Judu 1:3 - Ibani New Testament

³ A opuma kórómaarị a diri gịẹ ọ fịrịma wamịnị kị́nị́mamgba nyáná dụaḅọ́rọ́ma gbólómanyẹ ḅụ. Kụ́ma anị ḅoo ịḅụ korom ḅẹ, a ábálálá gịẹ pa ọmịna tẹ́mẹ́ kụrọma, ḅẹẹ ọmịnị owusọọ tórúku mú Tamuno gbẹ́rẹ́sa pa ori a túminị́ pịrị sị pịrị fama minini.

Judu 1:3 ပူးပေါင်းရင်းမြစ်များ

Fịrị Ḅara 17:3

anị dugho findiarị, pịghị die pághámaarị ḅẹẹ n Pulo pa Sịbị Saraḅọ ma tọ́rụ́siarịbẹm sị pịghị fịị ḅụ saghị. Pọl warị ḅẹẹ, <>

Fịrị Ḅara 18:28

Ori kụrọ ḅara pa ẹ́gẹ́rẹ́ nụ́náarị ḅara ọ Juuapụ ma kọọḅam, kị́nị́mamgba tórúku, ọ Tọ́ndiri ma bie saghị die pághámaarị ḅara ḅẹẹ Jizọs Krais ori anịị n Pulo pa Sịbị Saraḅọ ma.

Fịrị Ḅara 20:27

Tegó a pa ọ ḅọghuma nyẹ ofori Tamuno dọghụnyẹ mangba sị o nimii.

Fịrị Ḅara 28:28

Pọl dughofamam warị ḅẹẹ, <> [

Fịrị Ḅara 4:12

Ọ ḅụ ngéré anịị wa dụaḅọ́rọ́ma nyáná bẹnyẹ, tuminikiri gbọrụ ḅụ Tamuno na jụghọ pịrịgha wa ḅọ́rọ́ma bẹḅọ.>>

Fịrị Ḅara 6:7

Tọgha tọghaapụ ibi oku ma naam sị minini. Mininiapụ ma kịẹbịpị Jerusalem ḅụ ḅo dụḅam. Tọgha tọgha igwagwaapụ ḅo Krais ḅụ mininim.

Fịrị Ḅara 9:13

Ananayas warị pagharaa, <

Fịrị Ḅara 9:22

Sọl ori kụrọ pa Tamuno ẹ́gẹ́rẹ́ ma dugho wásámaarị ḅara ma warị tọgha tọghaapụ mịẹsị minini; ọ pịghị diepágháma ḅara ḅẹẹ, Jizọs ori anịị Mesaya ma, mịná ẹ́gẹ́rẹ́ ma opuma nna ḅụ korom sị Juuapụ, Damasikọs ḅụ fịnịapụ mamgba gbẹ́rẹ́ḅọ sọ ine dughonyẹ nyánágha.

1 Kọrịntịapụ 15:3

A dáaḅonyẹ a ḅọ́rọ́ma ọ pịrịmam parị nyẹ́la ḅa nyẹ ḅara, ḅẹ́ Tọ́ndiri ma dugho ḅara ḅẹẹ, Krais wa sịbị go fịm,

Galesiaapụ 2:5

Gbẹ́rẹ́ kịsị kálá sa sọ, wa n dughoarị nyẹ puugha. Wa ibi oku ma karakárá kokowarị ọ pịrịbẹ ḅara.

Galesiaapụ 3:28

Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ.

Galesiaapụ 6:11

Ọmịnị árịmam i ḅara gịẹnyẹ dụḅa láa ḅara, a i ḅara pa anị gịẹm!

Ẹ́fịsọsapụ 1:1

Irị Pọl Jizọs Krais fịrịmaḅọ Tamuno ma tọ warị ḅara ḅụ, anịị mịị diri ma gịẹḅọ. A gịẹ pa Ẹ́fịsọs bie fịnị Tamuno tọ́ntọ́apụ fịrịmaarị sẹ kụrọ fịnị sị Krais Jizọs ma duaarịapụ.

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Kolosiapụ 1:2

A gịẹ pa ọmịnị Kolosi ḅụ fịnị minini mịnaapụ ma fịrịmam, tọ́ntọ́ ḅụ fịnịapụ pịghị sẹ́kụ́rọ́apụ nna minini ḅụ: Tamuno Daḅọ ma tọ́rụ́kụrụkụ́rụ́ na diin pa ọ pịrịị.

1 Tẹsalonaikaapụ 2:2

Ọ kọkọ nimi nnị wa pa tọ́rụ́siarịma ḅara pịghị wa wirikọsị ḅara Filipai ḅụ na wamịnị ọ dámaḅogha sáá Tẹ́salonaika ḅụ. Anịsọnị ḅẹ́ tọghaapụ mini wa pịrịgha, kụ́ma wámịna Tamuno kụrọ kúkúbie pa wa pịrịm sị wamịnị ine ọ ḅarabie saghị ḅo ibi oku ma dugho wásáma ọ pịrịm.

1 Timoti 1:18

Timoti, i tụwọ a mị againma ma pa ị pịrịm, ị sịbị kóró ikiakoro ma koro ḅara ḅụ, ḅẹẹ ịrị mịị againma ma dua sa, ị tụ́ma ọmụgbiḅọ ḅara pa ọmụ́gbibẹm.

1 Timoti 6:12

Minini ibi owu ma sọọ, gbámásó duma ma ọlọ sẹ́ma ịḅụ pịrị, mị duma ma goo anị Tamuno goo ị siinyẹ ị́ ị́yẹ́ minini dugho wásáma sáá tọgha onyésẹapụ tórúku.

2 Timoti 1:13

A pa ị die karakárá ẹ́gẹ́rẹ́ ma ibima anị ọlọọ kụ́rọ́ma sị anị ịrị arị sị duabe nyẹ sọọ, pịghị Krais Jizọs ḅụ wa nyána minini na wa nyáná ḅẹlẹma ḅụ fịnịị.

Taitọs 1:4

Mị diri ma a gịẹ pa Taitọs fịrịmaarị ị́yẹ́ karakárá tụ́wọ wamịnị mamgba nyáná minima ma ḅụ. Tamuno Daḅọ na Jizọs Krais wámịna Ḅọ́rọ́maḅọ ori tọ́rụ́kụrụkụ́rụ́ na diin pa ọ pịrịị.

Hiburuapụ 13:22

A ọ tẹ́ghẹ̄m ị́yẹ́ mịnaapụ ḅẹ́ ọmịnị ingịrịma nyáná a gịẹḅọ ọ pịrị tẹ́mẹ́kụ́rọma ábálálá ma pịrị. Mị́sa a gịẹ ábálálá ma opuma nángwọgha.

Hiburuapụ 6:9

Ị́yẹ́ ibi mịnaapụ wa ḅọ́rọ́ nwọpa ẹ́gẹ́rẹ́kọọ sọ, wa biekpọ nyánam ọ fịnị angaá wa nimim ḅẹẹ ọmịnị ibi mịma nẹ́ngị boma nyanam, ọmịna dụaḅọ́rọ́ma na ḅo nyẹ.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

2 Pita 2:21

Anị opuma ibiḅaabẹm, n ḅọ́rọ́ karakárá ibiamịẹnyẹ asọ ma nimigha, sị ḅo nimifama sa, warị ḅo n pa n pịrị tọ́ntọ́ ólóghó ma ḅụ pịghịị.

Judu 1:1

Irị Judu, Jizọs Krais fịrịnwangịḅọ na pịghị Jems numboru owitụ́wọ, mịị diri ma gịẹ pa ọ fịrịmam Tamuno sịmáapụ, pịghị Tamuno Daḅọ ma ḅẹlẹma bie duma kọọapụ, pịghị Jizọs Krais ọ ḅara na kokoapụ.

Judu 1:17

Kụ́ma o biekóróma, ị́yẹ́ nangwọapụ nfịrịmaapụ ma dughonyẹ ḅọ́rọ́maa sáá wámịna Nyánáḅọ Jizọs Krais gbolomanyẹ,

Judu 1:20

Kụ́ma ọmịnị ị́yẹ́ nangwọapụ ọ pa jụghọ jụghọ mịẹ sẹ́nịma ọmịna tọ́ntọ́ḅa minini ma ḅụ, Tọ́ntọ́ Tẹ́mẹ́ ma kụrọ pa tẹ́ghẹ̄.

Puu Findi 12:11

Ánáná tụ́wọ ma ọmbịnyẹ́ na, nna dugho págháma karakárá ẹ́gẹ́rẹ́ anịị n pa ọ sọ́ḅa nyẹ. Nnị tẹ́lẹ́ma sị nna duma kóróma fịị pịrịm.

Puu Findi 2:10

Ḅáláfama ọmịnị árịdụmaarị tọ́rụ́siarị ma gosi. Pughu! Ẹ́kpẹ́dua ma ọ pa daádighi ma bie suubẹm ori ọ́ḅụ jẹ́apụ pa ikóliwarịbie gbi sua bẹ sa, ọmịna ḅụḅáláḅálá fịnị mú oyia dii láabẹm. Sẹ́kụrọ i pịrị, anị ḅọ́rọ́ fịị bii sọ, anịsáa a dúma ogunu ma pa ọ pịrịbẹm.