Kolosiapụ 2:16 - Ibani New Testament

¹⁶ Anịgosi minima sị gbẹ́rẹ́ḅọ sọ ḅẹ́rẹ́kọ ọ sịbị, o ḅuu ḅụ nyẹ anịgha ọ fịị fịịnyẹ anịgha tọ́ntọ́ éné, álálị fị gbolomanyẹ, anịgha ịwọ akalụ́ anịgha Ịnyọ́sárá Éné gbolomanyẹ.

Kolosiapụ 2:16 ပူးပေါင်းရင်းမြစ်များ

Matiu 15:11

Tumḅọ bịpịbie sọọ nyẹ mịẹbịgha n ḅọ pile kụma bịpị ma bie saghị págháḅo nyẹ anịị mịẹsị tumḅọ pilearị nyẹ.>>

Ibi Oku Ma Mak Anị Gịẹ Ḅara 7:19

Tegó anị ọmịna tẹ́mẹ́bie sọgha kụ́ma ọmịna furobie warị oju ma ḅụ ḅọ́rọ́ pághá.>> (Ọ mịma dughoarị sáá, Jizọs dugho wásámam ḅẹẹ fị́nyẹ gonyẹ́ gonyẹ́ anị ibim sị tumḅọ anị fịị.)

Fịrị Ḅara 15:20

Anịmanakaragha wa ábálálá gịẹ nnị pịrịbẹm ḅẹ́ nnị nna ḅụ fófóoma túminị́ pa igwagwaá oru pịrị fị́nyẹ ḅụ, tegó nnị anị pa igwagwaá oru pịrịm gosi, n pịghị nna ḅụ si yáakuu ḅụ ofori nwángị ḅụ, ḅẹẹ nnị pịghị n nụ́nụ́ḅa nama pẹẹ́ ma, anịgha pulo ḅuu.

Romapụ 14:10

Ịrị anịsa, pẹdiri ngéré pẹ́arịḅọ, ị tegó ḅẹ́rẹ́kọpẹlẹ ị mị́naḅọ sịbị? Ịrị árịnyẹ gonyẹ́ gonyẹ́ fịarịḅọ ị tegó ị́yẹ́ jẹ́ mịnaapụ dighialịmaarị? Wamịnị Kị́nị́mamgba Tamuno tórúku ḅẹ́rẹ́kọ siri ḅụ sẹ́bẹm.

Galesiaapụ 4:10

Ọmịnị éné, akalụ́, sáá na kụ́rá kụ́rá bie álálị wárim.

Kolosiapụ 2:20

Ḅọ́rọ́ ọmịnị Krais na fịịm, si dụapaghama nyáná tuminikiri táarị tẹ́mẹ́ ma ḅụ, o tegósi duma kọarị sọ́ḅọ́rọ́ ọmịnị pa tuminikiri bẹapụ, o tegó mini si mịná ologho ma ọ ḅụ kụ́rọ nyáná?

Hiburuapụ 13:9

O minima tọ́rụ́kịrịkị́rị́ dienyẹ ọ daa irima karakárá asọ ma ḅụ. Anị ibim ḅẹẹ tumḅọ biebẹ ịnyọ nyáná ḅo Tamuno tọ́rụ́kụrụkụ́rụ́ ḅụ, mịnị saghị fị́nyẹ ólóghó kokogha, ọmịna bie mị ólóghó ma kokoapụ, mị ólóghó ma so ḅárásua n pịrịgha.

Hiburuapụ 9:10

Mịná mịẹmịẹnyẹ ma fị́nyẹ na iru na pịghị tọ́rụ́kịrịkị́rị́ oju sịrị nyẹ ngéré gbólómam, mịnanyẹ mamgba anịị ojumẹnị ólóghó, anị kụrọ nyánam ákị mú Tamuno ḅo ịwọ nyẹ akuoo bẹ sa la.

Jems 4:11

O jụghọ jụghọ dughosima ma, ịyẹa mịnaapụ, ḅọ́rọ́ o jụghọ jụghọ dughosima anịgha ḅẹ́rẹ́kọ jẹ́ Krais duaarị mị́naḅọ pịrị, ọmịnị ólóghó ma dughosimaarị pịghị ḅẹ́rẹ́kọ ólóghó ma pịrịarị. Ịrị mịnị ólóghó ma koko ḅogha, kụ́ma ḅẹ́rẹ́kọ ólóghó ma pịrịarịḅọ.