Kolosiapụ 1:12 - Ibani New Testament

¹² Bieḅẹlẹ ḅụ ịmịẹḅam pa Daḅọ ma pịrị mịẹḅọ sị o diekiri nyána Tamuno kokowarị ori tọ́ntọ́apụ pịrị ilanyẹ, baá amadakiri ma ḅụ.

Kolosiapụ 1:12 ပူးပေါင်းရင်းမြစ်များ

Matiu 25:34

<

Ibi Oku Ma Jọn Anị Gịẹ Ḅara 14:6

Jizọs pagharam, <

Ibi Oku Ma Jọn Anị Gịẹ Ḅara 20:17

Jizọs a ḅẹm, <<Ị́yẹ́ ọlọsẹma ma, na a ị Daa fịnị angaá laagha. Anịmanakaragha muu dugho ị́yẹ́ amịna owiapụ pịrị ḅẹẹ, >>

Ibi Oku Ma Jọn Anị Gịẹ Ḅara 4:23

Sáá ḅoarị sáá ma pịghị lámam, karakárá ḅụ Tamuno tẹ́ghẹ̄arịapụ ma Daḅọ ma tẹ́ghẹ̄bẹm tẹ́mẹ́ ḅụ na pịghị karakárá ḅụ, ḅẹ́ mịná Tamuno tẹ́ghẹ̄apụ ma anịị Daḅọ ma biarịapụ.

Fịrị Ḅara 20:32

<

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Romapụ 11:17

Nnị dipi olivu ma ḅụ n jẹa sị ḅara anyịmasim, n warị owi olivu sị ḅara pa anị na ḅọlọ gboloma. Ọmịnị Juughaapụ ma ọmịnị owi olivu sị ḅara ma kịkam, ọ warị mị́sa saghị Juuapụ tẹ́mẹ́ju ibi fị́nyẹ ma fịarị.

Romapụ 15:27

Nnị bieḅẹlẹ ḅụụ anị mịẹm, anịị nnị nna ḅara ọlọ sa. Ḅọ́rọ́ Juughaapụ ma Juuapụ ma tẹ́mẹ́ju karịibima ma ḅụ diekiri nyanam, nnị Juuapụ nna ḅara sa ọlọm sị nna tuminikiri ngọ pa nnị na die.

Romapụ 8:17

Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

Romapụ 9:23

Ọ pịghị dọ́ghụm ori ọrẹ opu ipine diepágháma, ọ pa wamịnị ọ tọ́rụ́kụrụkụ́rụ́ nyáná pịrịapụ ma sịbị sara nyẹ, ọ tẹ́lẹ́maapụ ḅẹ́ wamịnị ori ipine nyáná.

1 Kọrịntịapụ 8:6

kụ́ma wamịnị gbẹ́rẹ́ Tamuno ngéré anịị wa nyánányẹ, Daḅọ ma, ori nyẹ gonyẹ́ gonyẹ́ tẹ́mẹ́ḅọ, wa pịghị duma ọ pịrịm, wa pịghị gbẹ́rẹ́ Kị́nị́nyánáḅọ nyanam Jizọs Krais, ọ ḅụ ḅọ́rọ́ anịị nnị nyẹ gonyẹ́ gonyẹ́ tẹ́mẹ́nyẹ, ọ ḅụ ḅọ́rọ́ anịị wa pịghị dumanyẹ.

1 Kọrịntịapụ 9:23

A mịná nyẹ mamgba mịẹm ibi oku ma gosi, sị a diekiri nyána bẹ ḅara anị ḅụ fịnị karịibima ḅụ.

2 Kọrịntịapụ 11:14

Mịma tọ́rụ́ bulubulumagha tegó Satanị sọ, ọ ḅụ dima sị baá sookumuḅọ fịnị ḅara fịnịmam.

2 Kọrịntịapụ 5:5

Tamuno anị wa tẹ́lẹ́ma mị dima ma pịrịarịḅọ ọ pịghị ọ Tẹ́mẹ́ pa wa pịrịm sị anị sẹpịrịḅọ sọ wa pịrị, ọ nyáná kóróma wa pịrịnyẹ mamgba pịrị.

Ẹ́fịsọsapụ 1:11

Nyẹ gonyẹ́ gonyẹ́ nnị anị mịẹm Tamuno tọ warị ḅara; na ọ dọghụ ḅara na, Tamuno pịghị wa sẹ́lẹ́akị pa onye mịẹm Krais ḅụ ḅọ́rọ́, ọ mịẹ dọghụnyẹ go, ọ pịghị tọ warị ḅara sughu saghị sáá ma ḅụ.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 2:18

Krais ḅụ ḅọ́rọ́ wamịnị kị́nị́mamgba, Juu na Juughaapụ ine Daḅọ ma fịnị angaá ḅobẹm, gbẹ́rẹ́ Tọ́ntọ́ Tẹ́mẹ́ ma ḅụ.

Ẹ́fịsọsapụ 3:6

Mịị ḅọghunyẹ ma dughoarị ḅẹ́ ibi oku ma ḅụ ḅọ́rọ́ Juughaapụ na Juuapụ na diekiri nyánam Tamuno karịibima ḅụ, nnị gbẹ́rẹ́apụ oju ma ḅụ pịghị diekiri nyánam, Tamuno Krais Jizọs ḅụ ḅọ́rọ́ minini nyẹ ma ḅụ.

Ẹ́fịsọsapụ 4:6

gbẹ́rẹ́ Tamuno pịghị túminị́ mamgba Daa, ori anịị kị́nị́mamgba Nyánáḅọ kị́nị́mamgba pa fịrịnwangịarị, pịghị kị́nị́mamgba bie imi.

Ẹ́fịsọsapụ 5:11

Túminị́ nwángịarị sọnyẹ ḅụ ófórigha fịrị ma na mịẹnyẹ nyáná ma, anịị kánákánábie fịnịnyẹ ma. Anịmanakaragha nnị pághámá ḅo éné ogbo.

Ẹ́fịsọsapụ 5:20

Sámámgba ịmịẹḅam pa Tamuno Daḅọ ma ḅẹẹ nyẹ gonyẹ́ gonyẹ́ ḅụ Wányánáḅọ Jizọs Krais ma ẹrẹ ḅụ.

Ẹ́fịsọsapụ 5:4

Anịgha anị ḅụ́gbẹ́ ḅẹ́ ọmịnị ịlọ́lị ẹ́gẹ́rẹ́kọọ, anịgha Tamuno dighi ḅáláfaghaa ẹ́gẹ́rẹ́ anịgha biri ḅụ ḅẹlẹgha ẹ́gẹ́rẹ́ kọọ, tụ́ma ọmịnị ịmịẹḅam pa Tamuno ḅẹẹ.

Ẹ́fịsọsapụ 5:8

Gbẹ́rẹ́sa biri ọ kánákáná ma bie imi, kụ́ma mị́sa ọ Kị́nị́nyánáḅọ awọ sọ maá sáá, ọ baá ma bie imi, anịgo o duma kọọ baá ma awọ ḅara.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

Kolosiapụ 3:15

Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ.

Kolosiapụ 3:17

Ọ mịẹnyẹ gonyẹ́ gonyẹ́, ḅọ́rọ́ ẹ́gẹ́rẹ́ ḅụ anịgha mịẹnyẹ ḅụ, nyẹ gonyẹ́ gonyẹ́ mịẹ Kị́nị́nyánáḅọ Jizọs ẹrẹ ḅụ, ịmịẹḅam pa Tamuno Daḅọ ma pịrịarị ori ẹrẹ ḅụ ḅọ́rọ́.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 12:23

Ọ Tamuno parị yii awọ ma kobiri ḅom, n sobie nnị ẹ́rẹ́ gịẹapụ, o Tamuno dámáḅómam kị́nị́mamgba ḅẹ́rẹ́kọḅọ, na pịghị n mịẹ kpainma ma karakárá ibiamịẹnyẹapụ tẹ́mẹ́.

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

Jems 3:9

Anị wa pa wámịna Nyánáḅọ Daḅọ ịmịẹḅam pa ọ pịrịarịnyẹ, anị wa pịghị pa kị́nị́ wiriarị nyẹ, Tamuno ọ ḅụ dighi tẹ́mẹ́apụ ma.

1 Pita 5:1

Irị ịḅụ gbọrụ sẹnịḅọ, ọmịna bie fịnị sọsị sẹ́nịapụ ma tẹ́ghẹ̄m. Ḅẹ́ ịrị a tọ́rụ́ na Krais tọ́rụ́siarị ma arịm, a pịghị diekiri nyánábẹm ori ipine ma ḅụ, anị ḅụ diepágháma bẹnyẹ.

1 Jọn 1:3

Wamịnị árị pịghị namaa nyẹ ma anị wa pịghị dugho págháma ọ pịrịnyẹ, ọmịnị wamịnị na miẹgbolomáa nyáná bẹ ḅara, mị miẹgbolomáa ma, wa Daḅọ ma na anị nyanam na pịghị ọ Tụwọ Jizọs Krais.

Puu Findi 21:23

Opu ámá ma ịrụa biigha anịgha akalụ́ ḅẹ́ nnị anị ḅụ bia tegó Tamuno ipine ma baá pa anị pịrịarị, Ánáná Tụwọ ma sọ pịghị anị tọndọ.

Puu Findi 22:14

Karịiḅi fịnị nna koro bịtẹ siri fiafiamamáapụ ma pịrị, nnị anịị kụrọnyanáapụ sị sịmgbọlụ ma fịị duma pịrị sị ma ḅụ, sị pịghị opu ḅụ́pọ́ ma ḅụ ḅọ́rọ́ opu ámá ma sọọ.

Puu Findi 22:5

Dii mịnị oforibịgha, n pịghị tọndọ baá anịgha ịrụa baá dọghụbịgha, tegó Kịnịnyáná Tamuno ma nna baá sọọbẹm, n pịghị ámányánáapụ ḅara pa taábẹm ákị muu ḅẹsá ḅẹsá láa.