Judu 1:21 - Ibani New Testament

²¹ Ọ Tamuno ḅẹlẹma ḅụ ọmịna ḅụ warị ọmịnị Wányánáḅọ Jizọs Krais kụ́rụ́arịsa ḅẹ́ o ḅọ sị duma gbámásó pá ọ́ pịrị ori lolomakúkúbie ḅụ.

Judu 1:21 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 1:17

Tamuno ólóghó ma Mosis ḅara sághịḅom, kụ́ma tọ́rụ́kụrụkụ́rụ́ na karakárá Jizọs Krais ḅara sághịḅom.

Ibi Oku Ma Jọn Anị Gịẹ Ḅara 14:21

<<Ị́yẹ́ ologho ma daakị ḅọ gonyẹ́ gonyẹ́ sị anị dughonyẹ mịẹ, anị tumḅọ ma anịị i ḅẹlẹma ḅọ. I ḅẹlẹma ḅọ i Daá ma n ḅọ ḅẹ́lẹ́mabẹm, ịrịsọ n ḅọ ḅẹ́lẹ́mabẹm pịghị ịḅụ pa n ḅọ diebẹm.>>

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Romapụ 5:21

kunema, sii fịị kụ́rọ pa túminị́ taa ḅara ma, anị gbẹ́rẹ́ ḅara ma Tamuno ma tọ́rụ́kụrụkụ́rụ́ ma taám, karakárá ibiamịẹnyẹ ḅụ, sị wamịnị akuoo duma gbámásó bie suu wámịna Nyánáḅọ Jizọs Krais ḅụ ḅọ́rọ́.

Romapụ 5:5

Mịị tọ́rụ́ dighinyẹ ma wa gbarịgbarịgha, Tamuno ori ḅẹlẹma pa wámịna kúkúbie saramam ori Tọ́ntọ́ Tẹ́mẹ́ pa, anịị wa ọ ḅara nyáná ḅo diepịrịnyẹ.

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 8:39

anịgha ọgọnọ ju anịgha póghóló yọ, anịgha tuminikiri nnị tẹ́mẹ́nyẹ gonyẹ́ gonyẹ́ ine wa fófóomabịgha Tamuno ma ḅẹlẹma ḅụ, wa nyánányẹ Krais Jizọs wámịna Nyánáḅọ ḅụ ḅọ́rọ́.

2 Kọrịntịapụ 13:14

Wámịna Nyánáḅọ Jizọs Krais tọ́rụ́kụrụkụ́rụ́, Tamuno ḅẹlẹma, na Tọ́ntọ́ Tẹ́mẹ́ ma mịẹgbólóma, ọmịnị kị́nị́mamgba na fịnịị.

2 Tẹsalonaikaapụ 3:5

Kị́nị́nyánáḅọ o daa mú sị ọmịnị dụḅaḅá ḅara pa Tamuno ḅẹlẹma akanyaḅo na pịghị Krais pịrịarị ngịrịma.

1 Timoti 1:2

A gịẹ pa ị fịrịmam Timoti, minini ma ḅụ ị́yẹ́ karakárá tụwọ: Tamuno Daḅọ ma na Krais Jizọs wámịna Nyánáḅọ, tọ́rụ́kụrụkụ́rụ́, lolomakúkúbie na diin pa ị pịrị.

2 Timoti 1:16

Tamuno lolomakúkúbie nyána Onesiforọs wárị pịrị, tegó tọgha sáá ori i tẹ́mẹ́ mịẹ saghịmam, anị pịghị ọ ḅụgịrịrịmagha ḅẹ́ a ikólibie imii.

2 Timoti 1:18

Kị́nị́nyánáḅọ ma lolomakúkúbie nyáná ọ pịrị anị éné ma ḅụ! I kọkọ pịghị ibima nimi ọ mịẹ i pịrịnyẹ láa ḅara Ẹ́fịsọs ḅụ.

2 Timoti 1:2

A gịẹ pa ị́ pịrịm Timoti ị́yẹ́ ibi tụwọ: Tamuno Daḅọ na Krais Jizọs wámịna Nyánáḅọ tọ́rụ́kụrụkụ́rụ́, lolomakúkúbie na diin pa ị pịrịị.

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

2 Pita 3:12

ọ pa Tamuno ene ma kúruarị sa, ọ mịẹnyẹ mịẹsị anị álála ḅoo. Anị éné ma, sotọrụ ma dọghụbẹm fịnịbie pịghị guluguluma, sotọrụ fịnịnyẹ ma gonyẹ́ gonyẹ́ fịnị ọwụ ma anị sanimabẹm.

1 Jọn 4:16

Wa nimim pịghị minini Tamuno nyáná wa pịrị ḅẹlẹma. Tamuno ori anị ḅẹlẹma. Ḅẹlẹma ḅụ ngaaḅọ gonyẹ́ gonyẹ́ Tamuno na gbẹ́rẹ́ ḅụ ḅụ imii, Tamuno sọ nḅọ na gbẹ́rẹ́ ḅụ ḅụ imim.

1 Jọn 5:18

Wa nimim ḅẹ́ Tamuno Tụwọ sọmaaḅọ gonyẹ́ gonyẹ́ sámámgba siinyẹ mịẹ mịẹbịgha, Tamuno Tụwọ ma n kokowarịarị, sii tumḅọ ma sọ ine nyẹ pa n lámábịgha.

1 Jọn 5:21

Ị́yẹ́ ibi awọ ọmịnị ọḅụ fóofóoma n kárá tamuno ḅụ.

Judu 1:1

Irị Judu, Jizọs Krais fịrịnwangịḅọ na pịghị Jems numboru owitụ́wọ, mịị diri ma gịẹ pa ọ fịrịmam Tamuno sịmáapụ, pịghị Tamuno Daḅọ ma ḅẹlẹma bie duma kọọapụ, pịghị Jizọs Krais ọ ḅara na kokoapụ.

Judu 1:22

Lolomakúkúbie nyáná tẹ́mẹ́ mmẹẹ́ mmẹẹ́ mịẹarịapụ pịrị,

Judu 1:24

Ori ma, ine ọ warịị sị ọ bịghịbịgha ḅọ ma, pịghị ọmịnị akuoo sii ḅụ ófórigha ḅụ, na pịghị opu bieḅẹlẹ ḅụ ọ tọ́rụ́kuu, ipine bii yọ,

Puu Findi 12:11

Ánáná tụ́wọ ma ọmbịnyẹ́ na, nna dugho págháma karakárá ẹ́gẹ́rẹ́ anịị n pa ọ sọ́ḅa nyẹ. Nnị tẹ́lẹ́ma sị nna duma kóróma fịị pịrịm.