Kolosiapụ 1:27 - Ibani New Testament

²⁷ Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

Kolosiapụ 1:27 ပူးပေါင်းရင်းမြစ်များ

Matiu 13:11

Ọ pagharam, <

Ibi Oku Ma Luk Anị Gịẹ Ḅara 17:21

Gbẹ́rẹ́ḅọ sọ dughobịgha ḅẹẹ, anịgha ḅẹẹ, tegó Tamuno Ásẹ́mẹ́kiri ma ị ḅụbie imi.>>

Ibi Oku Ma Jọn Anị Gịẹ Ḅara 14:17

Mịị ḅárásuaḅọ ma ori anịị Tọ́ntọ́ Tẹ́mẹ́ ma tụ́manyẹ ma pa túminị́ diearịḅọ. Tuminikiri ma ine ọ daa kórómabịgha tegó nnị ori arịgha anịgha o nimi. Kụ́ma ọmịnị o nimim ori ọmịnị na ngáarị gosi ọ pịghị ọmịna bie fịnịbẹm.

Ibi Oku Ma Jọn Anị Gịẹ Ḅara 14:20

Anị éné ma ḅụ onimiḅobẹm ḅẹẹ a i Daá ma bie imi, ọmịnị ma ibie imi, ịrị ma pịghị ọmịna bie imim.

Ibi Oku Ma Jọn Anị Gịẹ Ḅara 14:23

Jizọs pagharam, <

Ibi Oku Ma Jọn Anị Gịẹ Ḅara 17:26

A i pa n diemam, a pịghị pa n diema diema mubẹm sị ị nyáná i pịrị ḅẹlẹma ma nna bie fịnị bẹ ḅara, ịrị ma sọ nna bie fịnị bẹ ḅara.>>

Ibi Oku Ma Jọn Anị Gịẹ Ḅara 6:56

Ị́yẹ́ ojumẹnị pẹẹ́ ḅọ gonyẹ́ gonyẹ́ pịghị ị́yẹ́ ọmbịnyẹ́ ḅuu iḅụbie fịnị fịnịm, irịsọ n ḅo ḅụbie fịnị.

Romapụ 11:33

Gbẹ́rẹ́ḅọ so ine Tamuno ngọ dụḅa láa ḅara nimiḅobịgha, Ori opu níminyẹ na ori níminyẹ pịghị opuma dụḅam! Tụọ ine nimi bẹ Tamuno kóróma fịnị ḅara? Tụọ ine ori nyẹ́ mịẹ ḅara nimiḅọ bẹ?

Romapụ 2:4

Anịgha ị Tamuno opu ibi na ori inema tẹ́mẹ́ na ori ngịrịma pa papanyẹ mịẹbẹ, Tamuno ori ibim, ori ibi ma ọ daa mú sii ḅụ pịghị ḅụ súúarị.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 8:10

Ḅọ́rọ́ Krais ọmịna biebẹ imi nḅẹḅẹ́, Tẹ́mẹ́ ma duma pa ọ pịrịbẹm, tegó nnị ọmịnị na Tamuno na pa karakárá ḅụ ḅụ wárịmam, ojumẹnị ma fịị bẹ sọ sii gosi.

Romapụ 9:23

Ọ pịghị dọ́ghụm ori ọrẹ opu ipine diepágháma, ọ pa wamịnị ọ tọ́rụ́kụrụkụ́rụ́ nyáná pịrịapụ ma sịbị sara nyẹ, ọ tẹ́lẹ́maapụ ḅẹ́ wamịnị ori ipine nyáná.

1 Kọrịntịapụ 3:16

Tụ́mányẹẹ ọ nimim ḅẹẹ ọmịnị Tamunowarị Tamuno Tẹ́mẹ́ pịghị ọmịna ḅụbie ngam.

2 Kọrịntịapụ 2:14

Kụ́ma wa ịmịẹḅam pa Tamuno ḅẹm. Ḅẹ́, wamịnị na Krais na gbẹ́rẹ́nyẹ sọ ḅụ, Tamuno Krais ḅụ, ḅọ́rọ́ sọọḅa pa wa pịrịarị, ọ pịghị wámịna ḅụ ḅọ́rọ́ mịẹsị Krais níminyẹ ma kụ́nụ́ pulo kụ́nụ́ ḅara pa kụ́nụ́ ngámámgba saama.

2 Kọrịntịapụ 4:17

Ḅẹ́ mị kálá sáátụọ ḅụ wámịnị arịarị tọ́rụ́siarị ma, dụḅa wásáma gbámásó boma akuoo wa pịrịbẹm wamịnị árị ḅụḅáláḅálá ma nẹ́ngịbẹm.

2 Kọrịntịapụ 4:6

Dugho Tamuno ma ḅẹẹ, <> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.

2 Kọrịntịapụ 6:16

Tamuno wárị na nkára tamuno nnị tẹ́ mịẹnyẹ nyáná gboloma bẹ. Wamịnị anị dúmagbámásó Tamuno ma wárị: Tamuno ọ ḅụgbọrụ ḅẹ́ ḅara ma ḅẹẹ. A nnị na ngábẹm pịghị nna ogbobie nwángị ikelekelé, a Tamuno sọ n pịrịbẹm nnị sọ ịyẹa túminị́ sọ́bẹm.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Galesiaapụ 4:19

A ḅẹlẹma ibi awọ, yii ọlọ ọ́rụ́ḅọ naarị ákụ ma anị mị́sa a nyáná ọ pịrị jẹ́ ákụ akị mú ọ sẹ́nị ḅo tumḅọ sọ sáá láa Krais bie.

Ẹ́fịsọsapụ 1:7

Krais ọmbịnyẹ́ ḅụ ḅọ́rọ́ wa dụaḅọ́rọ́ma nyánam, n wámịna siiḅụḅarasi wa pịrịm ori opu tọ́rụ́kụrụkụ́rụ́ gosi.

Ẹ́fịsọsapụ 2:22

Ori ḅụ ọmịnị Juughaapụ so, na jẹ́apụ na; nnị ọ nama gbólomaarị gbẹ́rẹ́ angaá, Tamuno ọ Tẹ́mẹ́ ḅụ ngá angaá.

Filipaiapụ 4:19

I Tamuno Krais Jizọs ḅụ ḅọ́rọ́, ori mánámāná ngọ ma ḅụ ọ pali nyẹ gonyẹ́ gonyẹ́ pa ọ pịrịbẹm.

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

Kolosiapụ 2:3

Ọ ḅụ anịị Tamuno opu níminyẹ na níminyẹ ngọ gonyẹ́ gonyẹ́ ḅọghu fịnịnyẹ.

Kolosiapụ 3:11

Mịnga Girikiḅọ anịgha Juuḅọ ofori tọ́ngọ̄ pẹ́lẹ́ anịgha tọ́ngọ̄ pẹ́lẹ́ghaḅọ, biaapụ, tọ́rụ́ findighaapụ, ómóniapụ anịgha furoawọ, kụ́ma Krais ori nyẹ́mámgba pịghị nyẹ mamgba ḅụ imii.

1 Timoti 1:1

Irị Pọl, Jizọs Krais fịrịmaḅọ, Tamuno na Jizọs Krais wámịna Dụaḅọ́rọ́maḅọ bịpị pịrị ḅara ḅụ, wa ḅụ tọ́rụ́ dighinyẹ nyanaḅọ.

Hiburuapụ 6:19

Wa mị tọ́rụ́ dighinyẹ ma nyánam biebẹ duma lụḅa ḅara, kụ́rọ pịghị kokofịnịm. Anị wa daá ḅụ́pọ́ gbẹ́ẹ̄ bịtẹ ma ḅụ ḅọ́rọ́ sobie Tamunowarị ma sọọ, sị mú biebẹ opu tọ́ntọ́ yọ ma sọ.

1 Jọn 4:4

Ọmịnị ị́yẹ́ ibi awọ, ọ Tamuno ju saghịḅom, ọ pịghị epele ikiakoroapụ ma sọḅamam, tegó ọmịna bie fịnị Tẹ́mẹ́ ma anị kụ́rọ tuminikiri ma bie fịnị túminị́ bie fịnị tẹ́mẹ́ ma nẹngịm.

Puu Findi 3:20

Dighi! A ḅụ́pọ́ ḅụ sẹ sị gbólom, i pụghọ náa sị ḅụ́pọ́ findi i pịrịḅọ fịnịfịnị, a n ḅọ warị sọḅobẹm sị n ḅọ na nyẹ́fịị, nḅọ sọ irị na nyẹ́fịbẹm.