Kolosiapụ 1:6 - Ibani New Testament

⁶ ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

Kolosiapụ 1:6 ပူးပေါင်းရင်းမြစ်များ

Matiu 24:14

Ḅẹẹ mị ásẹ́mẹ́kiri ma ibi oku ma nnị anị dugho wásámabẹm tuminikiri gonyẹ́ gonyẹ́ ḅụ sị anị onyẹ́sẹ sẹ gonyẹ́ gonyẹ́ pịrị, anịsáa kunema ma ḅobẹm.

Matiu 28:19

Anịgosi ọ sẹ gonyẹ́ gonyẹ́ muu sị nnị pa ị́yẹ́ ọḅụduaapụ mịẹ, mingi pa n saraarị Daḅọ ma ẹ́rẹẹ́ ḅụ, na pịghị Tụwọ ma ẹ́rẹ́ ḅụ na pịghị Tọ́ntọ́ Tẹ́mẹ́ ma ẹ́rẹ́ ḅụ.

Ibi Oku Ma Mak Anị Gịẹ Ḅara 16:15

Ori nnị ḅẹ́m, <

Ibi Oku Ma Mak Anị Gịẹ Ḅara 4:8

Kụ́ma jẹa sịmgbọlụ ibikiri ḅụ sóórókórom, mgbọ́lụ ma sópághá, sẹnị sịmgbọ́lụ sua: jẹa nyẹ sue sịmgbọlụ suam, jẹa nyẹ mgbọ́lụ tẹ́rẹ́ a si, jẹa nyẹ pịghị mgbọ́lụ sọ́nọ́ a si.>>

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 17:19

Nna sịbị go a ịḅụ fófóoma ị́yẹ́ fịrịma pịrịmam, nnị sọ ibiḅara pa nna ḅụ fófóoma ị́yẹ́ fịrị pịrịbẹ ḅara.

Ibi Oku Ma Jọn Anị Gịẹ Ḅara 4:23

Sáá ḅoarị sáá ma pịghị lámam, karakárá ḅụ Tamuno tẹ́ghẹ̄arịapụ ma Daḅọ ma tẹ́ghẹ̄bẹm tẹ́mẹ́ ḅụ na pịghị karakárá ḅụ, ḅẹ́ mịná Tamuno tẹ́ghẹ̄apụ ma anịị Daḅọ ma biarịapụ.

Fịrị Ḅara 11:18

Nnị mịma náa sáá, nnị mịnị ine ẹ́gẹ́rẹ́gha, kụ́ma Tamuno bomam ḅẹẹ, <>

Fịrị Ḅara 12:24

Tamuno ẹ́gẹ́rẹ́ ma warị yii kamam.

Fịrị Ḅara 16:14

Lidiya, Tiyatira ḅụ saghị ḅoḅọ anịị wa naáapụ ma ḅụ gbẹ́rẹ́ḅọ, opu igbii láa bịtẹ anịị a dẹrịarị nyẹ. Mịị ọ́rụ́ḅọ ma anịị susi Tamuno pịrịarị ọ́rụ́ḅọ, Kị́nị́nyánáḅọ warị a kúkúbie findi sị a birifama Pọl dugho pághámaarị oku ma pịrịm

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Romapụ 1:13

A dọ́ghụm ḅẹ́ sị o nimi ị́yẹ́ amịnáapụ, ḅẹẹ, tọgha sa a tọmam ḅẹ́ a ḅo ọmịnị arịị, kụ́ma nyẹ sámamgba ị́kíkímam. A dọ́ghụm ḅẹ́ ọmịna ogbobie a mininiapụ nyáná ḅo bẹ ḅara, a nyáná ḅara jẹ́ Juughaapụ ma ogbobie.

Romapụ 15:19

kụ́rọ ilíghíma na ḅụ́gbérépuma fịrị, Tọ́ntọ́ Tẹ́mẹ́ ma kụ́rọ ḅụ ḅọ́rọ́. Jerusalem ákị mú Ilirikum párángáa mamgba láa, a bii ḅara pa Krais ma ibi oku ma dugho wásámāmam.

Romapụ 15:28

Mịị fịrị ma i ḅara faá sa a pịghị n sịbị go daa ḅo igbii ma saghị n ḅárabie sua fama sa, a ḅọ́rọ́ ḅọ́rọ́ Spaini mubẹm sị agbā túlúma o dighi.

Romapụ 16:26

Kụ́ma mị́sa ikiakoroapụ ma gịẹ kórómanyẹ ma mịẹmam tọghaapụ ḅo karakáráma nimi, Gbámásó Tamuno ma pịghị bịpị pịrịmam ḅẹ́ sẹ gonyẹ́ gonyẹ́ anị karakárá ma nimii si kị́nị́mamgba minini bẹ ḅara pịghị ọkọ mịẹ.

2 Kọrịntịapụ 10:14

Wa ọmịnị pa bịpịkpọarị sa, wa bịpịkpọ wamịnị bịpịkpọ na ibiḅara nẹ́ngịgha, tegó wamịnị anịị Krais ibi oku ma akuoo ọ pịrịapụ.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Ẹ́fịsọsapụ 3:2

Ọ naamam ḅẹ́ Tamuno ori tọ́rụ́kụrụkụ́rụ́ ḅụ mịị fịrị ma pa i pịrịmam ọmịna sịbị gosi.

Ẹ́fịsọsapụ 4:21

Ọmịnị o gbolomanyẹ naam, ori asọduaapụ ḅara, nnị Krais ḅụ fịnị karakárá pa o diem.

Ẹ́fịsọsapụ 4:23

Nnị ọmịna tẹ́mẹ́bie na ọmịna kóróma mịẹbẹm sị ọ gbẹ́rẹ́sa ịwọ nyẹ so,

Ẹ́fịsọsapụ 5:9

Baá ma anịị ibinyẹ gonyẹ́ gonyẹ́ akuoarị nyẹ, karakárá ibiamịẹnyẹ mamgba na pịghị tụ́manyẹ mamgba,

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 4:17

Ḅẹgha ḅẹ́ a diepịrịnyẹ daakị dọ́ghụm, tụ́ma túminị́ árị sị sọnyẹ sọ ọ pịrịbẹnyẹ.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

1 Tẹsalonaikaapụ 1:5

Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

2 Tẹsalonaikaapụ 2:13

Wa ịmịẹḅam pa Tamuno ḅẹẹbẹm wámịna Daa awọ, ọmịna sịbị goo, ọmịnị Kị́nị́nyánáḅọ ḅẹlẹmaapụ. Tọ́ntọ́ Tẹ́mẹ́ ma kụ́rọ ḅụ, ḅọ́rọ́ Tamuno parị sáá ma ḅụ ọ sẹ́lẹ́akịm ḅẹẹ ọ dụaḅọ́rọ́ma nyána, ọmịna minini ḅụ ḅọ́rọ́, na pịghị ọmịna minini karakárá ma ḅụ sị Tamuno ọrẹ a túminị́ pa ọ mịẹ.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.