Kolosiapụ 1:24 - Ibani New Testament

²⁴ Mị́sa i bieḅẹlẹarị a nyáná ọ pịrịarị tọ́rụ́siarị ma go, ojumẹnị ḅụ a arịarị tọ́rụ́siarị ma ḅụ ḅọ́rọ́, a ḅárásua anị karamaarị kọnyẹ́ ma Krais árị tọ́rụ́siarị ma ori oju gosi, anịị Tamuno kubiri ogbo ma.

Kolosiapụ 1:24 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 10:39

Nnị pagharam, <> Jizọs n ḅẹm ḅẹẹ, <<Ọmịnị karakáráma a ḅuu ọmọngọ ma ḅuubẹm ọ pịghị mingi sárábẹm n mingi pa i sara ḅara,

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

Romapụ 5:3

Anị ḅara ma ngéréghaa kụ́ma wa pịghị dụrụkụ tọ́rụ́siarị pịrịm, tegó wa nimim ḅẹ́ tọ́rụ́siarị mịẹm tumḅọ ngịrịma nyáná,

Romapụ 8:17

Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

1 Kọrịntịapụ 12:27

Ọmịnị kị́nị́mamgba anịị Krais oju ma, ọ́rụ́ḅọ ọ́rụ́ḅọ anịị gbẹ́rẹ́ angaá oju ma ḅụ.

2 Kọrịntịapụ 12:15

I bieḅẹlẹbẹm a nyánányẹ gonyẹ́ gonyẹ́ fama pighi ị ḅụgbọrụ, sị a pa ine ḅárásua ọ pịrịbẹ ḅara. Mịma anị mịẹbẹ sị ọ kálá ḅara pa i ḅẹlẹma a opuma ọ ḅẹ́lẹ́mam gosi?

2 Kọrịntịapụ 6:10

Nnị wa biesimam, wa pa sámámgba bieḅẹlẹarị, wa igonyinapụ kịkam, kụ́ma wa tọgha tọghaapụ pa álásọ́maarị, wa ḅẹnyẹ ḅẹnyẹ nyánágháapụ kịkam, anịsọ wa nyẹ gonyẹ́ gonyẹ́ nyánam.

2 Kọrịntịapụ 7:4

A opu biekpọ nyanam ọmịna ḅụ, a pịghị ó pa opuma bịpịkpọm, wámịna ḅụḅáláḅálá mamgba ḅụ, a opu biekụ́rọ nyánam, ị́yẹ́ bieḅẹlẹ kunema nyanagha.

Ẹ́fịsọsapụ 1:23

Tamuno kubiri ogbo ma anịị Krais oju ma, Krais mịẹnyẹ sị anị káara. Krais ọ ḅụ gbọrụ anịị nyẹ mamgba mịẹsị anị káara nyẹ ngá mamgba ḅụ.

Ẹ́fịsọsapụ 3:1

Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.

Ẹ́fịsọsapụ 3:13

Anịgo a ọ tẹ́ghẹ̄m ḅẹ́ anị ọ biesima ma, a árị ọ pịrịarị tọ́rụ́siarị ma, anịị ọmịna sịbị gosi.

Filipaiapụ 3:10

A dọghụnyẹ ḅẹẹ, a Krais nimii na pịghị fịị ḅụ ọ saghịma kụrọ ma nimi si pịghị diekiri nyáná ori fịị ḅụ, ḅoo pịghị ọ fịnị ḅara fịnị ori fịị ḅụ.

Kolosiapụ 1:18

Ori anịị oju ḅụ sịbịdáḅọ, anịị Tamuno kubiri ogbo ma, ori anịị sughu saghị ma, n pịghị tarị fịịapụ mamgba ḅụ saghịma ḅọ, sị nyẹ́ gonyẹ́ gonyẹ́ ḅụ ori sịbịdaa bẹ ḅara.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

Jems 1:2

Ḅẹ́ anị o bieḅẹlẹma, tọ́rụ́kịrịkị́rị́ daádighi ọmịna asọ mgbẹsẹ sa.