Kolosiapụ 2:1 - Ibani New Testament

¹ A biim ḅẹ́ ọ nimi a ọmịna sịbị go na pịghị Laodisiya ḅụ fịnịapụ sịbị go a tọ́rụ́siarị fịrịnwangị ọ pịrị lamamáa ḅara na pịghị jẹ́ éné na tọ́rụ́ pa ị́yẹ́ árịghaapụ ma sịbị.

Kolosiapụ 2:1 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 22:44

Opu akụ ḅụ ori ọ tẹ́mẹ́ gbọrụ pa tẹ́ghẹ̄m; ọ ḅụ págharị imoo warị kpọ koroarị ọmbịnyẹ́ ḅara.

Fịrị Ḅara 20:25

<<Ọmịnị kị́nị́mamgba a bie ikelekelé Tamuno amadakiri oku ma dugho wásáma pịrịmáapụ mịnị jẹ́ pa i tórúku arịbịghaa.

Fịrị Ḅara 20:38

Nna tẹ́mẹ́ opuma siim, o dughom gosi ḅẹẹ nnị mịnị jẹ́ pa ori arịbịghaa. Nnị warị ọ ḅọ́rọ́ma árụ́ ma muu.

Galesiaapụ 4:19

A ḅẹlẹma ibi awọ, yii ọlọ ọ́rụ́ḅọ naarị ákụ ma anị mị́sa a nyáná ọ pịrị jẹ́ ákụ akị mú ọ sẹ́nị ḅo tumḅọ sọ sáá láa Krais bie.

Filipaiapụ 1:30

Mị́sa ọmịnị ine i nana sọ́bẹm ọ́mụ́ ma bie, mị parị sa ọmịnị ị́yẹ́ árị sị a soarị gbẹ́rẹ́ ọ́mụ́ ma ọ pịghị náaḅara anịị a pa nana sọarịḅọ ma.

Kolosiapụ 1:24

Mị́sa i bieḅẹlẹarị a nyáná ọ pịrịarị tọ́rụ́siarị ma go, ojumẹnị ḅụ a arịarị tọ́rụ́siarị ma ḅụ ḅọ́rọ́, a ḅárásua anị karamaarị kọnyẹ́ ma Krais árị tọ́rụ́siarị ma ori oju gosi, anịị Tamuno kubiri ogbo ma.

Kolosiapụ 1:29

Mịma go, anịị a go ịnyọ pa fịrịnwangịarị nyẹ, Krais pa i pịrị ịnyọ mị́sa ịḅụ opuma kụ́rọ fịrị nwángịarị.

Kolosiapụ 2:5

Karakárányẹ ḅẹ́ ojumẹnị ḅụ a ọmịnị na ofori, kụ́ma tẹ́mẹ́ ḅụ a ọmịnị na imii, anị pịghị i bieḅẹ́lẹ́maarị nimiḅo ọ gbụ́nụ́nụ́ ḅara pa ọmịna duma kọarị ḅara ọmịna minini pịghị Krais ḅụ sẹ kụ́rọ ḅara.

1 Tẹsalonaikaapụ 2:2

Ọ kọkọ nimi nnị wa pa tọ́rụ́siarịma ḅara pịghị wa wirikọsị ḅara Filipai ḅụ na wamịnị ọ dámaḅogha sáá Tẹ́salonaika ḅụ. Anịsọnị ḅẹ́ tọghaapụ mini wa pịrịgha, kụ́ma wámịna Tamuno kụrọ kúkúbie pa wa pịrịm sị wamịnị ine ọ ḅarabie saghị ḅo ibi oku ma dugho wásáma ọ pịrịm.

Hiburuapụ 5:7

Jizọs mị tuminikiri fịnị sáá ọ kụ́rọ owu pụghọ pa ọrẹ tẹ́ghẹ̄ na obiarị nyẹ bim, ine o dụapághámaḅo bẹḅọ fịị ḅarabie, ori ọḅụ siteremam gosi Tamuno sughubie Tamuno o naam.

1 Pita 1:8

Ọmịnị ọ ḅẹlẹmam, na ọmịnị ori arịgha so, ọmịnị ọ ḅụ mininim na mị́sa ọmịnị ori arịgha sọ, mị́sa ọdurụkụarị opu bieḅẹlẹ na ipine ḅụ bii nyẹ, ẹ́gẹ́rẹ́ bịpị ine anị dugho pághámabịgha nyẹ,

Puu Findi 1:11

Anị i ḅẹm, <<Ịrị árịnyẹ ma gịẹ kórómaa, sị diri ma fịrịma mịná opu ama bie fịnị sọsị mamgba pịrị: anịị Ẹ́fịsọs, Samaina, Pegamọm, Tiyatira, Sadis, Filadelfiya na Laodisiya>>.