Kolosiapụ 1:28 - Ibani New Testament

²⁸ Wamịnị o dugho wásámam, opu níminyẹ ḅụ nyẹ pa kị́nị́mamgba diearị pịghị nna biri nụ́nụ́arị, sị wa kị́nị́mamgba akuoo bẹ ḅara Krais toruku kpain ḅara ḅụ.

Kolosiapụ 1:28 ပူးပေါင်းရင်းမြစ်များ

Matiu 28:20

Pịghị a tọ́ọ ọ pịrịmaá nyẹ mamgba pa n diearị. Karakárányẹ, a pịghị ọmịnị na imi sámámgba, akị muu tuminikiri ma kunema sáá.>>

Matiu 3:7

Kụ́ma ọ ḅoo tọgha Farisii na Sadusiiapụ árị sáá ọ damaḅoapụ ḅẹ́ ọ mingi pa n sara, ori ḅẹm: <<Ọmịnị tọgha sii ododó! Tụọ ọ birinụ́nụ́ ḅẹ́ ọ mangị ḅoarị tọ́rụ́siarị ma pịrị?

Matiu 5:48

Anịgosi kpain fịnị, ị́yẹ́ Daá sobie fịnịḅọ kpain fịnị ḅara.

Ibi Oku Ma Mak Anị Gịẹ Ḅara 6:34

Jizọs ḅoo kiri láa sị mánámāná túminị́ kpo ma árị sáá, ọ tọ́rụ́kụrụkụ́rụ́ nyáná n pịrịm tegó nnị ánáná dighiḅọ nyánágha ánáná fịnị ḅara ma anịị n fịnị ḅara ọ warị saghị tọgha nyẹ pa n die.

Ibi Oku Ma Luk Anị Gịẹ Ḅara 21:15

Tegó a kịrị níminyẹ na ẹ́gẹ́rẹ́ pa ọ pịrịbẹm sị ọmịna iruonaapụ ine dabịgha nyẹ anịgha pịghị anị pa epele nyẹ mịẹ.

Fịrị Ḅara 10:36

O nimim ọ pa Izirẹlịawọ fịrịma oku, diin ibi oku ma dugho wásámaarị, Jizọs Krais kị́nị́mamgba Nyánáḅọ ḅụ ḅọ́rọ́.

Fịrị Ḅara 11:20

Kụ́ma jẹa mininiapụ, Saiprọs na Sirini ḅụ saghị ḅo owiapụ, Antịọkụ muum warị oku ma dugho wásáma pa Juughaapụ sọ pịrịị, anịị Jizọs Krais gboloma ibi oku ma.

Fịrị Ḅara 13:38

Anịgo ịyẹa mịnaapụ, a bim o nimi ḅẹ́ Jizọs Krais ḅụ ḅọ́rọ́ anịị siiḅụḅarasi oku ma ḅo ọ laarị nyẹ.

Fịrị Ḅara 17:18

Epikuriya na Stoyiki, opu nyẹ́dieapụ ọ nana nụnam, nna ḅụ jẹ́apụ o gbilam ḅẹẹ, <> Jẹapụ pagharam ḅẹ́ jẹ́ ámá oru gbólómanyẹ anịị o dughoarị nyẹ. Nnị mịma dughom Pọl Jizọs Krais gboloma ibi oku na fịị ḅụ saghị dugho wásámaarị gosi.

Fịrị Ḅara 17:3

anị dugho findiarị, pịghị die pághámaarị ḅẹẹ n Pulo pa Sịbị Saraḅọ ma tọ́rụ́siarịbẹm sị pịghị fịị ḅụ saghị. Pọl warị ḅẹẹ, <>

Fịrị Ḅara 20:31

Anịgo ọ tọ́rụ́ kiri láa, sị biekóróma ḅẹ́ tẹ́rẹ́ a kụ́rá gbọrụ, a dii na ḅá na, a owutọ́rụ́ pa nyẹ pa o diem.

Fịrị Ḅara 3:20

Ọmịnị ọkọ mịẹmịẹ tẹ́mẹ́ju ịnyọ saghị ḅobẹm Kị́nị́nyánáḅọ toruku, anị sáá, ọ́ Jizọs nnị Pulo pa Sịbị Saraḅọ ma fịrịmabẹm ọ sẹlẹakị ọ pịrịmaá ḅọ.

Fịrị Ḅara 5:42

Éné mamgba Tamunoopuwarị ma bie, pịghị túminị́ wárịbie anịị nnị Jizọs nnị Pulo pa Sịbị Saraḅọ ibi oku ma dugho wásámaarị nyẹ pịghị anị diearị.

Fịrị Ḅara 8:35

Filipụ saghị ẹ́gẹ́rẹ́m, warị mịị diri ma ḅụ saghị, sị Jizọs gboloma ibi oku ma dugho wásáma ọ pịrị.

Fịrị Ḅara 8:5

Filipụ Sameriya opu ama ma muum sị n Pulo pa Sịbị Saraḅọ dugho wásáma túminị́ ma pịrị.

Fịrị Ḅara 9:20

Ọ warị sáá ngúmágha pa nna kobiri yọ ma muu, si dugho wásáma ḅẹẹ, Jizọs ori anịị Tamuno Tụ́wọ.

Romapụ 16:25

O ḅo wa Tamuno ma saghị sóghólóma, ori ine ọ mịẹ bẹḅọ sị ọ kụrọ sẹ ọmịna minini ḅụ, Jizọs Krais gboloma sị a dugho wásáma ibi oku ḅụ ḅọ́rọ́, na pịghị nnị ḅọghuma karakáráma nnị ḅọghuma nyẹ ḅọlọ sáá ene ene, mị́sa nnị anị diepághámamam.

1 Kọrịntịapụ 1:23

Wamịnị ma, wa n ḅaupálị Krais ma dugho wásámaarị, mị oku ma anị Juuapụ iganịmaarị, Juughaapụ ma anị nyẹ ḅụ oforighaa nyẹ sọm;

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

1 Kọrịntịapụ 12:8

Tẹ́mẹ́ ma pa gbẹ́rẹ́ḅọ pịrịarị opu níminyẹ oku, mị gbẹ́rẹ́ Tẹ́mẹ́ ma níminyẹ oku pa jụghọ pịrịm,

1 Kọrịntịapụ 15:12

Kụ́ma ḅọ́rọ́ n dugho wásámāmam ḅẹ́ n Krais sághịmamam fịị ḅụ, ọmịna ḅụ jẹ́apụ tegó dughoarị ḅẹ́ fịịapụ fịị ḅụ saghị ofori?

1 Kọrịntịapụ 2:15

Tẹ́mẹ́ ma nyánáḅọ anịị ine nyẹ gonyẹ́ gonyẹ́ ḅụ ḅẹ́rẹ́kọọ bẹnyẹ, kụ́ma gbẹ́rẹ́ḅọ sọ ine ọ ḅụ ḅẹ́rẹ́kọbịgha.

1 Kọrịntịapụ 2:6

Wa opu nyẹ́nimi oku ma dugho wásáma minini ḅụ sẹ́nịmaapụ ma pịrịm. Kụ́ma mị opu níminyẹ ma anị mị tuminikiri opu niminyẹgha anịgha mị tuminikiri táarịapụ opu níminyẹ nna kụ́rọ ḅoo papanyẹ soarị nyẹ.

1 Kọrịntịapụ 4:14

A mịma gịẹ ọ pịrịarị ḅẹẹgha ḅẹ́ a ọ ḅụ́gịrịrịma dọ́ghụm kụ́ma a againma pa ọ pịrịbẹ ḅara a ḅẹlẹma awọ ḅara.

2 Kọrịntịapụ 10:14

Wa ọmịnị pa bịpịkpọarị sa, wa bịpịkpọ wamịnị bịpịkpọ na ibiḅara nẹ́ngịgha, tegó wamịnị anịị Krais ibi oku ma akuoo ọ pịrịapụ.

2 Kọrịntịapụ 11:2

A ọmịna ibi dọ́ghụm Tamuno sọ ọmịna ibi dọghụ ḅara, ọ́ fịnị ḅara sọ́ḅọ́rọ́ na deeyagha pịghị owitụ́wọ nimighaḅọ, a pịghị ọ minini pa gbẹ́rẹ́ deḅọ ngéré pịrịmam, ori ma anịị Krais.

2 Kọrịntịapụ 4:5

Wa wámịna ḅụ dugho wásámagha, kụma wa Krais dugho wásámaarị ḅẹ́ ori anị Kị́nị́nyánáḅọ sị wamịnị, ọmịna fịrịnwangịapụ Jizọs ẹrẹ́sị.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Ẹ́fịsọsapụ 5:27

Ọ Tamuno kubiri ogbo ma saghị ọ ḅụ pịrịbẹ ḅara anị fíafía ḅụ, yóri yóri, fu nyanagha, ikara anịgha ịlọ́lị nyánágha nyẹ. Kụ́ma tọ́ntọ́ pịghị bịpị ḅụ laagha Tamuno kubiri ogbo.

Kolosiapụ 1:22

Kụ́ma mị́sa Krais ojumẹnị fịị ma ḅụ ḅọ́rọ́ ọ nangwọapụ pa omiẹmam sị ọ tọ́ntọ́ ḅara pa ọmịnị akuoo ọ tórúku fu na túminị́ bịpị oju laagha ḅụ.

Kolosiapụ 2:10

n pịghị Krais bie káaraapụ pa o mịẹmam, ori anịị pịghị sịbịda táarịapụ na kụ́rọ gonyẹ́ gonyẹ́ pịrịḅọ.

Kolosiapụ 2:3

Ọ ḅụ anịị Tamuno opu níminyẹ na níminyẹ ngọ gonyẹ́ gonyẹ́ ḅọghu fịnịnyẹ.

Kolosiapụ 3:16

O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

1 Tẹsalonaikaapụ 4:6

Mị ḅẹ́rẹ́ ma ḅụ, gbẹ́rẹ́ḅọ sọ amịna Krais asọduaḅọ mị́naḅọ irima ma anịgha inomaa. Wa parị mịma dugho ọ pịrịmam pịghị kụ́rọ́ma o birinụ́nụ́ ḅẹ Kị́nị́nyánáḅọ anị nyẹ ma mịẹapụ pa tọ́rụ́siarịmabẹm.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

1 Timoti 3:2

Tamuno kubiri ogbo sịbịdaḅọ ori fiesima nẹ́ngị na fiam; gbẹ́rẹ́ táaḅọ ngéré nyáná, ori álála bieoḅughaa, ine ḅụ ọlọ ḅo, kị́nị́ osigha nyáná pịrịḅọ, ine igoniapụ datéréma n ḅo wárị; ine nyẹ́die bẹḅọ;

Hiburuapụ 10:14

Gbẹ́rẹ́ igwa ma anịị o pa nnị mịẹ fiafiama mú gbámásó la nyẹ n sii sịrịsiapụ nna ḅụ.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

2 Pita 3:15

Kị́nị́nyánáḅọ ingịrịma ma ákị, sọ́ḅọ́rọ́ o findi ị pịrị ḅụ́pọ́ ọ pa ḅọ́rọ́ dụaḅọ́rọ́ma nyáná, wámịna ibi mị́naḅọ Pọl, Tamuno pa ọ pịrị níminyẹ pa ábálálá gịẹ ọ fịrịma ḅara.