Kolosiapụ 1:4 - Ibani New Testament

⁴ Tegó wa namam ọmịna minini Krais Jizọs ḅụ, ọ pịghị nyáná Tamuno túminị́ mamgba pịrị ḅẹlẹma.

Kolosiapụ 1:4 ပူးပေါင်းရင်းမြစ်များ

2 Kọrịntịapụ 7:7

Ori ḅo ma ngéré wa bieḅẹ́lẹ́magha kụ́ma o dugho sị ọmịnị ọ tẹ́mẹ́kụ́rọ ma ḅara, o dugho wa pịrịm ọ dọghụ ḅara sị ọmịnị ị́yẹ́ arịị. Anị ọ ḅụ mịẹḅara, ọ pịghị sẹ kụ́rọ ḅara sị isibi fọ́nyá, anịma go mị́sa ị́yẹ́ bieḅẹlẹ ma parị angaá nyẹ ma nẹngịm.

Galesiaapụ 3:26

Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́.

Galesiaapụ 3:28

Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 1:15

Mịma gosi, a ọmịna minini náa sáá éné éné Kị́nị́nyánáḅọ Jizọs ḅụ pịghị ọ nyáná ḅẹlẹma Tamuno tọ́ntọ́apụ mamgba fịnị angaá,

Ẹ́fịsọsapụ 6:18

Tẹ́mẹ́ ḅụ tẹ́ghẹ̄ kọọ sámámgba tọ́rụ́kịrịkị́rị́ tẹ́ghẹ̄ na nyẹ́bi tẹ́ghẹ̄ kọọ. Mịma dighi tẹ́mẹ́bie, sámámgba tẹ́lẹ́ma fịnị tẹ́ghẹ̄ tọ́ntọ́apụ mamgba pịrị.

Kolosiapụ 1:9

Mịma gosi, wa sághị o gbolomanyẹ náa sa éné éné wamịnị ịnyọsáragha ḅara pa tẹ́ghẹ̄ ọ pịrịarị pịghị Tamuno ḅara biiarị ḅẹ́ Tamuno ori níminyẹ ọ tọ́ọ ḅará pa ọ pịrị bimáa na pịghị ọ Tẹ́mẹ́ sághị ḅoo opúniminyẹ mamgba na akanyaḅo pa ọ pị́rị́.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 3:6

Mị́sa Timoti sóḅomam, ọ pịghị ọmịna minini na ọmịna ḅẹlẹma gboloma bieḅẹlẹma oku ma akuomam. O dugho wa pịrịmam ḅẹẹ sámámgba ọmịnị ibi kóróma nyáná wa pịrịarị, ḅẹẹ o biarị ọmịnị wamịnị árị bẹ ḅara, wamịnị sọ dọghụarị ḅara wamịnị ọmịnị arịị.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

Fịlẹmọn 1:5

a náa sị, ị́ nyána Tamuno túminị́ mamgba pịrị ḅẹlẹma gosi, na pịghị ị́yẹ́ míníni wámịna Nyánáḅọ Jizọs ḅụ.

Hiburuapụ 6:10

Tamuno ori anịị karakárá ḅo ma. Ori ọmịna fịrị pa bieḅáramabịgha anịgha ọ nyána ọ pịrị ḅẹlẹma, ọ pịghị nyáná, pịghị pa nyánáarị ḅárásua pa Krais asọ duaarịapụ ma pịrịarị.

1 Jọn 3:14

Wa nimim ḅẹ́ wa fịị ḅụ ḅọ́rọ́ mú duma bie sọmam; wa mịma nimim tegó wa mịnaapụ ma ḅẹ́lẹ́mam. Amịna mị́naḅọ ḅẹ́lẹ́maghaḅọ gonyẹ́ gonyẹ́ fịị kụ́rọ ma sughubie imii.

1 Jọn 3:23

Mịị anịị ọ tọ́ọ wa pịrị ólóghó, ḅẹ́ wamịnị ọ tụwọ Jizọs Krais minini, sị jụghọ jụghọ ḅẹlẹma, Krais tọ́ọ wa pịrị ḅara ma.

1 Jọn 4:16

Wa nimim pịghị minini Tamuno nyáná wa pịrị ḅẹlẹma. Tamuno ori anị ḅẹlẹma. Ḅẹlẹma ḅụ ngaaḅọ gonyẹ́ gonyẹ́ Tamuno na gbẹ́rẹ́ ḅụ ḅụ imii, Tamuno sọ nḅọ na gbẹ́rẹ́ ḅụ ḅụ imim.