Judu 1:6 - Ibani New Testament

⁶ Ọmịnị sookumuapụ ma pa biekóróma, mịnị nna ḅụ pa nna kụrọ láa kunema angaá ḅụ warighaapụ, kụ́ma nna fịnị yọ warisom: n gbámásó ịkóli pa n suamam sughubie fịnị kánákáná ma bie, Tamuno n pa warị pa anị opu éné ma kúru nna ḅẹ́rẹ́kọ éné nnị n guluguluma bẹ sáá.

Judu 1:6 ပူးပေါင်းရင်းမြစ်များ

Matiu 10:15

A karakárányẹ ma dugho ọ pịrịm ḅẹ́ ḅẹ́rẹ́kọ éné ma ḅụ Tamuno tọ́rụ́kụrụkụ́rụ́ nyáná Sodom na Gomora amaapụ pịrị mịná amaapụ ma nẹ́ngịbẹm.

Matiu 25:41

<

Matiu 8:29

Nnị warị ilúghú, <>

Ibi Oku Ma Jọn Anị Gịẹ Ḅara 8:44

Ọmịnị anịị ọmịna daá ẹ́kpẹ́dua awọ, ọ pịghị ọmịna daa binyẹ mịẹ dọ́ghụm. Parị sáá éné éné ori anịị kị́nị́ ḅá ḅáḅọ, karakárá ma ọlọgha pa, gbẹ́rẹ́ karakárá sọ ọ ḅụbie ofori. Ori iruonyẹ dughoarị sáá ori ọrẹ ama bịpị fiearị, ori anịị iruonyẹ dugho dugho ḅọ pịghị iruonyẹ ma daḅọ.

Romapụ 2:5

Kụ́ma ọ kụ́rọ kúkúbie na kụ́rọ sịbịbie nyánam gosi, ọmịnị ọmịna fomḅara mịẹm anị gborogboroḅáa, anị éné ma Tamuno ori igani diepágháma bẹ éné sị pịghị karakárá ḅẹ́rẹ́kọọ.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Hiburuapụ 10:27

Tụ́ma kọnyẹ́, mamgba wa ḅáláfa ḅụ ḅoarị ḅẹ́rẹ́kọ siri ma pịghị Tamuno osighaapụ dọ́ghụ́ma bẹ gbagba kọrịfịnị ma kúru.

2 Pita 2:4

Siinyẹ mịẹ sookumuapụ ma Tamuno nnị warisogha, ori nnị pa ẹ́kpẹ́duaama fịrịmam, ịkóli suanyẹ na n ḅara na pa kánákáná póghóló kiribie gbii ḅẹ́rẹ́kọọ éné ma kúruarị.

2 Pita 2:9

Mịnanyẹ mamgba diearị ḅẹ́ Kị́nị́nyánáḅọ ma so nimim ọ Tamuno dighi ḅáláfaapụ ma duaḅọ́rọ́maarị ḅara nna daádighi ḅụ, sị pịghị sii túminị́ ma pa tọ́rụ́siarị ḅụ kóróma ḅẹ́rẹ́kọọ éné la.

Judu 1:13

Nnị kụ́rọ dinọngụ kịkam tọ́rụ́ ḅụ. Nna ḅụ́gịrịriị́ma fịrị anị ḅụ diearị, dinọngụ anị ọ kọkọ die ḅara. Nnị ikelekelé ma ḅọ́rọ́arị lolia kịkam, Tamuno gbámásó yọ tẹ́lẹ́ma pịrịmáapụ póghólóḅa kánákánábie.

Puu Findi 20:10

Anịsáa oḅori pa n sị ẹ́kpẹ́dua ma nnị ọ pa ọpọlịḅuruma pa dọghụarị kọrịfịnị ésiḅe bie gbi suam, n ḅáláfama nama ma na iruo ikiakoroapụ ma gbi suamaa ngaa, nnị n pa tọ́rụ́siarịmabẹm dii na ḅáa na ákị muu ḅẹsá ḅẹsá láa.

Puu Findi 20:2

Ọ ḅụọ nyáná ódódó ma kuum, olom sáá ódódó ma anị́ị́ ẹ́kpẹ́dua ma anịgha Satanị. Warị ịkóli suanyẹ pa o sua, kụ́rá mmẹẹ́ a ndẹ́ẹ oyia si findi.