Kolosiapụ 1:16 - Ibani New Testament

¹⁶ Tegó ọ ḅụ ḅọ́rọ́ anịị Tamuno nyẹ gonyẹ́ gonyẹ́ tẹ́mẹ́nyẹ: so na kiri ma bie fịnịnyẹ, túminị́ tọ́rụ́ pa árịnyẹ na túminị́ tọ́rụ́ pa arịgha nyẹ, ḅọ́rọ́ imine anịgha kụ́rọ anịgha táarịapụ anịgha kụrọnyanáapụ; Tamuno ọ ḅụ ḅọ́rọ́ nyẹ gonyẹ́ gonyẹ́ tẹmẹm nyẹ gonyẹ́ gonyẹ́ n tẹ́mẹ́ ọ pịrịm.

Kolosiapụ 1:16 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 1:10

O tuminikiri ma bie imi, ọ ḅụ ḅọ́rọ́ anịị tuminikiri ma tẹ́mẹ́nyẹ n bẹ sọ, tuminikiri ma o lighilighiḅogha.

Ibi Oku Ma Jọn Anị Gịẹ Ḅara 1:3

Ọ ḅụ ḅọ́rọ́ anịị Tamuno ọ tẹ́mẹ́nyẹ mamgba tẹ́mẹ́nyẹ; n tẹ́mẹ́nyẹ mamgba ḅụ gbẹ́rẹ́nyẹ sọ ofori sị ori tẹ́mẹ́gha nyẹ.

Romapụ 11:36

Tegó Ori nyẹ gonyẹ́ gonyẹ́ tẹmẹm, nyẹ gonyẹ́ gonyẹ́ pịghị ọ ḅụ ḅọ́rọ́ dumam pịghị duma ọ pịrịm. Boma fịnị Tamuno ma pịrị ákị mú ḅẹsá ḅẹsá láa! Anị ọkọ fịnị.

Romapụ 8:38

A nimitẹ́lẹ́mam ḅẹ́ gbẹ́rẹ́nyẹ sọ wa fófóomabịgha ori ḅụ fịnịnyẹ, anịgha ḅẹlẹma ḅụ ḅọ́rọ́: fịị sọ anịgha duma, anịgha sookumuapụ, anịgha sobie ẹ́kpẹ́dua, anịgha mị́sa ma túminị́ kụrọnyanáapụ, mịị sa ma ḅụ anịgha ḅo bẹ sa,

Romapụ 9:5

Nnị anịị ẹ́rẹ́so Hiburu tádọ́apụ ma furoawọ, Krais sọ ojumẹnị ḅụ pịghị nna ḅụ gbẹ́rẹ́ḅọ. Tamuno ori ngámámgba ḅụ táarịḅọ túminí fịnị ọ pịrị ákị mú ḅẹsá ḅẹsá láa! Anị ọkọ fịnị.

1 Kọrịntịapụ 8:6

kụ́ma wamịnị gbẹ́rẹ́ Tamuno ngéré anịị wa nyánányẹ, Daḅọ ma, ori nyẹ gonyẹ́ gonyẹ́ tẹ́mẹ́ḅọ, wa pịghị duma ọ pịrịm, wa pịghị gbẹ́rẹ́ Kị́nị́nyánáḅọ nyanam Jizọs Krais, ọ ḅụ ḅọ́rọ́ anịị nnị nyẹ gonyẹ́ gonyẹ́ tẹ́mẹ́nyẹ, ọ ḅụ ḅọ́rọ́ anịị wa pịghị dumanyẹ.

Ẹ́fịsọsapụ 1:10

Mịị anị ọ tọ́nyẹ ma ọ mịẹ kárámá bẹnyẹ sáá ma la sáá, ori ọ tẹ́mẹ́nyẹ gonyẹ́ gonyẹ́ tuminikiri na sobie akuoo gbolomabẹm sị Krais nna ḅụ sịbịdaa.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Filipaiapụ 2:10

Ḅẹẹ Jizọs ẹrẹ ma ḅụ ḅụ́ọ́sịbị gonyẹ́ gonyẹ́ ẹkpẹrẹkịbẹm sobie fịnịnyẹ gonyẹ́ gonyẹ́ tuminikiri fịnịnyẹ gonyẹ́ gonyẹ́ na pịghị súghúbie fịnịnyẹ gonyẹ́ gonyẹ́ nna ḅụ́ọ́sịbị pa bịghịị,

Kolosiapụ 1:15

Krais, wa tọ́rụ́ pa arịarịḅọ ma fịnị ḅárá anịị Tamuno ma wa tọ́rụ́ pa arịgha ḅọ ma fịnị ḅárá. Ori anị n parị yii Tụwọ, ori n tẹ́mẹ́nyẹ gonyẹ́ gonyẹ́ ma nẹngịm.

Kolosiapụ 1:20

Si Tụwọ ma ḅụ ḅọ́rọ́ o tuminikiri gbọrụ akuoo pa ḅo ọ ḅụ pịrị, ḅọ́rọ́ tuminikiri fịnịnyẹ anịgha sobie fịnịnyẹ, o diin mịẹm ori ọsụ ọmbịnyẹ́ ma ḅụ ḅọ́rọ́ ori mgbẹsẹ sị́ ọgọnọ.

Kolosiapụ 2:10

n pịghị Krais bie káaraapụ pa o mịẹmam, ori anịị pịghị sịbịda táarịapụ na kụ́rọ gonyẹ́ gonyẹ́ pịrịḅọ.

Kolosiapụ 2:15

O táarịapụ na kụrọnyanáapụ ḅara nna ọ́mụ́gbinyẹ daákịfáma sáá, ọ mịẹm túminị́ n pa tọ́rụ́ pa nyẹdighinyẹ mịẹ, mgbẹsẹ sị́ ma pa n sọḅa.

Hiburuapụ 1:2

Kụ́ma mị kunema éné ma, ori ọ Tụ́wọ ḅụ ḅọ́rọ́ ẹ́gẹ́rẹ́kọọ wa pịrịmam. Ori anị ọ tọ́ọ ḅọ nyẹ gonyẹ́ gonyẹ́ nyánáákịbẹḅọ. Ọ ḅụ ḅọ́rọ́ anịị o so na kiri na tẹ́mẹ́nyẹ.

Hiburuapụ 2:10

Anị karakáram ḅẹẹ Tamuno nyẹ gonyẹ́ gonyẹ́ tẹ́mẹ́ sị pịghị anị kokoarịḅọ tọ́rụ́siarị ḅụ Jizọs mịẹ kpaima, sị tọghaapụ ḅo diekiri nyáná bẹ ḅara ori ipine ma bie, Tegó Jizọs anịị n daa pa dụaḅọ́rọ́ma bie suuarịḅọ.

1 Pita 3:22

Krais iwóo sobie mumam ọ pịghị Tamuno amaḅaranga imii, sookumuapụ na tẹ́mẹ́ju táarịapụ mamgba táarị, na pịghị sobie kụrọnyanáapụ mamgba.