Kolosiapụ 2:18 - Ibani New Testament

¹⁸ Minima kị́nị́ ḅẹ́rẹ́ pa ọ ḅárá sima, dughoarị ḅọ ḅẹ́, nḅọ nyẹ́nimiḅam, anịị nḅọ múnogha dawọ ḅụ árịarị nyẹ gosi na pịghị nḅọ nyána oḅori pa kị́nị́ sị ḅụ sitéréma ḅụ na pịghị susi soókumuapụ pịrị ḅụ. Mịná túminị́ ma nnị ḅara pụ́nụ́nyẹ nyanagha sị opuamịẹnyẹ mịẹarị nna kóróma ḅụ

Kolosiapụ 2:18 ပူးပေါင်းရင်းမြစ်များ

Matiu 24:24

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Romapụ 1:25

Nnị Tamuno gboloma karakárányẹ ma mini dọghụgha nnị mú epele miniakịm, nnị susi nnị tẹ́mẹ́nyẹ ma pịrịm pịghị anị osii Tẹ́mẹ́ḅọ ma nakaragha, n túminí mú gbámásó la bẹḅọ. Anị ọkọ fịnị.

Romapụ 16:18

Ọkọfịnị nyẹ ma mịẹarịapụ fịrịnwangị wámịna Nyánáḅọ Krais pịrịgha kụ́ma nna opu furo. Nna ḅẹ́lẹ̄ bịpị na túminị́ kombo ẹ́gẹ́rẹ́ nnị oḅori pa ḅẹnyẹ ḅẹnyẹ nímighaapụ sịarị.

1 Kọrịntịapụ 13:4

Ḅẹlẹma nyánáḅọ ngịrịma nyánam, anị pịghị kị́nị́ balam, anị kị́nị́ nyẹ mọnịghaa, anịgha ḅụ sághị sóghólóma anịgha bịpịkpọ.

1 Kọrịntịapụ 3:3

Tegó, ọ pa duma kọọarị mị tuminikiriapụ duma kọọarị ḅara. Nyẹ́mọ́ni ọmịna ogboku bie fịnị sáá, ọ pịghị jụghọ jụghọ na kamkoro sáá, anị diegha ḅẹẹ ọmịnị mị tuminikiri bẹapụ, duma kọọarị n duma kọọarị ḅara?

1 Kọrịntịapụ 4:18

Ọmịna ḅụ jẹapụ sághị opuamịẹnyẹ mịẹarị tegó ọ siim ḅẹẹ a mịnị ọ fịnị angaá ḅobịgha.

1 Kọrịntịapụ 4:6

Anịgo, i jẹa miniapụ, ọmịna sịbị goo, a mịị nyẹ ma pa ịḅụ na Apọlọs mịẹm, wamịnị mmẹapụ pa anị kịkamanyẹ pa ọ dáwọ́ ma sị ọmịnị ine mị ẹ́gẹ́rẹ́ ma dughonyẹ nimi bẹ ḅara, <> Ọmịna ḅụ gbẹ́rẹ́ḅọ sọ isiḅọ pa bịpịkpọ ma sị isi ngaḅọ dighisimaa.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

1 Kọrịntịapụ 9:24

Ọ kọkọ nimi ḅẹẹ mangị ti ma ḅụ, tọghaapụ mangịm kụ́ma gbẹ́rẹ́ḅọ anịị dienyẹ ma nyánákịarịḅọ. Anịgosi mangịị sị i dienyẹ ma nyánáakị ḅo bẹ ḅara.

2 Kọrịntịapụ 11:3

A ḅáláfa nyánam, ḅẹ́ ododó ma aka ḅara pa oḅori pa Ivu sị ḅara ọmịna kóróma gbisiribẹm ọmịna Krais ḅẹlẹma na pịghị ọmịnị ọ tẹ́ghẹ̄arị ḅara ḅụ.

2 Kọrịntịapụ 12:20

Ḅáláfa ịḅụ imi ḅẹẹ a aningáa láa bẹ sa a bi ḅara ọmịnị ọkọfịnịbịgha, ọmịnị sọ pịghị dọghụ ḅara a ọkọfịnịbịgha. Ḅáláfa ịḅụ imi, bẹ kam sọ, na jụghọ nyẹ mọnị, na ọfịrị kúkúbie, na ngéré fịị, jẹ́apụ dughosima, na opu ibiamịẹnyẹḅọ na nyẹ mịẹ gálágálá ma, anịị a árị bẹnyẹ.

Ẹ́fịsọsapụ 4:17

Kị́nị́nyánáḅọ ẹrẹ ḅụ, a mịma dugho ọ pịrịm pịghị anị ḅụ sẹ ḅẹ́ ọmịnị Tamuno nímighaapụ ḅara pa duma kọọma, amịna kóróma nyẹ́ḅụ oforighaapụ.

Ẹ́fịsọsapụ 5:6

Minima sị gbẹ́rẹ́ḅọ sọ ofori ofori ẹ́gẹ́rẹ́ pa oḅori pa ọ sị, mịma gosi anị Tamuno igani goo ori osighaapụ ḅụụ koro bẹnyẹ.

Filipaiapụ 3:14

A ịnyọsua sịbịju fịnịnyẹ ma duam sị a ine dienyẹ ma daḅo bẹ ḅara, anịị Tamuno Krais Jizọs ḅụ ḅọ́rọ́ sịarị sị ma, anịị sobie duma ma.

Kolosiapụ 2:23

Mịná ologho ma sọ́ḅọ́rọ́ opu níminyẹ anị bie imi, tegó anị bim tumḅọ sáá ngúmá anị pịrị, ḅụ́sitéréma, pịghị ojumẹnị ma pa ḅụọ sughubie sua, kụ́ma kụ́rọ nyanagha ine tumḅọ tarịarịnyẹ na n ḅo sikóróma pa ḅụọ sughubie sua.

Kolosiapụ 2:4

A mịma dugho ọ pịrịarị gbẹ́rẹ́ḅọ so ḅẹlẹ bịpị nyẹ nụná pa oḅori pa ọ sibịẹgha ḅara.

Kolosiapụ 2:8

O minima gbẹ́rẹ́ḅọ sọ ofori ofori na oḅori pa kị́nị́ sinyẹ nụná ḅụ ḅọ́rọ́ o kuu pa ịkóli bie sua, anịị tuminikiriapụ nyẹ mịẹmịẹ ḅara ḅụ saghị ḅoarị nyẹ, tuminikiri táarị sitẹ́mẹ́ ḅụ ḅọ́rọ́ kụ́ma Krais ḅara ḅụ saghị ḅogha.

1 Timoti 1:7

Nnị dọ́ghụm nnị Tamuno ologho ma nyẹ́dieapụ sọọ, kụ́ma nnị akanyaḅo nyána n dughoarị nyẹ ma pịrịgha, anịgha nnị kụrọkiri ḅụ sẹ sị dughoarị nyẹ ma.

1 Timoti 4:1

Tọ́ntọ́ Tẹ́mẹ́ ma ḅọghugha ḅara pa dugho pághámam ḅẹ́ kunema sáá biri ma ḅụ jẹ́apụ minini ma wárịsóbẹm; si epele ti tẹ́mẹ́ ma pughu sị pịghị sitẹ́mẹ́ diearịnyẹ ma dua.

2 Pita 2:14

Nnị ọ́rụ́ḅọ árị sa gonyẹ́ gonyẹ́ nnị ánáná gboloma dọ́ghụm, nna siiamịẹnyẹ pụghọ ma jẹ́ éné jẹ́ éné bibịẹgha, nnị ine ḅụ ọlọghaapụ daa mú diabie suaarị, nnị nna tẹ́mẹ́bie nnị n diemam ḅẹ́ nnị opu tọ́rụ́ nyánam. Tamuno si fị́lā nna sịbị ọgọnọ imim.

1 Jọn 2:26

A mịị diri ma gịẹ ọ pịrịarị, oḅori pa ọ si dọghụapụ ma go.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 13:14

Anị oḅori pa tuminikiri ngáarịapụ mamgba siim anịị, nnị anị wáriso si anị nwángịarị ḅụ́gbérépuma fịrị ma gosi, parị ḅáláfama nama ma tórúku. O dugho n pịrịm ḅẹẹ nnị n tẹ́mẹ́nyẹ mịẹ sẹ maá, pa nyẹ láa ḅáláfama nama ma pa biekóróma bẹnyẹ mịẹ. Nnị áláápụ́-ágidi pa nyẹ́ pa anị lama nyẹ sị pa dumafịnị nyẹ.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Puu Findi 19:10

A ọ ḅụọ sughu sóórókórom ḅẹẹ a susi ọ pịrị, kụ́ma ori i ḅẹm, <<Ọkọ mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, Jizọs diepágháma karakárá ma ọlọapụ. Susi Tamuno pịrị!>> Jizọs diepágháma karakárá ma anịị ịnyọ pa ikiakoroapụ ma pịrịarịnyẹ.

Puu Findi 3:11

<