Kolosiapụ 1:23 - Ibani New Testament

²³ Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:23 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 16:15

Ori nnị ḅẹ́m, <

Ibi Oku Ma Luk Anị Gịẹ Ḅara 22:32

Kụ́ma, Saimọn, a tẹ́ghẹ̄ ị pịrịmam ḅẹẹ ị́yẹ́ minini bịghịbịgha ḅara. I pịghịma i damaḅo sa ị́yẹ́ amịna owiapụ kụrọma.>>

Ibi Oku Ma Luk Anị Gịẹ Ḅara 6:48

N ḅọ wárị námáarị gbẹ́rẹ́ owitụ́wọ kịkam, tarị kiri sughu póghólóma sị wárị suu isé okpo dapịrị ọgọnọ. Opu mingi siri ḅo sáá, dinọngụ wárị ma fom sa, wárị ma jighegha tegó nnị ibima anị namam.

Ibi Oku Ma Jọn Anị Gịẹ Ḅara 15:6

Iḅụbie fịnịgha ḅọ gonyẹ́ gonyẹ́, nḅọ fịnị ḅara anịị n gbii ḅuuma sị saghị sámụ́nọ́arị sị ḅara; ọkọfịnị sị ḅara n saghị fịnịbie gbi sua sị anị dọ́ghụm.

Fịrị Ḅara 1:17

Judas ori wámịna ḅụ gbẹ́rẹ́ḅọ, nnị ọ sẹ́lẹ́akịm ḅẹ ori sọ diekiri nyáná wámịna fịrị ma ḅụ.>>

Fịrị Ḅara 1:25

nḅọ nfịrịmaḅọ sọọ Judas kiriakịị, wa wáriso ọ sághị ḅo ngaa muuḅọ.>>

Fịrị Ḅara 1:8

Kụ́ma Tọ́ntọ́ Tẹ́mẹ́ ma ọmịna ḅụ ḅomaẹrẹ nnị kụrọ pa ọmịna ḅụ suabẹm, sị ọmịnị ị́yẹ́ onyésẹapụ sọọbẹm Jerusalem ḅụ, Judiya gbọ́rụ́ na Sameriya na pịghị tuminikiri kunema anga mamgba.>>

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Fịrị Ḅara 2:5

Juuapụ Jerusalem ḅụ ngaapụ imii, tụ́ma ólóghó kokoapụ tuminikiri gbọ́rụ́ saghị ḅooapụ.

Fịrị Ḅara 20:24

Iyẹ duma iḅụ sọ́nyẹ sọ́gha, a binyẹ a pa ine iyẹ fịrị ma nwángị sịbị láama, si pịghị ine Wányánáḅọ Jizọs Krais pa i fịrịma fịrị ma nwángị fama, fịrịị ma anịị Tamuno tọ́rụ́kụrụkụ́rụ́ ibi oku ma dugho wásáma.

Fịrị Ḅara 26:16

Kụ́ma saghị sị ị ḅụọ ḅụ sẹ. A ịḅụ pa i diemam sị pịghị i tọ ḅẹ́ ịrị ị́yẹ́ ómóniḅọ sọọ. I dugho jẹapụ pịrịbẹm mịmgba ị́ ịḅụ arịmáa nyẹ, a pịghị tórúku ju pa i diebẹnyẹ.

Fịrị Ḅara 4:12

Ọ ḅụ ngéré anịị wa dụaḅọ́rọ́ma nyáná bẹnyẹ, tuminikiri gbọrụ ḅụ Tamuno na jụghọ pịrịgha wa ḅọ́rọ́ma bẹḅọ.>>

Romapụ 10:18

Kuma a gbilam: Anị tụ́manyẹ ḅẹ́ nnị oku ma naagha? Karakárányẹ dugho ḅụ n nam: Nnị gịẹ kóróma ḅara Tọ́ndiri ma bie ḅẹ: <>

Romapụ 15:16

ḅẹ́ a Krais Jizọs fịrịnwangịḅọ sọọ Juughaapụ ma pịrị sị Tamuno ma igwagwaḅọ ḅara a Tamuno ma ibi oku dugho wásámaarị, Juughaapụ ma warị ḅo Tamuno daakị bẹ agba sọ, Tọ́ntọ́ Tẹ́mẹ́ fófóoma ọ pịrịnyẹ.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 5:5

Mịị tọ́rụ́ dighinyẹ ma wa gbarịgbarịgha, Tamuno ori ḅẹlẹma pa wámịna kúkúbie saramam ori Tọ́ntọ́ Tẹ́mẹ́ pa, anịị wa ọ ḅara nyáná ḅo diepịrịnyẹ.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

1 Kọrịntịapụ 3:5

Anịsáa tụọ ḅọ́rọ́ Apọlọs, Pọl ori tụọ? Wamịnị papa Tamun fịrịnwangịapụ Tamuno pa ọ daa tụụma sị o goo minini nyẹ. Wamịnị papa Tamuno fịrịnwangịapụ, pịghị mị fịrị ma ḅụ ḅọ́rọ́ ọmịnị ḅo Krais ḅụ minimam.

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 11:23

Nnị Krais ómóniapụ? A nọmḅọ ḅara pa ẹ́gẹ́rẹ́kọarị kụ́ma a ibii nnị nẹngịm! A fịrịnwangị nnị nẹngịmam, nnị i pa ịkóli bie sua nnị nẹngịmam, a fomḅara daá nnị nẹngịmam, a pịghị tọgha sáá ḅụ fịị na kikiamam.

2 Kọrịntịapụ 3:6

Ori anị wa mịẹ kụrọma sị wamịnị ine fịrịnwangị ịwọ ọ ḅoo ma pịrịnyẹ, mị ịwọ ọḅọọ ma, anịị n gịẹ kóróma ịwọ ólóghó nyánágha, kụ́ma Tẹ́mẹ́ ma angaánye, n gịẹ kóróma ólóghó ma, fịị dighiḅom; kụ́ma Tẹ́mẹ́ ma duma pịrịm.

2 Kọrịntịapụ 4:1

Tamuno ọrẹ lolomakúkúbie ḅụ mị fịrị ma pa wa pịrịmam ḅẹ́ wa nwángị, anịgo gbẹ́rẹ́nyẹ sọ mịẹbịgha si wámịna tẹ́mẹ́ oḅudáa.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 4:11

Anị i tẹ́mẹ́bie ḅụḅáláḅálá pa i pịrịarị bẹ ị́yẹ́ tọ́rụ́siarị mamgba ọmịna ḅụ anị ḅo papanyẹ sọm.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Galesiaapụ 5:7

Ọmịnị ibiḅara pa mangịarị! Tụọ okiki karakárá ma mịẹ ḅụ?

Galesiaapụ 6:9

Ịnyọ wa ḅụ fama ibinyẹ mịẹ ḅụ, tegó wa mịẹ bịpị mumu, sáá ḅobẹm wamịnị anị sịmgbọlụ sughuakị bẹ sáá.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 2:21

Ori ma anịị wárị gbọrụ ma ọlọ gbolomaḅọ, warị mịẹsị anị dụḅa mú sị ḅo tọ́ntọ́ Tamunowarị sọọ Kị́nị́nyánáḅọ ma bie.

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Ẹ́fịsọsapụ 4:16

O sughubie anịị ojumẹnị mpara mamgba ḅụ fịnịnyẹ ḅọ́rọ́ ḅo gbẹ́rẹ́nyẹ mịẹnyẹ, oju gbọrụ isa mamgba oju gbọrụ ọlọ kobirim. Anịgo gbẹ́rẹ́ ọrụ anị ngá fịrị nwángịarị sáá anị nwángị na ibiḅara, oju gbọrụ mamgba ḅẹlẹma ḅụ nna ḅụ tákubiri sẹnịm.

Kolosiapụ 1:25

A ḅoo Tamuno kubiri ogbo ma fịrịnwangịḅọ sọmam Tamuno pa i fịrịma fịrị gosi ḅẹẹ a bii ḅara pa ori ẹ́gẹ́rẹ́ ma pa ọ pịrịị.

Kolosiapụ 2:7

Ọmịna kune ọ ḅụ sọtẹ́lẹ́máa, ọmịnị ọ ḅụ duma kọọ, sị sẹ kụ́rọ tẹ́lẹ́ma ọmịna minini ḅụ, nnị anị pa ọ die ḅárá. Si bieḅẹlẹ imiẹḅa ọmịna bie bii fụ́fụ́.

1 Tẹsalonaikaapụ 3:3

gbẹ́rẹ́ḅọ sọ ọḅụ dabịgha ḅara mịná tọ́rụ́siarị ma gosi. Ọmịnị ḅụgbọrụ nimim ḅẹẹ Tamuno mị tọ́rụ́siarị ma warisom ḅẹ́ anị wa láa.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

1 Tẹsalonaikaapụ 5:8

Kụ́ma wamịnị, éné ma nyẹ; anịgo wamịnị wa ḅụ ọlọbẹm. Wa minini na ḅẹlẹma suabẹm n gbolu daa kúkúbie gbẹ́nyẹ ḅara, na wámịna dụaḅọ́rọ́ma tọ́rụ́ dighinyẹ ma anịị wámịna ikúlélusú.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

1 Timoti 1:12

A ịmịẹḅam pa wámịna Nyánáḅọ Krais Jizọs ḅẹm, ịnyọ pa i pị́rị́máaḅọ sị a ine ị́yẹ́ fịrịnwangị. A ịmịẹḅam pa ọ ḅẹm ori ị́yẹ́ árị ḅara ma ḅẹ́ ori ine ịḅụ tẹ́mẹ́ gbánabẹm, anịgo ori tọọm ḅẹẹ a fịrịnwangị ọ pịrị.

1 Timoti 2:7

Anịị Tamuno goo i sẹlẹakị sị i fịrịma nyẹ ori oku dugho wásámā ḅọ ḅara na pịghị nfịrịmaḅọ ḅara ḅẹ́, a mịị minini na tụ́manyẹ ma oku ma pa Juughaapụ ma die! A karakárányẹ ma dughoarị a iruo kọgha.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Hiburuapụ 10:38

Ị́yẹ́ karakárá ibiamịẹnyẹ túminị́ minini pa dumabẹm, kụ́ma ḅọ́rọ́ ọḅụda ḅọ fịnịfịnị i tẹ́mẹ́ n ḅo dighi ḅẹlẹbịgha.>>

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Hiburuapụ 4:14

Wamịnị dụḅa Igwagwaá Áláḅọ nyánam, sobie sọọmaaḅọ ori anịị Jizọs Tamuno Tụ́wọ ma. Anị wa go wa dugho págháma minini ma ọlọ sẹ́ma bẹnyẹ.

Hiburuapụ 6:19

Wa mị tọ́rụ́ dighinyẹ ma nyánam biebẹ duma lụḅa ḅara, kụ́rọ pịghị kokofịnịm. Anị wa daá ḅụ́pọ́ gbẹ́ẹ̄ bịtẹ ma ḅụ ḅọ́rọ́ sobie Tamunowarị ma sọọ, sị mú biebẹ opu tọ́ntọ́ yọ ma sọ.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Pita 1:5

Anị fịnị ọ pịrịm, minini ḅụ nnị Tamuno kụ́rọ pa koko wárịapụ pa mị dụaḅọ́rọ́ma ma pịrị, tẹ́lẹ́mamaá nyẹ si anị ḅụ die bii nyẹ sa kunema ḅụ.

1 Jọn 2:27

Kụ́ma ọmịnị, Krais ori Tọ́ntọ́ Tẹ́mẹ́ pa ọmịna ḅụ saramam. Ọ Tẹ́mẹ́ ọ nana fịnị sa gonyẹ́ gonyẹ́ o biigha gbẹ́rẹ́ḅọ so nyẹ pa o die. Ọ Tẹ́mẹ́ nyẹ́ gonyẹ́ gonyẹ́ pa o diebẹm, ọ pa ọ dienyẹ ma karakárányẹ, iruonyẹ anị bie ofori, Tẹ́mẹ́ ma dienyẹ bịpị pughu, anịsa i Krais na gbẹ́rẹ́ḅụ ḅụ fịnịbẹm.

Puu Findi 2:10

Ḅáláfama ọmịnị árịdụmaarị tọ́rụ́siarị ma gosi. Pughu! Ẹ́kpẹ́dua ma ọ pa daádighi ma bie suubẹm ori ọ́ḅụ jẹ́apụ pa ikóliwarịbie gbi sua bẹ sa, ọmịna ḅụḅáláḅálá fịnị mú oyia dii láabẹm. Sẹ́kụrọ i pịrị, anị ḅọ́rọ́ fịị bii sọ, anịsáa a dúma ogunu ma pa ọ pịrịbẹm.