Kolosiapụ 1:22 - Ibani New Testament

²² Kụ́ma mị́sa Krais ojumẹnị fịị ma ḅụ ḅọ́rọ́ ọ nangwọapụ pa omiẹmam sị ọ tọ́ntọ́ ḅara pa ọmịnị akuoo ọ tórúku fu na túminị́ bịpị oju laagha ḅụ.

Kolosiapụ 1:22 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 1:75

Tọ́ntọ́ na pịghị karakárá mịẹnyẹ ḅụ fịnị ọ tórúku wámịna duma éné mamgba.

Romapụ 7:4

Anịị anị pịghị ọ nana fịnị ḅara ị́yẹ́ amịnáapụ, anị ólóghó ma gboloma ḅara ḅụ ọmịnị so ọ fịịmam tegó ọmịnị ma anịị Krais ma oju bẹ gbẹ́rẹ́apụ; ọmịnị anị mị́sa n fịị ḅụ saghịma ḅọ ma nyẹẹ wa sọnyẹ sọ bẹ ḅara Tamuno ma fịrịkiri.

2 Kọrịntịapụ 11:2

A ọmịna ibi dọ́ghụm Tamuno sọ ọmịna ibi dọghụ ḅara, ọ́ fịnị ḅara sọ́ḅọ́rọ́ na deeyagha pịghị owitụ́wọ nimighaḅọ, a pịghị ọ minini pa gbẹ́rẹ́ deḅọ ngéré pịrịmam, ori ma anịị Krais.

2 Kọrịntịapụ 4:14

Wa nimim ḅẹẹ, Tamuno, Kị́nị́nyánáḅọ Jizọs sághị duma bie suaḅọ pịghị wamịnị na Jizọs saghịmabẹm, n pịghị wamịnị na ọ́ nana kobirịbẹm ọ tórúku.

2 Kọrịntịapụ 5:18

Mịmámgba, Tamuno anịị Krais ḅụ ḅọ́rọ́ anị mịẹarịḅọ, iruonaapụ ḅọ́rọ́ma ọrẹ a nángwọ́apụ pa wa mịẹḅọ fịrị ma pa wa ḅárábie sua.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 5:27

Ọ Tamuno kubiri ogbo ma saghị ọ ḅụ pịrịbẹ ḅara anị fíafía ḅụ, yóri yóri, fu nyanagha, ikara anịgha ịlọ́lị nyánágha nyẹ. Kụ́ma tọ́ntọ́ pịghị bịpị ḅụ laagha Tamuno kubiri ogbo.

Kolosiapụ 1:28

Wamịnị o dugho wásámam, opu níminyẹ ḅụ nyẹ pa kị́nị́mamgba diearị pịghị nna biri nụ́nụ́arị, sị wa kị́nị́mamgba akuoo bẹ ḅara Krais toruku kpain ḅara ḅụ.

1 Tẹsalonaikaapụ 4:7

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 10:10

Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.

Hiburuapụ 10:20

Ori ịwọ asọ findi wa pịrịm, dumafịnị asọ, ḅụpọgbe bịtẹ ma ḅụ ḅọ́rọ́, anịị ori ojumẹnị.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

Judu 1:24

Ori ma, ine ọ warịị sị ọ bịghịbịgha ḅọ ma, pịghị ọmịnị akuoo sii ḅụ ófórigha ḅụ, na pịghị opu bieḅẹlẹ ḅụ ọ tọ́rụ́kuu, ipine bii yọ,