Kolosiapụ 1:29 - Ibani New Testament

²⁹ Mịma go, anịị a go ịnyọ pa fịrịnwangịarị nyẹ, Krais pa i pịrị ịnyọ mị́sa ịḅụ opuma kụ́rọ fịrị nwángịarị.

Kolosiapụ 1:29 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 13:24

<<Ị́yẹ́ ịnyọ láa ḅara mịẹsị kpápụ́ ḅụ́pọ́ ma ḅụ ḅọ́rọ́ tegó tọghaapụ asọ dọghụ sị kpápụ́ ḅụ́pọ́ ma ḅụ ḅọ́rọ́bẹm kụ́ma inebịgha.

Romapụ 15:20

I pụghọ tarị sị a mịẹ dọghụnyẹ anịị ibi oku ma dugho wásáma jẹ́ éné na nnị Krais gbolomanyẹ naagha angaá, sị a jụghọ súghúise angaá námabịgha ḅara.

Romapụ 15:30

Mịnaapụ, a wámịna Nyánáḅọ Jizọs Krais ẹ́rẹ́ na pịghị Tẹ́mẹ́ ma pịrịarị ḅẹlẹma pa ọ tẹ́ghẹm: ḅẹ́ ọ ḅárásua sị Tamuno tẹ́ghẹ̄ kụrọma i sịbị go.

1 Kọrịntịapụ 12:11

Kụ́ma mị gbẹ́rẹ́ Tẹ́mẹ́ ma ngéré anịị mịnanyẹ mamgba mịẹarịnyẹ anị ọ ḅụ́ḅẹlẹḅara, ọ tọ́rụ́kịrịkị́rị́ dienyẹ pa ọ́rụ́ḅọ ọ́rụ́ḅọ pịrịm.

1 Kọrịntịapụ 12:6

Tọ́rụ́kịrịkị́rị́ fịrịnwangị ḅara imi n pa fịrịnwangịarị nyẹ; kụ́ma gbẹ́rẹ́ Tamuno ma anịị ịnyọ pịrị sị n pa nna fịrị ma nwángịarị nyẹ.

1 Kọrịntịapụ 15:10

Kụ́ma Tamuno tọ́rụ́kụrụkụ́rụ́ ḅụ a mịị fịnị ḅara ma fịnịm, ọ nyáná i pịrị tọ́rụ́kụrụkụ́rụ́ papa faghaa, ọkọgha, a ịnyọsua fịrịnwangị nnị kị́nị́mamgba nẹngịm, anịsọ irịgha kụ́ma Tamuno ma tọ́rụ́kụrụkụ́rụ́ iḅụbie fịrịnwangịarị nyẹ.

2 Kọrịntịapụ 11:23

Nnị Krais ómóniapụ? A nọmḅọ ḅara pa ẹ́gẹ́rẹ́kọarị kụ́ma a ibii nnị nẹngịm! A fịrịnwangị nnị nẹngịmam, nnị i pa ịkóli bie sua nnị nẹngịmam, a fomḅara daá nnị nẹngịmam, a pịghị tọgha sáá ḅụ fịị na kikiamam.

2 Kọrịntịapụ 13:3

Ọ dọghụ ilíghíma gonyẹ́ gonyẹ́ ọmịnị árịbẹm ḅẹ́ Krais i bịpị pa ẹ́gẹ́rẹ́kọarị, ori ọ nana mịẹarị sáá, ori kụ́rọ nyanagha ḅọ kịkagha, anịmanakaragha ori ọrẹ kụ́rọ diearị ọmịnị ogboku bie.

2 Kọrịntịapụ 5:9

Nyẹ́ mamgba nẹ́ngị nyẹ, wa bim ḅẹ́, wa ọ tẹ́mẹ́ miẹḅẹ́lẹ́ma mịnga oju ma bie anịgha fịị sị so oju ma bie.

2 Kọrịntịapụ 6:5

Nnị fom nyẹ pa wa fomam, nnị wa pa ikólibie suam, túminị́ wa gbiri ikelema sị wa fom nnị ịnyọfama fịrị pa wa fịrịmam, wa múno pa wa tọ́rụ́ḅámam pịghị ḅuru pa wa ḅáma.

Ẹ́fịsọsapụ 1:19

pịghị ori kụ́rọ, anị opuma dụḅa láa ḅara fịrịnwangịarị nyẹ wamịnị mininiapụ ma duma bie. Mị kụ́rọ ma na wámịna ḅụ fịrịnwangịarị nyẹ anịị pịghị anị gbẹ́rẹ́ opu ịnyọ ma,

Ẹ́fịsọsapụ 3:20

Mị́sa ipine fịnị Tamuno pịrị, ori opu kụ́rọ wámịna bie fịrịnwangịarị nyẹ, ori ine mịẹ gbánāma bẹḅọ wamịnị ine bii bẹnyẹ anịgha kóróma bẹnyẹ mịẹ bẹḅọ

Ẹ́fịsọsapụ 3:7

A ḅo fịrịnwangịḅọ sọọ mị ibi oku ma pịrịm Tamuno pa die i pịrị tọ́rụ́kụrụkụ́rụ́ gosi, ọ pa i pịrịnyẹ ori kụ́rọ nwángịarị fịrị ḅụ ḅọ́rọ́.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 1:30

Mị́sa ọmịnị ine i nana sọ́bẹm ọ́mụ́ ma bie, mị parị sa ọmịnị ị́yẹ́ árị sị a soarị gbẹ́rẹ́ ọ́mụ́ ma ọ pịghị náaḅara anịị a pa nana sọarịḅọ ma.

Filipaiapụ 2:13

Tegó Tamuno sámámgba ọmịna ḅụ fịrị nwángịarị sị ọmịnị ine ọmịna tẹ́mẹ́bie o dọghụnyẹ mịẹ.

Filipaiapụ 2:16

Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

Kolosiapụ 2:1

A biim ḅẹ́ ọ nimi a ọmịna sịbị go na pịghị Laodisiya ḅụ fịnịapụ sịbị go a tọ́rụ́siarị fịrịnwangị ọ pịrị lamamáa ḅara na pịghị jẹ́ éné na tọ́rụ́ pa ị́yẹ́ árịghaapụ ma sịbị.

Kolosiapụ 2:12

Ọ mingi sara sáá nnị ọmịnị na Krais dipi gbolomam, mingi sara ḅụ n pịghị ọmịnị na Krais saghịmam, ọmịna minini Tamuno kụ́rọ ma ḅụ, fịị bie ọ sághịma ḅọ.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

1 Tẹsalonaikaapụ 2:9

Wámịna Daa awọ, ọ kọkọ biekóróma wa nwángị kụ́rọ́fịrị, dii na ḅa na wa wámịna ḅara pa fịrịnwangịm sị wa ḅụḅáláḅálá dighi gbẹ́rẹ́ḅọ sọ pịrịbịgha ḅara, wa Tamuno ḅara saghị ḅo oku ma dugho wásáma ọ pịrị ḅara.

2 Tẹsalonaikaapụ 3:8

Wa gbẹ́rẹ́ḅọ sọ ḅárásua daákịgha anị gbẹ́nyẹ gbẹẹgha pa, tụ́ma wa tọ́rụ́siarị fịrị nwángịm, wa dii na ḅá ḅụ fịrị nwángịgha sị ọmịnị wámịna ḅụ igbii ngumabịgha ḅara.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

Hiburuapụ 12:4

O sii na soarị owu, na ọ pa pulo osu nyẹ laagha.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

Puu Findi 2:3

Ọmịnị ngịrịma nyánam, ori ẹrẹ go tọ́rụ́siarịmam ọ pịghị minigha ịnyọ ọ́ḅụ faá.