹ́gẹ́rẹ́ ḅẹlẹ ma pa ẹ́gẹ́rẹ́ kọ́ọ́arịḅọ ma ịrị ọ ḅụ biaḅọ dighibẹm ori sọ ịḅụ biaḅọ dighibẹm.

1 Kọrịntịapụ 7:19

Ḅọ́rọ́ n tumḅọ tọ́ngọ̄ pẹ́lẹ́m anịgha n pịghị anị pẹ́lẹ́gha, anị mịẹnyẹ ofori; nyẹ mịẹnyẹ ḅẹẹ tumḅọ Tamuno ólóghó kokom.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 1:23

Tamuno kubiri ogbo ma anịị Krais oju ma, Krais mịẹnyẹ sị anị káara. Krais ọ ḅụ gbọrụ anịị nyẹ mamgba mịẹsị anị káara nyẹ ngá mamgba ḅụ.

Ẹ́fịsọsapụ 2:14

Krais ọ ḅụgbọrụ diin akuoo wa pịrịmam Juuapụ na Juughaapụ pa gbẹ́rẹ́nyẹ mịẹ. Ori ọrẹ oju pa Juuapụ na Juughaapụ ma fófóoma onu ma kaasim.

Ẹ́fịsọsapụ 2:15

O Juuapụ ologho ma kúnémam na pịghị anị dighi túminị́ mịẹbẹnyẹ na n mịẹbịgha nyẹ, sị ori mmẹẹ́ túminị́ ọrụ ma ḅụ ọ gbẹ́rẹ́ ịwọ túminị́ mịẹ ọ nana gbẹ́rẹ́nyẹ mịẹapụ, mị ḅara ma diin mịẹ.

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Ẹ́fịsọsapụ 3:6

Mịị ḅọghunyẹ ma dughoarị ḅẹ́ ibi oku ma ḅụ ḅọ́rọ́ Juughaapụ na Juuapụ na diekiri nyánam Tamuno karịibima ḅụ, nnị gbẹ́rẹ́apụ oju ma ḅụ pịghị diekiri nyánam, Tamuno Krais Jizọs ḅụ ḅọ́rọ́ minini nyẹ ma ḅụ.

Ẹ́fịsọsapụ 6:8

tegó o nimim ḅẹ́ Kị́nị́nyánáḅọ gbẹ́nyẹ pa ọ́rụ́ḅọ ọ́rụ́ḅọ gbẹ́bẹm, ómóniḅọ anịgha furotụ́wọ, n ḅọ nwángị ibifịrị ḅụ.

Kolosiapụ 2:10

n pịghị Krais bie káaraapụ pa o mịẹmam, ori anịị pịghị sịbịda táarịapụ na kụ́rọ gonyẹ́ gonyẹ́ pịrịḅọ.

1 Jọn 5:20

Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.

2 Jọn 1:9

Krais dienyẹ ma wáriso ḅọ gonyẹ́ gonyẹ́ sị jẹ́ asọdua, nḅọ Tamuno nyanagha, kụ́ma dienyẹ ma ḅụ fịnịḅọ gonyẹ́ gonyẹ́ Daḅọ ma na Tụ́wọ ma na nyánam.