Kolosiapụ 1:10 - Ibani New Testament

¹⁰ Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 1:10 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 15:8

Mịị ḅara anịị boma ḅọ́rọ́ ḅo Daḅọ ma pịrịarị ḅara ḅẹ́ ọmịnị opuma sịịmgbọlụ suam, pịghị ọ ḅụ die ḅẹẹ ọmịnị ị́yẹ́ ọḅụduaapụ.

Ibi Oku Ma Jọn Anị Gịẹ Ḅara 17:3

Gbámásó duma ma nyáná bẹ ḅara, anịị ịnimii, ịrị ngéré karakárá Tamuno ma, na Jizọs Krais ị fịrịmaḅọ ma nimi.

Romapụ 1:13

A dọ́ghụm ḅẹ́ sị o nimi ị́yẹ́ amịnáapụ, ḅẹẹ, tọgha sa a tọmam ḅẹ́ a ḅo ọmịnị arịị, kụ́ma nyẹ sámamgba ị́kíkímam. A dọ́ghụm ḅẹ́ ọmịna ogbobie a mininiapụ nyáná ḅo bẹ ḅara, a nyáná ḅara jẹ́ Juughaapụ ma ogbobie.

Romapụ 4:12

Ori ma anị pịghị nnị tọ́ngọ̄ pẹ́lẹ́apụ ma daa, ḅẹgha ḅẹ́ nnị tọ́ngọ̄ pẹ́lẹ́m gosi, kụ́ma nnị wámịna daa Ebraham dua minini duma ma kọm, na nnị o tọ́ngọ̄ pẹ́lẹ́gha sa.

Romapụ 6:4

Wamịnị mingi sára ḅụ ḅọ́rọ́ nnị wamịnị na ori na dipi gbolomam wa pịghị ori na fịịm, anịgosi Daḅọ ma Krais saghịma ḅara ori ḅụ́gbérépuma kụ́rọ ḅụ, wamịnị sọ anị ḅara pa ịwọ duma kọbẹm.

2 Kọrịntịapụ 2:14

Kụ́ma wa ịmịẹḅam pa Tamuno ḅẹm. Ḅẹ́, wamịnị na Krais na gbẹ́rẹ́nyẹ sọ ḅụ, Tamuno Krais ḅụ, ḅọ́rọ́ sọọḅa pa wa pịrịarị, ọ pịghị wámịna ḅụ ḅọ́rọ́ mịẹsị Krais níminyẹ ma kụ́nụ́ pulo kụ́nụ́ ḅara pa kụ́nụ́ ngámámgba saama.

2 Kọrịntịapụ 4:6

Dugho Tamuno ma ḅẹẹ, <> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.

2 Kọrịntịapụ 5:9

Nyẹ́ mamgba nẹ́ngị nyẹ, wa bim ḅẹ́, wa ọ tẹ́mẹ́ miẹḅẹ́lẹ́ma mịnga oju ma bie anịgha fịị sị so oju ma bie.

2 Kọrịntịapụ 9:8

Tamuno ma pịghị ine o bi ḅara nẹ́ngị nyẹ mịẹ ọ pịrịbẹm. Si o bii nyẹ gonyẹ́ gonyẹ́ sámámgba ọmịnị anị nyáná ọ ḅụ pịrịbẹ ḅara, pịghị anị nyáná wásáma sị pa ibifịrị gonyẹ́ gonyẹ́ nwángị.

Ẹ́fịsọsapụ 1:17

wámịna Nyánáḅọ Jizọs Krais Tamuno ḅara biiarị, ipine nyáná Daḅọ, ḅẹẹ ọ Tẹ́mẹ́ ma pa ọ pịrị, níminyẹ pa ọ pịrịbẹḅọ, sị Tamuno ma pa o die, sị ọmịnị ibima ọ nimi bẹ ḅara.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 4:13

sị wamịnị mamgba ḅo bịpị pa ogbo sua gbẹ́rẹ́ minini ḅụ, pịghị bịpị pa ogbo sua Tamuno Tụwọ ma nimi ḅụ, wamịnị sẹ́nịmaapụ ḅara pa nyẹ mịẹbẹm, sẹnị sị mú Krais láa ḅara la.

Ẹ́fịsọsapụ 5:10

pịghị ḅụ́kọ́rọ́ma Kị́nị́nyánáḅọ ma ḅẹlẹma nyẹ dọghụ pághámaḅo.

Ẹ́fịsọsapụ 5:15

Anịgosi ọ ḅụẹbị ọkọarị duma ḅara, oḅoriapụ ḅáraghaa kụ́ma nyẹ nimiapụ ḅara.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 4:18

A nyẹ gonyẹ́ gonyẹ́ nyanaḅomam bi ḅara ḅụ, anị bi wasam! A binyẹ gonyẹ́ gonyẹ́ a nyánam mị́sa Epaforoditọs ọmịna dienyẹ akuoo i pịrịmaá sáá. Anị nnị mịẹ Tamuno pịrị akị dọghụ igwaa.

Kolosiapụ 2:19

mịị ḅọ mịnị Krais ọlọ sẹ́magha, anịị oju ma sịbịdáḅọ. Krais ma sughubie oju gbọrụ ma duma nyánáarị n pịghị iko na nda na, na kuromeni ḅụ ḅọ́rọ́ anị ọlọ gboloma, anị warị sẹnị Tamuno bii bii ḅara ḅẹẹ anị senị́ị́.

Kolosiapụ 2:6

Anịgosi, ọ Krais Jizọs daákịmaá ḅara ḅẹ́ ori anịị Kị́nị́nyánáḅọ, ọmịnị ọ ḅụ duma kọọ bịpị muu.

Kolosiapụ 3:20

Awọamaapụ nyẹ gonyẹ́ gonyẹ́ ḅụ, ọmịnị ọmịna nyingiapụ na daapụ bịpị pughu, ḅẹ mịma Kị́nị́nyánáḅọ ḅụ ḅẹlẹm.

Kolosiapụ 4:5

Nyẹ́nimi ḅara pa ị́yẹ́ duma kọọ, mininighaapụ ma ogboku, ị nyána sáá ma pa ibifịrị ḅụ suu.

1 Tẹsalonaikaapụ 2:12

Wamịnị ọ tẹ́mẹ́ kụ́rọ́mam, wamịnị o bie diinmam, wa pa dugho ọ pịrịarị ḅẹẹ, ọ sị Tamuno ma ḅẹ́ o ḅoo diekiri nyáná ori amadakiri na, ori ipine ḅụ, ọmịnị ọ ḅụḅẹlẹ duma kọọ.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

2 Timoti 2:4

Gbẹ́rẹ́ ọ́mụ́gbii fịrị nwangịarịḅọ ofori amịna ḅụ pa papa túminị́ mịẹmịẹnyẹ ḅụ susuḅọ tegó o bibẹm ḅẹ́ ori ọrẹ ọ́mụ́gbi sịbịdaḅọ tẹ́mẹ́ miẹḅẹ́lẹ́ma.

Taitọs 3:1

Pa mininiapụ biekóróma ḅẹ́ nnị ḅụ sitéréma táarịapụ na sịbịdaapụ pịrị, ḅẹ́ nnị n bịpị pughu, n pịghị tẹ́lẹ́ma sị ibifịrị nwángị asọ kịrịkị́rị́ ḅụ.

Taitọs 3:14

Wámịna mịnaapụ Krete ḅụ fịnị mininiapụ ma ibifịrị nwángị ma pa nna mịẹmịẹnyẹ mịẹ, nnị ine éné éné ḅụ npalịma nyẹ nyáná nna ḅụ pịrịbẹ ḅara. Nnị sọ́nyẹ bie ofori duma kọọma.

Hiburuapụ 11:5

Minini anị mịẹsị Enọkụ fịị arịgha nyẹ. Tụ́ma Tamuno o saghị akịm, ori árị ḅo ofori Tamuno osiakịmam gosi. Tọ́ndiri ma dughom ḅẹ, tẹrẹmẹ nnị ori akị, o Tamuno tẹ́mẹ́ miẹḅẹ́lẹ́mam.

Hiburuapụ 13:16

O bieḅárámá ma ibi mịẹsị pịghị ḅárásua jụghọ jụghọ pịrị, tegó, mị Tamuno tẹ́mẹ́ ḅẹ́lẹ́maarị igwaa.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

2 Pita 1:8

Mịnanyẹ ma anịị o binyẹ ọmịna duma bie, ọ ḅọ́rọ́ nyáná bima ọmịna duma bie, anị mịẹbẹm ọ gárágárá pịghị sọọ nyẹ ḅụ sọ, ọmịna níminyẹ Jizọs Krais wámịna Nyánáḅọ ḅụ.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.

1 Jọn 3:22

Wa nyanaḅoarị, wamịnị ọ ḅara binyẹ gonyẹ́ gonyẹ́, tegó wamịnị ori ologho kokom pịghị ọḅụ ḅẹ́lẹ́nyẹ mịẹarị.

1 Jọn 5:20

Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.

3 Jọn 1:6

Nnị ị́yẹ́ ḅẹlẹma dugho págháma mịnga fịnị Tamuno kubiri ogbo ma pịrịmam. Páisisi ḅárásua n pịrị sị nnị muarịnyẹ ma mú anị Tamuno ma ḅụ́ḅẹlẹḅara.