Kolosiapụ 1:5 - Ibani New Testament

⁵ Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

Kolosiapụ 1:5 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 12:33

Ọmịna nyánányẹ mamgba dẹrị sị igbii ma pa igonyiapụ pịrị, ọmịnị anị ḅụ ḅọ́rọ́ olombịgha igbii sua akpa nyáná ọ ḅụ pịrị, pịghị sobie fabịgha ngọ nyáná bẹ ḅara, furuapụ anịgha ọbịọ fị́nyẹ kikia ḅobịghaa ngaa.

Fịrị Ḅara 10:36

O nimim ọ pa Izirẹlịawọ fịrịma oku, diin ibi oku ma dugho wásámaarị, Jizọs Krais kị́nị́mamgba Nyánáḅọ ḅụ ḅọ́rọ́.

Fịrị Ḅara 13:26

<

Fịrị Ḅara 23:6

Pọl ḅo árị sáá ḅẹ́ nna ḅụ jẹapụ Sadusiiapụ isiapụ Farisii, ọ warị pụghọ saghị ilúghú ámáḅẹ́rẹ́dughoapụ ma ogbobie, ḅẹẹ, <>

Fịrị Ḅara 24:15

Mịnaapụ ma nyáná tọ́rụ́ dighinyẹ anịị ịrị ma sọ nyáná nyẹ́ẹ́, ḅẹẹ túminị́ mamgba ibiapụ na siiapụ na fịị ḅụ saghịbẹm.

Romapụ 10:8

Kụ́ma anị tẹ́ dugho: Tamuno oku ma i nana kikiam; ị bịpịbie na ị tẹ́mẹ́bie imi, anịị wa dugho pághámaarị minini ẹ́gẹ́rẹ́ ma.

1 Kọrịntịapụ 13:13

Mị́sa mịná tẹ́rẹ́anyẹ ma imi: minini, tọ́rụ́ dighinyẹ na ḅẹlẹma, kụ́ma nna ḅụ nyẹ mamgba nẹ́ngị nyẹ anịị ḅẹlẹma.

1 Kọrịntịapụ 15:19

Ḅọ́rọ́ mịị tuminikiri ngéré ḅụ anịị wa tọ́rụ́ dighinyẹ nyánányẹ Krais ḅụ, wamịnị anịị túminị́ mamgba ḅụ túminị́ dighi ḅụjiirịbeapụ.

2 Kọrịntịapụ 5:19

Wámịna oku dughoarị ḅẹẹ Tamuno Krais ḅụ ḅọ́rọ́ tuminikiri gbọrụ pa ọrẹ nángwọ́apụ mịẹarị Tamuno nna sii kịẹ kubirigha, kụ́ma ori oku ma pa wa pịrịmam, dugho pághámaarị nyẹ ọ ḅara warị nangwọapụ pa nnị mịẹarị ḅara.

2 Kọrịntịapụ 6:7

Wámịna karakárá oku na pịghị Tamuno kụ́rọ ḅụ ḅọ́rọ́. Wa karakárá ibiamịẹnyẹ nyánam wa pa ọ́mụ́gbinyẹ, amaḅara ḅụ na pịghị ẹ́rẹ́ḅara ḅụ.

Galesiaapụ 2:14

A árị sa ḅẹ́ nnị ibi oku ma karakárá dua gbụ́nụ́nụ́ asọ nwángịgha, a dugho Pita pịrịm nnị kị́nị́mamgba tórúku, <<Ịrị Juuḅọ kụ́ma ị duma kọarị sọ́ḅọ́rọ́ ịrị Juughaḅọ. I Juuḅọ ḅara pa duma kọghaa. Anịsa, ị tọ́rọ́ pa ine Juughaapụ ma mịẹbẹ sị n duma kọọ sọ́ḅọ́rọ́ nnị Juuapụ?>>

Galesiaapụ 2:5

Gbẹ́rẹ́ kịsị kálá sa sọ, wa n dughoarị nyẹ puugha. Wa ibi oku ma karakárá kokowarị ọ pịrịbẹ ḅara.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Ẹ́fịsọsapụ 1:13

Ọmịnị sọ ḅo Krais túminị́ sọm ọ tụ́ma ẹ́gẹ́rẹ́ ma náa sáá, dụaḅọ́rọ́ma akuoo ọ pịrị ibi oku ma, ọ Krais ḅụ mininim, Tamuno pịghị o mini Tọ́ntọ́ Tẹ́mẹ́ pa ọmịna ḅụ ilíghíma suam ḅẹ́ ọmịnị onyẹẹ.

Ẹ́fịsọsapụ 4:21

Ọmịnị o gbolomanyẹ naam, ori asọduaapụ ḅara, nnị Krais ḅụ fịnị karakárá pa o diem.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

Kolosiapụ 3:16

O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

1 Timoti 1:15

Mịị karakárá dughonyẹ, túminị́ gbẹ́rẹ́ sáá daakị si pịghị anị minini: Krais Jizọs tuminikiri ma ḅom sị o siiamịẹnyẹapụ dụaḅọ́rọ́ma. Ị́yẹ́ angaá sii ma pịghị kị́nị́mamgba nyẹ nẹ́ngii.

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Taitọs 1:2

mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,

Hiburuapụ 7:19

Mosis ólóghó ma bẹnyẹ bẹnyẹ mịẹ kpainmagha. Kụ́ma mị́sa, ibiḅaa tọ́rụ́ dighinyẹ imi wa ḅọ́rọ́ ine sọma Tamuno damaḅo bẹnyẹ.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

1 Pita 3:15

Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ.

2 Pita 1:12

Anịgo a sámámgba mịnanyẹ ma pa o biekórómabẹm, karakárányẹ ḅẹ́ ọmịnị ibiḅara pa anị nimim, ọ nyanaḅo maá karakárá ma ḅụ ọ pịghị sẹ kụrọm.

1 Jọn 3:3

Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.