Kolosiapụ 2:11 - Ibani New Testament

¹¹ Ori na gbẹ́rẹ́ ḅụ ḅụ fịnị ḅụ anịị nnị ọmịnị tọ́ngọ̄ pẹ́lẹ́ nyẹ túminị́ ḅara pa pẹ́lẹ́ ngá nyẹ́gha, mịma anịị siiamịẹnyẹ duma ma pẹlẹsii, kụ́ma Krais ọ ḅara pa tọ́ngọ̄ ma pẹ́lẹm.

Kolosiapụ 2:11 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 14:58

< >>

Ibi Oku Ma Luk Anị Gịẹ Ḅara 2:21

Inine a dii éné, nnị tụ́wọ ma ḅụ pẹ́lẹ́doghu sáá, nnị warị Jizọs pa ọ si, mị anịị sookumuḅọ ma pa ọ sị ẹ́rẹ́, ná nna ori fura kọgha sáá.

Fịrị Ḅara 17:24

<<Ḅẹẹ tuminikiri ná nyẹ gonyẹ́ gonyẹ́ tẹ́mẹ́ Tamuno ma, Ori pịghị so na kiri ma Nyánáḅọ, túminị́ ḅara pa nama wárịbie ngaa ngaagha.

Fịrị Ḅara 7:48

<

Romapụ 2:29

tụ́ma karakárá Juuḅọ anịị dada Juuḅọ biebẹ, anịḅọ ma Tọ́ntọ́ Tẹ́mẹ́ ma tọ́ngọ̄ pẹ́lẹ́ fịrị ma nwángịmam n ḅọ tẹ́mẹ́bie nnị gịẹ kóróma ólóghó ma anị fịrị ma nwángịgha. Ọkọfịnị tumḅọ Tamuno ḅara ḅo túminí nyanaḅoarị, túminị́ ḅara ḅo nyẹ́gha.

Romapụ 6:6

Wa nimim ḅẹ́ wámịna olom ojumẹnị ma nnị anị na Krais ḅaupálịm mgbẹsẹ sị́ ọ́gọ́nọ, sị n siiamịẹnyẹ ojumẹnị ma guluguluma bẹ ḅara, sị anị ḅụ ḅọ́rọ́ wamịnị jẹ́ pa siiamịẹnyẹ ómóniapụ sọbịgha ḅara

Romapụ 7:24

Irị anịị bieḅẹlẹgha owitụ́wọ! Tụọ i dụaḅọ́rọ́ma bẹ, mịị fịị dighiḅọ i pịrịarị oju ma ḅụ?

2 Kọrịntịapụ 5:1

Mị́sa wa nimim ḅẹ́ ḅọ́rọ́ wa bie angaá wárị ma mịẹ tuminikiri kaaka, wa Tamuno ḅara saghị ḅo wárị nyánam sobie, túminị́ ḅara pa namaghaa nyẹ, sị fịnị mú gbámásó la bẹnyẹ.

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Ẹ́fịsọsapụ 4:22

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

Hiburuapụ 9:11

Krais Opu Igwagwaḅọ ḅara ḅụ ḅoo mị́sa wamịnị árịarị ibinyẹ ma pịrịmam, ọ fịnị fịrịnwangịarị Tọ́ntọ́ warị ma ibiḅaa, pịghị kpainm. Túminị́ ḅara pa nama warịịgha anị dughoarị ḅẹẹ anị mịị tuminikiri ḅụ gbẹ́rẹ́ nyẹ́gha, Tamuno tẹ́mẹ́nyẹ.

Hiburuapụ 9:24

Krais o tumḅọ ḅara pa nama Tọ́ntọ́ yọ sọgha, mị anị karakárányẹ ma kịkányẹ, kụ́ma o so sobie múm si mú Tamuno tórúku fịnị wámịna sịbị go.