Kolosiapụ 1:9 - Ibani New Testament

⁹ Mịma gosi, wa sághị o gbolomanyẹ náa sa éné éné wamịnị ịnyọsáragha ḅara pa tẹ́ghẹ̄ ọ pịrịarị pịghị Tamuno ḅara biiarị ḅẹ́ Tamuno ori níminyẹ ọ tọ́ọ ḅará pa ọ pịrị bimáa na pịghị ọ Tẹ́mẹ́ sághị ḅoo opúniminyẹ mamgba na akanyaḅo pa ọ pị́rị́.

Kolosiapụ 1:9 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 7:17

Ḅọ́rọ́ Tamuno binyẹ mịẹ dọghụḅọ fịnịfịnị n dọghụ pághámaḅobẹm ḅọ́rọ́ ị́yẹ́ dienyẹ ma Tamun ḅara saghị ḅo anịgha a ị́yẹ́ kụ́rọ pa anị diearị.

Fịrị Ḅara 12:5

Nnị warị Pita pa ịkóli wárị ma bie wárị, kụ́ma sọsị opuma tụ́ma tẹ́ghẹ̄ kọọ Tamuno pịrịm ọ sịbị goo.

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

1 Kọrịntịapụ 1:5

Krais ḅụ ḅọ́rọ́ o ḅoo áláápụ́ sọmam, ẹ́gẹ́rẹ́ bịpị gonyẹ́ gonyẹ́ ḅụ na pịghị níminyẹ gonyẹ́ gonyẹ́ ḅụ.

Ẹ́fịsọsapụ 1:8

Ọ pa wa ḅụ sara nyẹ bifụfụ ḅara ḅụ! Ori níminyẹ na ori akanyaḅo ḅụ,

Ẹ́fịsọsapụ 5:10

pịghị ḅụ́kọ́rọ́ma Kị́nị́nyánáḅọ ma ḅẹlẹma nyẹ dọghụ pághámaḅo.

Ẹ́fịsọsapụ 5:17

Anịgo oḅoriapụ sọ ma, kụ́ma dọghụ pághámaḅo Kị́nị́nyánáḅọ i ḅara binyẹ sị i mịẹ.

Ẹ́fịsọsapụ 6:6

Ọ mịma mịẹma nnị tọ́rụ́ pa o dighiarị sa ngéré, tegó ọ dọ́ghụm ḅẹ́ nnị ibi ẹrẹ pa ọ sị, kụ́ma ọ mịnị ọ tẹ́mẹ́ gbọrụ pa Tamuno dọghụnyẹ mịẹ, Krais ómóniapụ ḅara.

Filipaiapụ 1:4

A pịghị tẹ́ghẹ́ ọ pịrị sa gonyẹ́ gonyẹ́, bieḅẹlẹ anịị a pa tẹ́ghẹ̄arị nyẹ.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

Kolosiapụ 3:16

O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

Kolosiapụ 4:5

Nyẹ́nimi ḅara pa ị́yẹ́ duma kọọ, mininighaapụ ma ogboku, ị nyána sáá ma pa ibifịrị ḅụ suu.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 5:17

Tẹ́ghẹ̄ẹ̄ sámámgba ḅụ,

2 Tẹsalonaikaapụ 1:11

Anịị wa go sámámgba tẹ́ghẹ̄ ọ pịrịarịnyẹ, wa pịghị biiarị ḅẹ́ Tamuno pa ọ sị sịị ma ọmịnị anị ḅụ ḅụ́gbẹ́ duma kọọ ori kụ́rọ ḅụ ọ pịghị mịẹsị ọmịnị ine ọ́ mịẹ dọghụ ibinyẹ mamgba mịẹ, sị pịghị ọmịna minini fịrị ma mịẹ kárámá.

Fịlẹmọn 1:4

Mị́naḅọ owitụ́wọ Fịlẹmọn, a tẹ́ghẹ̄ sa gonyẹ́ gonyẹ́ a i goarị sị ịmịẹḅam pa i Tamuno ḅẹarị,

Fịlẹmọn 1:6

Á tẹ́ghẹ̄arị ḅẹ́ wamịnị na ọ́ nana nyána mịẹgbólóma kobiri mininiapụ ḅara póghóló akanyaḅo pághámaḅobẹm wámịna duma bie, wa nyána karịiḅi mamgbá wa ḅọ Krais na gbẹ́rẹ́nyẹ mịẹ sa.

Hiburuapụ 10:36

Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

Jems 1:5

Kụ́ma ḅọ́rọ́ ọmịna bie opu níminyẹ nyánághaḅọ imii, n ḅo Tamuno tẹ́ghẹ̄, ori ibima biiapụ mamgba pịrịbẹm nyẹ́kọ́magha pa.

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

1 Pita 2:15

Tamuno bim ḅẹ́, ọmịnị ọmịna ibifịrị ḅụ ḅọ́rọ́ o nyẹ ḅụ ófórigha oḅoriapụ ma bịpị pụ́ma nna oḅori ẹ́gẹ́rẹ́ ḅụ.

1 Pita 4:2

Ḅẹ́ mị́sa saghị bịpịmú, ọmịnị ọmịna duma kọnyẹ́ ma kọọ tuminikiri Tamuno tọ ḅara, mịnị duma kọma tuminikiriapụ sii duma kọarị ḅara.

1 Jọn 2:17

Tuminikiri ma na anị bie fịnị sị túminị́ tarịarịnyẹ ma, káaḅọ́rọ́arị; kụ́ma Tamuno ma tọ́nyẹ mịẹapụ duma gbámásóbẹm.

1 Jọn 5:20

Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.